Қазақстанның әлеуметтік – экономикалық жаңару кезеңі

«Әулиекөл  ауданы  әкімдігінің  білім  бөлімінің  №2 Аманқарағай  орта  мектебі»  ММ

А Ш Ы Қ     С А Б А Қ

(апталық)

Тақырыбы:     Қазақстанның  әлеуметтік – экономикалық  байланыстары

Мерзімі:           17.04.2017

Пәні:                 Қазақстан  тарихы

Сыныбы:        11 сынып

Пән  мұғалімі:  Рахметов С.О.

Әдістемелік  жетекші:     Бекмухамбетова Р.К.

2016 -2017  оқу  жылы

Сабақтың  тақырыбы:     §55  Қазақстанның  әлеуметтік – экономикалық жаңару  кезеңі

Сабақтың  мақсаты:  Оқушылардың  шығармашылық  ізденіс  қабілетіне  әртүрлі  озық  тәжірибелерді  қолдана  отырып  ықпал  ету.

Сабақтың  барысы:  ұйымдастырушылық  кезеңі, сыныпты  топқа  бөліп,  үй  тапсырмасын  сұрау, жаңа  сабақтың  мақсатымен  таныстырып  жаңа  сабақты  бастау;

Үй  тапсырмасы:  ҚР Конституциясы. Ата  заңы  тақырыбында  үйге  берілген  эссе  тыңдау; 15 сұрақтық  тақырыптық  тест  жұмысы;

Жаңа  сабақ жоспары:

1. Қызығушылығын  ояту:  
2. Мәтінмен  жұмыс:  
3. Шығу парағы  бойынша: 
4. Ой  толғаныс: 
5. «Соңғы  сөзді  мен  айтайын» 
6. Жаңа  сабақты  бекіту:

Қызығушылығын  ояту:   әр  топқа  үш сұрақтан  қою, сұрақ – жауап;

І - топ

1.Экономиканың басты мақсаты ?(Экономиканың басты мақсаты адамдарды қанағаттандару деп түсінемін.) 
2.Пайда дегеніміз не?(Табыс пен шығыс арасындағы айырмашылық) 
3.Өндірушілер арасындағы жарыс?(Бәсеке) 

ІІ - топ
1.Бизнес деген не?(Пайда алуға бағытталған экономикалық қызмет,кәсіпкер) 
2.Қаржы деген не?(Мемлекет негізіндегі барлық ақша қаражаттары) 
3.Баспа-бас деген не?(Тауарлар ақшаға емес басқа тауарлар мен көрсетілетін қызметтерге ауыстырылатын сауда мәмілесінің түрі) 
 

ІІІ – топ

1.Банк дегеніміз не?(Салымдар қабылдайтын және қарыз беретін қаржылық мекеме) 
2.Ел шекарасы арқылы әкелінетін тауарларды реттейтін мемлекеттік қызмет?(Кеден) 

3.Баға деген не?(Тауар бірлігіне төленетін немесе сол үшін алынатын ақша көлемі) 
 

2)   Мәтінмен  жұмыс:   (оқулық бойынша  тақырыпты  талдау)

І – топ:  Нарықтық  экономиканы  құрудың  алғашқы  қадамдары;

ІІ – топ: Мемлекет иелігінен алу мен жекешелендіру бағдарламасы;

ІІІ – топ: Экономикалық  жаңарудың  қорытындылары;

3) Шығу парағы  бойынша:  (жаңа  сабақ  бойынша  үш  топқа  қосымша  мәліметтермен  жұмыс  әр  топ  өздеріне  тиісті  текстке  кейс  құрады)

І – топ: "ЭКСПО-2017" Халықаралық көрмесі: маңыздылығы, экономикалық тиімділігі және келешекке көзқарас

          ІІ – топ: Экономикалық рефорамалар.

            ІІІ – топ:  Тәуелсіздік жылдарындағы Қазақстан Республикасының әлеуметтік-   

            экономикалық дамуы 

4) Ой  толғаныс:  «Қос  сөзжұмбақ»

Сөзжұмбақ шешу 
экспорт, кредит, доллар, бизнес, квота, меншік, фирма, мемлекет, ақша
1. Біздің елдің басқа елдерге сататын тауарлары немесе қызмет көрсетулері. 
2. Несиенің бір түрі 
3. АҚШ ақшасы. 
4. Пайда алуға бағытталған экономикалық қызмет. 
5. Елге әкелуге және елден шығаруға болатын тауарлар санына қойылатын шектеу. 
6. Адам, кәсіпорын мемлекет иелік ететін, пайдаланатын және жұмсайтын нәрсе. 
7. Тауарлар мен көрсетілетін қызметтерді өндіруші ұйым. 
8. Елдегі билікті іске асыратын ұйым. 
9. Тауарлар мен көрсетілетін қызметтерге ақы ретінде қабылданатын нәрселер. 

5) «Соңғы  сөзді  мен  айтайын»  тақырыпқа  қатысты  даталармен  жұмыс:

1992 ж қаңтар,    1993 ж сәуір,  1961 – 1992 жж,  1993 ж қараша,  1998 – 1999 жж,  1992 – 1994 жж,                  2000 – 2006 жж,   2007 – 2009 жж,  2017 ж,  2010 – 2014 жж

6) Жаңа сабақты бекіту.
1. Ақша мен қаржының айырмашылығы қандай? 
(Қаржы - жеке тұтынушыларға қызмет етпейді, ол экономикалық дамуы мен ұдайы өндіріс процесін қамтамасыз етуге бағытталған, ал ақша – жеке тұтынушыларға қызмет етеді) 
2. Қаржы жүйесі қандай бөлімдерден тұрады? 
(Кез келген елде қаржы жүйесі: мемлекеттік қаржылар, кәсіпорын қаржылары, халық қаржылары бөлімінен құралады) 
3. Ақшаның атқаратын қызметтері қандай? 
(Құн өлшемі, айналым құралы, қор жинау, төлем құралы, дүниежүзілік ақшалар) 
4. Мемлекеттік қаржылары туралы түсінік бер? 
(Мемлекеттік қаржылар- мемлекеттің қолында шоғырланған және оның қаржылық қызметін қамтамасыз етуге бағытталған, ақшалай қорлар жүйесі. Ол қаражат тұрғындардың әлеуметтік кепілдігін қамтамасыз етуде, заңдылық пен құқықты сақтауға, қорғанысқа жұмсалады. Мемлекеттік қаржы құрамына: мемлекеттік бюджет, банктік және мемлекеттік несие, зейнеткерлік, тұрғындарды жұмыспен қамту қоры т.б. жатады) 
5. Халық қаржылары дегеніміз не? 
(Ел халқының еңбек және басқадай қызмет етудің нәтижесінде алатын ақша қорлары. Халық бұл қаржыларды өз меншіктерін және игілік жағдайларын ұлғайту мақсатында пайдаланады.) 
6. Кәсіпорын қаржылары дегеніміз не? 
(Өндірістік тауарлар мен қызметтер процесін қамтамасыз ететін ақшалай қорлар жүйесі.) 
 

Оқушыларды  бағалау:   (өзін – өзі  бағалау)

Үйге  тапсырма:

§55  Қазақстанның  әлеуметтік – экономикалық  жаңғыру  кезеңі.    325-332 бет.

Қосымша  мәліметтер  жинап  келу