Ер есімі - Ел есінде

Алматы обылысы

Панфилов ауданы

Сұптай ауылы

Сұптай орта мектебі

Тарих пәнінің мұғалімі:

Жұманова Сайра Нұрбақытқызы

Тақырыбы: «Ер есімі – Ел есінде»

І-жүргізуші: Қайырлы күн қадірменді қонақтар! Ұстаздар ,оқушылар! Ұлы Жеңістің 70 жылдығына орай бүгінгі күні 8-10 сынып оқушылары ұйымдастырған «Ер есімі –Ел есінде» атты кездесуімізге қош келдіңіздер.

Бүгінгі күннің тақырып аясы «Ер есімі-Ел есінде»себебі Ұлы Отан соғысына қатысқан батыр аталарымыз, апаларымыз: Айта кетсек: Бауыржан Момышұлы ,Мәлік ғабдуллин, Қасым Қайсенов, Талғат Бегелдинов, Рақымжан Қошқарбаев, Төлеген Тоқтаров, Әлия Молдағұлова, Мәншүк Мәметова тағы сол сияқты Панфилов ауданынан шыққан Кеңес Одағының батырлары өз жерлестеріміз:Хамит Қожабергенұлы, Қожахмет Тышқанбаев, Павел Федрович, Лутфуллин Сульги, Николай Семенович,Анисим Павлович, Илья Васильевич және ауылымызда Ұлы Отан соғысына қатысқан соғыс ардагерлері: Мұқаш Сүтенұлы,Атамқұл Шынтайұлы, Әбіл Сағымбекұлы. Бүгінгі күні сол аталарымыздың ұрпақтары арамызда, сол кісілерді таныстырып өтсем!

1.Мұқашұлы Тұрған ата

2.Атамқұлұлы Тілебалды ата

3.Әбілұлы Арыстан ағай

І-жүргізуші: 70 жыл –бейбіт көктем таңы атқалы,

70 жыл –шуақты күн таратты әнін

Есімде сонан бері 70 рет

Ашылды жеңіс күннің парақтары

70 жыл –үзілмеді құстар әні,

Кетті енді сұм соғыстың қыспағы әні.

70 жыл –жауымыздың ажал оғы,

Біздің ел үстіменен ұшпағалы

Талай құс содан бері қайта оралды,

Талай бақ әлеміне қайта орнады.

Соғыста мерт болғандар оралмайды,

. Тек ұрпақ олар жайлы ой қозғайды

Ия , Жеңіс күні 9-мамыр бүкіл дүниежүзі бойнша үлкен мейрам. Әсіресе. Бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен,Ұлы Отан соғысының ардагерлері үшін ерекше мейрам.

ІІ-жүргізуші:

Әрине дұрыс айтасың.Жеңіс оңайлықпен келген жоқ Ана жарын жоғалтқан жесір, бала-әкесінен, анасынан айырылған жетім атанды. Фашистердің тұтқын лагерінде ана мен бала айуандықпен өлтірілді. Ал тылда қалған қарттар, аналар мен бесіктен белі шықпаған балалар соғыстың қайғы –қасіретін арқалай жүріп, бірде аш, бірде тоқ тынбай жұмыс істеді. Бірақ ешкімнің сағы сынбады.Олардың бойындағы отаншылдық сезім, қолына қару алып сапқа тұрған көптеген ұлт өкілдерінің тізе қосқан бірлігі мен ерлігі Жеңіс сағатын жақындата түсті.Жүз мыңдаған ата-әкелеріміз соғыстың алғашқы сәтінде-ақ майданға аттанды. Жауға атылған 10 оқтың 9-ы Қазақстанда жасалды.

Дәл осынау жадыраңқы жай күні,

Болса дағы қай ғасырдың қай жылы,

Ұлы Отаным басымды иіп бір минут

Есіне алмақ сол бір апат қайғыны.

Осы қан майданда мерт болған ерлердің рухына, аталарымыз бен апаларымыздың рухына басымызды иіп тағзым етейік. (1-мин үнсіздік)

І-жүргізуші: Бұлт түнеріп аспаннан,

Талайдан көзден жас тамды,

Тұтқиылдан жау тиіп,

Қырғын соғыс басталды (слайд соғыс басталуы)

Соғыс былай басталған еді.... «Көрініс»( соғыстың басталуы, жайма шуақ мезгіл).

Олай болса Ұлы Отан соғысында батыр аталарымыздың да ерлігі жайында айтып өтсек... (1-оқушы )Отар Жалғас –Мұқаш Сүтенұлы жайында ақпарат береді.

(осы кісі жайында оқушылар Тұрған атаға сұрақтар қояды)

ІІ-жүргізуші: Отаным еркелеймін енді кімге,

Өзіңмен нені болса көрем бірге

Қалайша қабырғама батпас менің

Басыңа қатер бұлты төнген күнде

Әбу Сәрсенбеков «Сен құрметте оны» оқитын: Бекмұқан Гулмира

І-жүргізуші: Қуантамыз ән сап жұртты,

Келе берсін бақыт таңы,

Жеңіс күнің болсын құтты,

Батырлардың ұрпақтары.

Ән: «Көгершіндер маршы»орындайтындар Отарғалиев Мейрамбек, Әубәкір Аманбол

ІІ-жүргізуші:

Аңыздардан тере жүріп,мақсаты

Рас,рас көзімізден жас ақты,

Бірақ,сол дауыл жылдар,от жылдар

Бәрімізден бір-бір батыр жасапты.

Ия, Қазақ даласы небір төңкеріс, небір көтеріліс,небір жеңіс пен жеңілісті, қызық пен қиындықты өткерді емеспе? Олай болса тағы бір атамыздың ерлігі жайында сөз қозғасақ?

