"?ош бастауыш!" ерте?гілігі

« Бастауышым, бал бұлағым »

Мақсаты: Білім негізі бастауыштан қаланатын оқушылық өмірдің бастапқы баспалдағын аяқтаған бүлдіршіндердің аяулы ұстазымен қоштасу рәсімін жасау.Бастауыш мектептен алған білімдерін, өнерлерін байқату, ортаға салу.Ұстаз еңбегін бағалай білуге, жан-жақты білім алуға, саналы азамат болуға тәрбиелеу.

1 жүргізуші : Құрметті ұстаздар, оқушылар, ата-аналар!

Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алғаш білім әлеміне жетелеп, 4 жыл бойы білім нәрімен сусындап, тәлім-тәрбие алған бастауыш мектеппен қоштасқалы отыр. Бүл күн-мектеп тарихында, бастауыш мектепті бітіруші түлектер есінде мәңгі өшпесі анық.

2 жүргізуші :

Бастауышым бал бұлағым,

Арналады саған әнім.

Өзің берген біліміңмен толығып,

Талай ұлан шәкірт өсті қанығып.

1 жүргізуші :

Жас жүректің өмірлік құштары – гүл

Бағбан – ұстаз баулыған құстары – бұл,

Қоштасып бүгінгі күн бастауышпен

Сол құстардың бір тобы ұшқалы тұр,

2 жүргізуші : Ұрпағың мақтануға болса лайық,

Біз бүгін мақтанайық, жар салайық.

Биылғы жыл бастауыш түлектерін,

Құрметпен қол соғып қарсы алайық!

–дей келе ортаға бастауышпен қоштасқалы отырған түлектерді шақырамыз:

1.Өмірбек Ботакөз – сынып әкімі, сынып жанашыры, білімді, инабатты, үлкенге құрмет, кішіге ізет қағидасын үнемі есте ұстайды. «Ақбота», «Кенгуру» республикалық марафонының, мектепішілік пән олимпиадаларының жүлдегері,оқу озаты.

2.Есімхан Айсана – қағілез, алғыр. «Ақбота» республикалық марафонының, мектепішілік пән олимпиадаларының жүлдегері.

Әнші, мың бұрала билегенді ұнататын болашақ биші.

3. Көмірбай Мендос- дене шынықтыру пәнін қатты ұнатады. Болашақ чемпион.Мектептің «Болашақ » КВН командасының ең жас мүшесі. 2011 жылы Қарағанды, Астана қалаларында өткенКВН сайыстарына қатысып, мектеп намысын қорғаған жас өнерпаз.

4.Қуандық Анель - сынып жанашыры, білімді, қағлез, алғыр. «Ақбота» республикалық марафонының, мектепішілік пән олимпиадаларының жүлдегері.Ұстаздың айтқанын бұлжытпай орындайтын, қалжыңды түсіне білетін ақылды ару.

5.Карсонбай Нұрдәулет – Отбасының еркесі,мамасының серкесі.

«Ақбота» республикалық марафонына қатысушы.Дене тәрбиесі пәнін жақсы көреді.

6.Рымтай Альбина –Анасының көмекшісі,бауырының қамқоры.

«Ақбота» республикалық марафонының, мектепішілік пән олимпиадаларының жүлдегері .

7.Мұратхан Әділет – Үлкенді сыйлай білетін, кішіге қамқор бола алатын бауырмал жан,мектепішілік пән олимпиадаларының жүлдегері. «Кім жылдам?» отбасылық сайысының жеңімпазы.

8.Климова Айгерім – ұқыпты, сабақты жақсы оқиды.Әдемілікті жаны сүйеді. «Ақбота» республикалық марафонының, мектепішілік пән олимпиадаларының жүлдегері.

9. Садыхан Ақниет – ақкөңіл, аңғал. «Ақбота» республикалық марафонының, мектепішілік пән олимпиадаларының жүлдегері.

Жан-жақты, мәнерлеп оқуда алдына жан салмайды. Ақындарымыздың 30 шақты өлеңдерін жатқа айтады.Әжесінің жанашыры.

10.Болатбаева Лаура – орнықты, қойған жерден табылатын тиянақты .Әр іске жауапкершілікпен қарайды.Бауырларына қамқор, анасына жанашыр.Аудандық математика пән олимпиадасының жүлдегері, республикалық «Ақбота» марафонына қатысушы.

11.Жазымхан Ермұрат – салмақты, ұяң.Ана тілден мүдірмей оқиды.Ұнататын пәні –дене шынықтыру.

12.Кәріғұл Әсемгүл – ақ көңіл.Математика пәнін сүйіп оқиды.

«Ақбота» республикалық марафонының, мектепішілік пән олимпиадаларының жүлдегері.

