Конспект урока ИЗО 3 класс

Мерзімі: 11.02.2016 ж

Сыныбы: 3 ^«Ә»

Сабақтың тақырыбы: Иллюстрация дегеніміз не?

Сабақтың мақсаты: Иллюстрация өнерімен таныстыру, композициялық ой-өрісті жетілдіру.

Сабақтың міндеттері: Көркемдеуші-суретшілердің жұмысы туралы түсінік беру.

Ертегіге иллюстрация салу, әсерлі бейнелеуді, сөйлеуді, сыни

тұрғыда ойлау қабілетін дамыту.

Оқушыларды ұқыптылыққа, жауапкершілікке баулу.

Оқыту технологиясы: Сын тұрғысынан ойлау.

Сабақтың типі: Жаңа білімді меңгеру.

Сабақтың түрі: аралас сабақ.

Сабақтың әдісі: әңгіме-сұхбат, галереяға саяхат, екі жақты күнделік.

Сабаққа қажетті құралдар мен көрнекіліктер.

1. Белсенді тақта, компьютер, А4 форматы, түсті қарындаштар, өшіргіш, фломастерлер, қара қарындаш ,т.б.

2. Слайд көрсетілімі, иллюстрациялар, айшықты иллюстрациялары бар балаларға арналған түрлі кітаптар, кестелер.

Пәнаралық байланыс: ана тілі, музыка.

Сабақ жоспары:

1. Ұйымдастыру кезеңі

2. Үй тапсырмасын сұрау

3.Жаңа сабақ

4.Машықтық жұмыс

5.Жаңа сабақты бекіту

6.Оқушы әрекетін жаңа сабақ барысында бағалау

7.Үй тапсырмасын беру

Күтілетін нәтиже:

Иллюстрация өнері туралы білім қалыптасады.

Сауатты сурет салу дағдысын үйренеді.

Жеке тұлғаның шығармашылық қабілеті дамиды.

Сабақ барысы:

1. Ұйымдастыру кезеңі

Оқушылардың сабаққа дайындығын қадағалау, зейіндерін сабаққа аудару.

1. Үй тапсырмасын сұрау

Балалар, үйге қандай тапсырма берілді?

Жаңа техника матрицаларымен жұмыс тақырыбымен таныстық

Ендеше, өткен сабаққа байланысты білім мен іскерлігімізді байқап көрейік. Ол үшін әр топ тапсырма орындайды.

(Жауапты әріптестері түсті доңғалақтарды көрсету арқылы бағалайды.

Жасыл – дұрыс жауап

Сары – жауап толық емес

Қызыл – жауап дұрыс емес)

1. Матрица дегеніміз не?

(Матрица – қағаз, матаға арналып жасалған таңба қалыптары)

1. Матрицаларды (таңба қалыптарын) қандай материалдардан дайындауға болады?

(Алма, сәбіз, асқабақ, өшіргіш, пенопласт)

1. Мына жұмыс қандай түс гаммасында орындалған?

(Арыстан жақын түстер гаммасында орындалған. Жақын түстер гаммасы тек жылы немесе суық болады.)

1. Мына жұмыс қандай түс гаммасында орындалған?

(Көбелек қарама –қарсы түстер гаммасында орындалған. Қарама – қарсы түстер гаммасы бір уақытта жылы да, суық та болады.)

1. Негізгі түс нешеу? Оларды не себепті негізгі түс дейміз?

(Негізгі түс үшеу. Бұл түстерді бір – біріне араластырып, жаңа түстерді табуға болады.)

1. Берілген матрицалдардан сурет құрастырыңдар,

1. Жаңа сабақ

Ой қозғау:

Балалар , сендер кітап дүкеніне келгенде қандай кітапты таңдайсыңдар?

Суреттермен бе, әлде суреті жоғын ба ?

Сендер ойланғанша, осы сұрақты қонақтарға қойып, пікірлерін тыңдайық.

