«Өзін-өзі тану» сабағының жоспары
Мектеп : Знаменка орта мектебі. Мерзiм ____________Мұғалiм: Өмірзақова Қ.О.
Сынып __5___ Оқушылар саны _17___ Тақырып __ Адалдық пен әділдік ______
Құндылық:Сүйспеншілік Қасиеттер: Мейірімділік, ізеттілік, бірлік, ынтымақ.
Сабақ мақсаты: Адалдық пен әділдік туралы түсінік беріп, сүйспеншілігін дамыту.
Міндеттері:
– мейірімділік қасиеттерін кеңейту ;
– өзара ізеттілік қарым-қатынастарын дамыту;
– бірлікке, ынтымақтастықа тәрбиелеу.
Ресурстар: (құралдар, мәлiметтер)
Дәптер,оқулық,күн бейнеленген плакат, бала санына орай қағаздан жасалған жүрекшелер,интерактивтік тақта, бейнефильмдер.
Сабақ барысы:
1. Ұйымдастыру кезеңi.
Сыныпты топқа бөлу. Фазыл сурет құрастыру 3 топқа
Тыныштық сәтi.
Жайлы, баяу музыка қойылады.
Нұрға бөлену.
Ыңғайланып отырыңыздар,денелеріңізді түзу ұстаңыздар.Аяқ- қолыңызды айқастырмаңыз.Қолыңызды тізеңізге немесе үстелге қоюға болады.Көздеріңізді жұмуларыңызды өтінемін.Елестетіп көріңіз:Күн нұры сіздің төбеңізден өтіп, кеудеңізге қарай бойлап барады.кеудеңіздің орта тұсында гүл түйнегі орналасқан.Гүлдің түйнегі нұрдан баяу ашылып келеді.Балғын және таза әсем гүл сіздің әр ойыңызды,әр сезіміңізді, эмоцияңыз бен тілек -қалауыңызды шайып,жүрегіңіздің қауызын ашты.
Нұр сәулесі сіздің бойыңызға ақырын тарай бастағанын еслестетіңіз.Ол біртіндеп күшейе тусуде,оймен осы нұрды қолдарыңызға түсіріңіз.Сіздің қолдарыңыз нұрға бөленіп,сәуле шашуда.Қолымыз тек жақсы,ізгі істер істейді және баршаға көмектеседі.Нұр аяқтарыңызға тарады.Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.Одан әрі нұр сіздің ауызыңызға,тіліңізге тарады.Тіліңіз тек шындықты және жақсы,ізгі сөздер ғана айтады.Нұрды құлақтарыңызға бағыттаңыз,құлақтарыңыз тек жақсы сөз бен әсем әуенді ғана естиді.Нұр көздерімізге де жетті,көзіміз тек жақсыға қарап,бәрінен жақсылықты ғана көреді.Сіздің басыңыз түгелдей нұрға бөленіп,басыңызға тек ізгі,сәулелі ой келеді.Нұр бірте- бірте қарқынмен шұғылана бастайды,сіздің денеңізден шығып,жан -жағыңызға сәуле шашады.Осы нұрды туысқандарыңызға,мұғалімдеріңізге,достарыңызға,таныстарыңызға бағыттаңыз.Нұрды уақытша түсініспей,ренжісіп журген адамдарға да бағыттаңыз,олардың да жүрегі нұрға толсын.Осы нұр бүкіл әлемге:барлық адамдарға,жан- жануарларға,өсімдіктерге,барлық тірі жанға таралсын.Ғаламның барлық түпкір түпкіріне нұр бағыттаңыз.Ойша айтыңыз: “Мен нұрлымын.Нұр менің ішімде.Мен Нұрмын”.
Осындай Нұр,махаббат және тыныштық күйінде отыра тұрыңыз.
Енді осы нұрды жүрегіңізге орналастырыңыз.Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.
Жаймен көзіңізді ашуға болады.
- Үй тапсырмасы
- Әңгімедегі оқиғадан сынып оқушыларының қандай жақсы қасиеттерін көруге болады?