13.Жумадилова Ләйлә - «Ақбота» республикалық марафонының жүлдегері.Достыққа адал, жамандыққы жаны қас.

2 жүргізуші:

Дана да басын иетін,

Дарын да шексіз сүйетін,

Жаныңда мәңгі жүретін,

Жаныңды жақсы білетін,

Суарып ізгі тілекпен

Жаныңа сенің гүл еккен

Ол-ұстаз – дей отырып бүгінгі қоштасу кешіміздің алғашқы сөзін ұстаздарымызға береміз.

1 жүргізуші:

• Құттықтау сөз мектеп директоры Абдрахманов Қайыр Абдрахманұлына беріледі

2 жүргізуші:

• Келесі сөз кезегі оқу-тәрбие ісі жөніндегі орынбасар Ақбергенова Саягүл Қазбекқызына беріледі.

1 жүргізуші:

• Жақсы шәкірт азамат атанады,

Халқынан, ата-анадан бата алады,

Ұрпағына айтсын деп ақ тілегін

Ортаға шақырайық ата-ананы, -дей келе келесі сөз кезегі ата-ана _____________________________________________________ беріледі.

2 жүргізуші:

Бүгін мына кеш жүректі тербейді,

Бал дәурен балалық айналып келмейді.

Алғашқы ұстазым әліппе ұстатқан

Жүректен ешқашан, сөнбейді.

Келесі құттықтау сөз алғашқы ұстаз Ынтықбаева Бақыт мұғалімге беріледі.

1.Армысыздар, мұғалімдер әз жандар! - Бота

Білім іздеп инемен құдық қазғандар,

Құшақ жая қарсы аламыз сіздерді

Би биленіп, ән де бүгін шырқалар.

2.Өлшеулі ар-намыс пен нарқымыздың, - Ақниет

Қорғаны адамдық пен салтымыздың

Армысыздар аяулы ұстаздарым,

Сенері сендерсіңдер халқымыздың

3.Өмір берер ертеңгі бағаларын - Айгерім

Бастауышпен қоштаспақ балаларың

Халқыма ұрпақ берген, өмір берген

Қош келдің әкелер мен аналарым !

4.Мектеп, мектеп бақытқа толды үйің, - Лаура

Ұша білсек болмас-ау, қону қиын.

Бастауыштың соңғы әнін шырқап бүгін,

Бастауыштың билейміз соңғы биін.

5.Бүгін біз алғаш сауатымызды ашып, білім негізін қалаған бастауышпен қоштасқалы отырмыз. – Нұрдәулет

6.Қош міне келдіңіздер, сабақтастар, -Әнел

Шығатын шың, қол бұлғайды биік асқар.

4 жыл оқып, өрелі білім алдық,

Кез келді, міне, ілгері қадам тастар.

Хор «Сыңғырла қоңырау»

7.Мен бүгін бұрынғыдан саналымын, -Әділет

Қоңырау боп күмбірлейді жаңа күнім.

Дәптердің жазылмаған ақ парағы-

Ақ көйлек жеті жасар балалығым.

8.Бізді үйреткен жалықпастан, -Айсана

Рахмет ұстазыма көзімді ашқан.

Біз- шәкірт, біз –Отанның болашағы,

Білімнің басқышына қадам басқан.

9. «Қазақстан» - Мендос

Хор «Туған ел»

10.Мына біздей бірге жүрген құрдастар, - Ақниет

Алдыменен әуелетіп жыр тастар.

Оқулықтар қатарына сөз бердік,

Білімдерін шертіп өтсін сырластар.

1жүргізуші: -Балалар, ортамызға бүгінгі кешімізді бөлісіп келіп тұрған Ана тілімізді шақырайық!

Ана тілі: Ағайын, құлақ сал, мен – Ана тілімін

Шәкірттің «А» деген алғашқы үнімін.

Ал, енді қоштасам балдырған өзіңмен,

Шыңдалсын, ал енді ары қарай білімің.

- Балалар , сендер менен кейінгі достарыңмен танысқыларың келе ме?

- Иә.

-Ендеше сендермен білімімізді ортаға салайық..Мен сендерге тапсырмалар топтамасын әкелдім.Сол тапсырмаларды орындасаңдар достарыңмен таныстырамын.Орындаймыз ба, танысқыларың келе ме?

-Иә.

-Онда екі топқа бөлінейік.Ұстаздар топтардың жауаптарын саралап отырыңыздар.Соңында қай топ шапшаң, алғыр екендігін айтасыздар.

Тапсырмалар:

1 жүргізуші:Олай болса бастайық.Бірінші тур «Бәйге».Әр топқа 5 сұрақтан қойылады.Тез қолдарыңызды көтеріп жауап берулеріңіз шарт.