(Қонақтар мен оқушылардың пікірлерін тыңдау. )

Қолыңа жаңа кітап түскенде алдымен оның суреттерін қарап шығасыз. Егер суреттері ұнаса бірден сол кітапты оқып шыққың келеді. Демек кітапты жақсы суретші безендірген. Ондай суретшіні көркемдеуші деп атайды. Кітаптардағы сендер қызыға қарайтын әдемі, қызықты суреттер иллюстрациялар деп аталады.

Мағынаны ажырату

Әр топқа «Екі жақты күнделік» парағын тарату. ( Слайд көрсетілімі.)

1. «Жыл басы ертегісі» ( Суретші М.Палаткин )

2. «Жақсылық пен жамандық» ертегісі

3. Р.Киплинг. «Маугли» ( Суретші В.Ватагин )

4. Қ.Жұмағалиев. «Жеңіс күні» өлеңіне иллюстрация

5. «Ғажап деректер» энцоклопедияға иллюстрация

6. «Сауат ашу» оқулығына иллюстрация (Суретші М.Палаткин )

Суретші – иллюстратор (көркемдеуші) жазушының ең жақын досы деуге де болады. Себебі ол кітапты безендірумен қатар, оның мазмұнын түсініктірек етуге көмектеседі. Иллюстрациялар тек ертегілерде ғана емес , алуан түрлі энцоклопедияларда, оқулықтар мен көркем әдебиетте қолданылады. Өздерің сүйіп оқитын ертегі және әңгіме кітаптарды оқулықтарды иллюстрацияларды елестетіп көріңдерші, олар қандай қызықсыз болар еді.

Слайд көрсетілімдері.

1. В.Васенцов «Аленушка» ертегісі

2. В.Васенцов «Сұр қасқырға мінген Иван - царевич»

3. К.Бекенов Ш.Аймауытов «Ақ кеме»

4. К.Бекенов А.С.Пушкин «Алтын әтеш » ертегісі

5. М.Палаткин «Наурыз келді құлпырвп» оқулық иллюстрациясы

6. М.Палаткин «Жазғы демалыс» оқулық иллюстрациясы

Қызықшылықты ояту

М.Лизогуб «Ертегі»

(Оқушыларға көркем туындыны көрсете отырып, оның мазмұнын ашу арқылы тақырыбын табу.)

Ертегі халық ауыз әдебиетінің түрі. Ертегілер үшке бөлінеді.

1. Тұрмыс – салт ертегілері

2. Қиял – ғажайып ертегілер

3. Жануарлар туралы ертегілер

Сергіту сәті

«Ертегіні тауып айт» Әр топқа иллюстрация , ертегіден үзінді мәтін беру. Оқушылар қандай ертегі екенін табу. Тапқан топқа сурет қиындылары беріледі.

Сұраққа жауап берген оқушылар сурет қиындыларын құрастырады.

«Мақта қыз бен мысық»

4.Шығармашылық тапсырма

«Мақта қыз бен мысық» ертегісіне иллюстрациялар салу.

Оқушыларды суреттер бойынша (сиыр, ағаш, қыздар, дүкенші, тауық, тышқан.) топқа бөлу. Әр топ алған сурет бойынша топқа бөлінеді. Сол суретке байланысты ертегі мазмұнына иллюстрация салады.

5.Бекіту

1. Иллюстрация дегеніміз не?

2. Көркемдеуші деп кімді айтамыз?

3.Иллюстрация сөзі қай елден енген сөз?

6.Оқушы әрекетін және сабақ барысын бағалау

«Галереяға саяхат»

Оқушылар аяқталған жұмысты тақтаға іледі, ұнаған суретке пікір жазып, дауыс береді.

Көп дауыс жинаған сурет «Көрермен көзайымы» номинациясына ие болады.

Оқушылар жұмыстарын бағалау.

7.Үйге тапсырма 86-89 бет.