- Олардың бойынан қандай жағымсыз қасиеттерді байқадыңдар? Одан қалай арылуға болады? Сендер не істеген болар едіңдер?
- «Сенімге кіру үшін оған қанша уақыт қажет болады», – дегенді қалай түсінесіңдер?
Өз сыныптарыңда осыған ұқсас оқиғалар болды ма? Естеріңе түсіріп айтып беріңдер.
Ескерту
Оқушылар көңіл күйін көтеру мақсатында
- Дәйексөз:
«Достық- асықпай өсетін өсімдік секілді. Ол пісіп жетілу үшін талай сыннан өтуі керек»
Джордж Вашингтон
4. Оқиғаларды әңгiмелеу «Достар»
Қалың қар жауған қыстың бір күні, Арман қолына күрек алып, есік алдын тазалауға кіріседі. Көрші үй жаққа қарап еді, үйге барар жолы жасалынып дап-дайын болып тұрғанын көрді. Ертеңіне қайта қар жауады. Арман көршісінен қалыспайын деп, бұл жолы әдеттегіден жарты сағатқа ерте тұрады. Далаға шығып қараса, көрші үйдің есік алды баяғыдай тазаланып қойылыпты. Үшінші күні болса, қар кешегіден де көп жауған. Бірақ бұл жолы да, Арман жолды тазалау үшін ертерек тұрса да, көршісінің үйіне жол тазаланылып қойылғанын көреді. Көршісімен кездескен сәтте, Арман тура сұрайды: «Сен есік алдындағы қарды қалай ғана тазалап үлгересің? Әр көргенімде үнемі тап-таза болып тұрады», – дейді. Көршісі оған: «Жолды қардан ешқашан тазалаған емеспін. Келіп-кететін достарымның көптігінен болса керек, жол өздігінен-өзі тазаланып, осылай болады», – дейді.
- Көрщісі қандай адам?
- Араман көршісімен дос болса оның өмірі өзгереме?
5. Шығармашылық іс-әрекет,топтық жұмыс.
1 тапсырма
1 топ Сыныптастарың жайлы жақсы ой жазамыз
2 топ Достарың жайлы жақсы сөз жазамыз.
3топ Өз сыныбыңның үлгі етер жақсы істерін жазамыз
2 тапсырма
«Жақсы дос» ашық хатты жазып безендіру.
Топта орындап, қорғайды сынып алдында қорғайды.
- Топпен ән айту: Дос болайық бәріміз!
Сөзі: Х.Талғаровтікі
Әні: И.Нүсіпбаевтікі
Әрқашан дос біргеміз,
Ажырамас іргеміз.
Ілгері жүріңдер,
Достық жырын біліңдер,
Ту ғып ұстап бірлікті!
Еңбекті сүйіңдер!
Қайырмасы:
Дос болайық, бәріміз,
Жарасып тұр әніміз.
Тыныштықты сақтаймыз,
Атсын күліп таңымыз.
Қайраттанып қарышта,
Озып шыққан жарыста.
Батыл бас,жас ұлан!
Самға биік,алысқа,
Жұлдыздарға,ғарышқа,
Бойда күш тасыған.
Қайырмасы.
Әнен қандай ой түйдіңдер?
Әнді ерекше көңілмен айтып,сергиді
Үй тапсырмасы: «Арман мен ақыл» оқып түсінік айту. 29- бет
Күнделіктеріне жазады.
Соңғы тыныштық сәті:
- Балалар,тыныштық сақтап,үнсіз,қолымызды жүрегімізге қойып,жүрегімізді тыңдап көрейікші. Жүрек әр түрлі сезімдерге толы. Олардың арасында жанашырлық,қамқорлық,аяушылық сезімдері басым екенін сезініңдер. Сездіңдер ме,сезген болсаңдар, сендердің жүректерің жылы да мейірімді. Олай болса,сендер де көп қайырымды істер жасап, қамқорлық көрсете аласыңдар.
Оқушылар көздерін жұмып демалады.