І.«Бәйге» І топ

1. Білім күні қай күн?

2. Заттың атын білдіретін сөз.

3. Жылдың төрт мезгіліне де өлең жазған ақын.

4. Білім, оқу туралы мақал.

5. Ұлы Отан соғысының батыр қыздары

2 жүргізуші:Келесі топтың сұрағы:

ІІ топ

1.Еліміздің Тәуелсіздік алған күні

2.Желтоқсан құрбандарын ата.

3.Төртбұрыштың қабырғаларының қосындысы

4.Туған жер туралы мақал

5.Заттың қимылын білдіретін сөз

1 жүргізуші: Келесі тур «Зерде».Әр топқа 3 жұмбақ беріледі.Жауабын екі тілде айтасыздар.

І топ

1.Қабат-қабат қаттама,

Ақылың болса аттама. (кітап – книга)

2.Тұмсығымен қозғалар,

Соңында аппақ із қалар. (бор – мел)

3.Сағат сайын қағылады,

Тек мектептен табылады. (қоңырау-звонок)

2 жүргізуші:Келесі топтық жұмбағы:

ІІ топ

1.Билеп-билеп бұрышқа тұрған. (сыпырғыш-веник)

2.Жүрсе ізі жоқ, сойса қаны жоқ. (қайық-лодка)

3.Бірде төмен,

Бірде шығып жоғары.

Сөз сөйлесең,

Қозғалыста болады. (тіл-язык)

1 жүргізуші:Келесі тур «Ұшқыр ой».Ұяшықтарға сурет бойынша тапсырмалар берілген.Сол тапсырмаларды орындау қажет.Әр дұрыс жауапқа ұяшықта көрсетілген ұпай беріледі.

2 жүргізуші:Келесі тур «Алтын сандық».Өлең жолдарының неге және кімге арналғанын айтасыздар.

І топ

1 жүргізуші:

Өмірімнің көктемін,

Сенде өткізем деп келдім.

Армандарым көп менің,

Атқарамын деп келдім.

Асыл анам, алтын ұям сен менің. (мектеп)

2 жүргізуші:

ІІ топ

Ақыл айтса салмақты,

Ашуы да бар қатты.

Алайда ол басқадан,

Абыройлы ардақты . (ұстаз)

1жүргізуші:Сөз кезегін саралаушы ұстаздарымызға береміз.

Ана тілі оқушыларымыздың жауабына ризасыз ба,достарымен таныстырасыз ба?

Ана тілі: Ризамын.Ендеше таныс болыңыздар.

Әдебиет: Білімді шәкірттерге сенген едім,

Толықсып әуеніне тербелемін.

Келешекте сен менен дәріс ал деп,

Ортаңа «әдебиет» боп мен келемін.

11. Мектеп, мектеп, менің жарқын көңілім - Әсем

Мектеп, мектеп, шаттық толы өмірім

Мектеп, мектеп, әнім болып төгілдің

Мектеп, мектеп,ана болып та көріндің

Ән «Мектебім»

12.Ана сүтін ақтаймыз, - Лаура

Қиындықтан қашпаймыз.

Жақсы оқып әрқашан,

Білімді бірге шыңдаймыз.

13. «Үш бақытым» ------- Ермұрат

Хор «Отаным Қазақстан»

2жүргізуші:Келесі жыр шумақтары ұстаздар қауымына арналады.

14. Кездескенде қалатұғын шұрқырай, - Әсем

Бастауыштық қызық бір күні-ай.

Барлығымыз бір сынып, бір партада,

Тағы осылай отырар ма ек шіркін-ай!

15. Ұшырса да бұл өмірдің сан құсын, - Бота

Ұстаз – ғалым толастатпас мәңгі ісін.

Тыншымайтын асыл жандар аяулы,

Тыңдаңыздар шәкірттердің алғысын

16.Білім сыйлап біздерге, - Айгерім

Аялайсың әр күні.

Қарыздар ғой сізге

Адамдардың барлығы.

Бақытжан апай

Бәрімізге құрметті.

17.Сая мұғалімге: - Альбина

Қазағымның қызы болсын өзіңдей

Шуақ шашсын күнімдей,

Сөзге шешен, іске ұста сіз барда

Бала өседі олқылықты сезінбей.

18. Қайыр мұғалімге: - Әнел

Ажырамай халықтан бір елі сіз,

Жақсылыққа жаралсын жүрегіңіз.

Құрметпенен өзіңізге біз тілейміз,

Жарқырасын, жайнасын мектебіңіз.

19.Мектебім төл енгізген ана тектес, - Альбина

Шын ұстаз, сөзің асыл баға жетпес.

Үйреткен сурет салу,тігу,қию

Валя апай, Рымкүл апай баға жетпес.