(2-оқушы) Ақбөпе – Атамқұл Шынтайұлы жайында ақпарат береді.

(осы кісі жайында оқушылар Тілебалды атаға сұрақтар қояды)

І-жүргізуші: Аз емес зар жылаған, егілген жан,

Аз емес өшкен өмір, төгілген қан,

Кеудеге зілді қасірет салды соғыс,

Қирады талай арман көңілге алған

«Майданнан хат» және «Майданға хат» оқитындар : Сапарбай Мақпал,Нұрсұлтан Мадияр.

Күй: «Көңіл толқыны»орындайтын: Отар Жалғас

І-жүргізуші:Қош бол елім, қан майданға жөнелдім,

Жаным барда жаудың жолын бөгермін.

Ия болмаса,омырауыма оқ тиіп,

Жүрегімнің қанын жерге төгермін.-деп жанын пида еткен тағы бір батыр атамыз болған: сөз кезегі Сапарбай Мақпалда - Әбіл Сағымбекұлы жайында ақпарат береді.

(осы кісі жайында оқушылар Арыстан ағайға сұрақ қояды)

ІІ-жүргізуші:

Бұл жылдары жүрегі Отаным деп соққан әр азамат барынша күресе білді. Әрбір азамат өз Отанына деген антын орындап шықты. Олай болса сұрапыл соғыс және елін, жерін қорғаған, майдангерлер туралы ақын Нүрпейіс Байғанин Ұлы Отан соғысы жылдарында герман фашизміне қарсы күресте ғажайып ерлік жасаған қаһарман батырлар жайында тамаша дастандар шығарды. Соның бірі –Панфилов дивизиясының батыр жауынгері Нарсұтбай Есболатовқа арналған:

«Ер туралы жыр» оқитындар: 10 сынып оқушылары Исан Гүлім, Сапарбай Мақпал, Сағатжан Аякөз және 8 сынып оқушылары Баймұқа Сұлушаш, Әубәкір Сезім, Муйтунова Меруерт.

ІІ-жүргізуші:Ия әрине осындай қиын қыстау кезеңдерді бастан кешіргендігі қазақ халқының еңбекқорлығын, сабырлығын, төзімділігін баса атап айтсақ, артық болмас еді.

Көрініс: «Соғыстан қайтқан солдаттар»

І-жүргізуші:Айтып болды,дүние талай әнді.

Аспан жүзін,таң алды арай алды,

Жетсек деген арманға жетті-дағы

Жеңіс деген бір сөзден, ел оянды.

Жеңіс келді, қалама!

Жеңіс келді, далама!

Жеңіс келді әке боп

Елдегі бар балаға

Слайд: Жеңіс күні»

І-жүргізуші: Сәбилердің зәресін бұлт алмасын,

Айна көңіл жүректі кір шалмасын,

Бейбіт құстар даласына еркелеп,

Аспанымда қалықтаудан талмасын

Сәбилердің зәресін бұлт алмасын,

Гүл бәйшешек еш уақытта солмасын

Ақ көгершін аспанымда қалықтап.

Барлық халық бейбіт, күнді қолдасын.

ІІ-жүргізуші: Жойылсын жалғыз сөз соғыс деген,

Оқ даусы мәңгілік жойылсын

Бомбаның орынын тегістеген

Күректер музейге қойылсын

Кім келіспейді бұл тілекпен! Әр көктемде Жеңіс күні осы әнді бүкіл қазақ Елі боп шырқасақ! Тіпті тек бір біз ғана емес, бүкіл адамзатқа ұсынар әлемдік ән.

Ән: «Жойылсын жалғыз сөз соғыс деген!»

Орындайтындар: Сырлыбай Үкілім, Отарғалиев Мейрамбек, Баймұқа Сұлушаш.

І-жүргізуші:Шатырлап, тына қалған жасын көктем,

Жайнаған, жадыраған жасыл көктем

Осы күн келгенде алғаш жерімізге

Ұлы Отан қуаныштан жасын төккен.Осымен бүгінгі кездесу кешіміздің уақыты таяп қалды,Сіздерге зор денсаулық, отбасыларыңызға амандық тілейміз.Еліміз аман,жұртымыз тыныш болсын.

(кездесуге келген қонақтарға сый-сияпат ұсыну)

Келесі сөз кезегін директордың тәрбие ісі жөніндегі орынбасары Сағымбеков Арыстан ағайға береміз.

Апаларымызды еске алып, 1941-1945 жылдардың тарих беттерін саралайық.кім не біледі: бәріміз ат салыса отырайық.

1. Гүлмира:

2. Асылмұрат:Бауыржан Момышұлы

3. Жүргізуші :

3-Ақбөпе:Төлеген Тоқтаров

4-Еламан: Талғат Бегилдинов

5-Мақпал:Мәншүк Маметова

6-Мадияр:Әлия Молдағұлова

7-Жалғас:Қасым Қайсенов

8-Аманбол: Рақымжан Қошқарбаев

Ал енді бағанадан бері бәріміз біраз мәліметтер беріп, бейнефилімді көріп ой жүгірттік.Өздерің айтқандай, Қазақстанда соғыс шарпымаған шаңырақ кемде кем деп.Сондықтан мынау өзіміздің аулымыздан шыққан батыр аталарымыз жайында сыр шертсек.Ол кісілердің өмір баянынын оқысақта, кейбір біз білмейтін соғыстағы өмірлерін баяндап берсеңіздер.

Сұрақ: Тұрған ата сіз әкеңіз жайылы айтып берсеңіз?

Сұрақ: Тілепалды ата сіздің әкеңіз қай жылы соғысқа аттанды, қалай қабылданды, қай қаланы азат етуге барды.

Сұрақ: Арыстан аға. Сізде әкеңіз жайлы айтып берсеңіз.