Ән «Бақытты балалық шақ»

20.Бар қасиет беріліпті бойыңа, - Ақниет

Ризамыз арман, тілек, ойыңа.

Мейірімділік, қайраттылық ар-намыс

Бәрі сізде Қуаныш мұғалім мойыма.

21.Болаттай берік шыңдайды, - Бота

Дене шынықтыру пәнінде.

Жүлдегер барша сайыста,

Жүрсе де қанша, шаршап ол.

Сомдайды әрбір сабақта

Әлібек ағай нағыз ер.

22.Тілдің сырын меңгерген, - Ләйлә

Тіл білуді жөн көрген.

Көсегесін көгертіп,

Ғажайып бір өң берген.

Бота мұғалімге көп алғыс!

23.Нүкте, нүкте, үтір ал - Әнел

Сканер, принтер,интеграл.

Гуля мұғалім – интеллектуал!

24.Когда на нас сурово - Айсана

Вы смотрите порою,

У нас дрожат колени

И затихает класс.

И все- таки мы знаем,

Что Вы за нас горою

Мы любим Вас за это

И благодарны Вам Гульмира апай.

25.Бақыт мұғалім сүйікті менің ұстазым - Мендос

Күлімдеген, күнім деген.

Қамқор болған ұстазым

Жаны жайсаң, жайдары жан

Ұғындырған сөз сазын.

26.Алма мұғалімге: Өзін өзі тануды - Ақниет

Үйреткен бізге зер салып,

Адамгершілік, таза, тектілік

Ісінде бар ептілік.

27.Думан мұғалімге: Бар асылды бір бойына жинаған, - Әділет

Төлеген де, Шеге де өзі кәделі.

Әуелетіп ән мен жырды жүріңіз

Қыз Жібегіңіз аман болсын әдемі.

28.Гауһар мұғалімге:Тілдің сырын меңгертіп - Әсем

Мәдениетті көздеген.

Әлі талай сабақта

Кездесерміз сізбенен.

1жүргізуші: Кешімізді ары қарай жалғастырамыз.

2жүргізуші:

• Ән «Дос болайық бәріміз» .Орындайтын ұлдар тобы.

1 жүргізуші:

Гүлдер, гүлдер, қызыл гүлдер, көк гүлдер,

Неге мұнша жайқалған нәзік көпсіңдер?!

Әдемілік, әсемдік, нағыз сұлулық,

Жер бетінде орнасыншы мәңгілік.

Би «Гүлдер» . Орындайтын бишілер тобы.

2жүргізуші:

Атам менің әулие-тін,

Сәбидей пәк жүрегі.

Сәл нәрсеге шын қуанып,

Сәл нәрседен жүдеді.

1 жүргізуші:

Қайран атам бойтұмарым,

Сәуегейім, сағынышым...

Елемеймін ой тұманын

Санамда атам бары үшін.

• Ән «Аташым». Орындайтын Ақниет пен Әділет.

2жүргізуші:

Теңіздей тербетіліп көл бетінде,

Бишілер билеп кетті тербетіле

Аққудай қалықтаған теңіздегі,

Бишілер өнерлерін көрсетуде

• Кәріс биі.Орындайтын бишілер тобы.

1 жүргізуші:

• Ән «Бау бақша белдер».Орындайтын: Әсем мен Лаура

2жүргізуші:

• «Твист» биі.Орындайтын Айгерім, Әділет,Әнел,Ақниет.

1 жүргізуші:

• Испан биі.Орындайтын Мендос,Нұрдәулет,Айсана,Бота

2жүргізуші:

Білімді шәкірттерін аялаған,

Жақсылығын ешкімнен аямаған.

Саялы бақ жанашыры жас ұрпақтың

Ұстаз деген ардақты, аяулы адам- дей келе

Бүгінгі бүлдіршіндерімізге бастауыш сыныпты аяқтатып, орта буынға шығарып салып отырған ұстазымыз Қуаныш

Мұхамедияқызын сахна төріне шақырамыз.

1жүргізуші:

Сөз кезегі өзіңізде.

Би «Вальс» . Ән «Әкешім,анашым»

2жүргізуші:

Келесі сөз кезегі ата-аналарға беріледі.

1жүргізуші:

Әр баланың жүрегіне гүл еккен,

Ұстаз ісін ақын біткен жыр еткен.

Бұл ұжымға айтар алғыс шексіз-ау,

Қаншама мың шәкірттерді түлеткен.

2жүргізуші:

Біліміңді бағалар,

Аяулы ұстаз даналар.

Сіздерге бізден мың алғыс,

Келешек бізбен жаңарар – дей келе бүгінгі кешімізді аяқтаймыз.

Сау,саламатта болыңыздар!