" Талантты жастар"

Күні: 19.01.2016ж.

Сыныбы: 5 ^{а, ә, б, в.}

Өткізетін: Жалиева Г.

Сабақтың тақырыбы: «Жүзден жүйрік, мыңнан тұлпар»

Сабақтың мақсаты:

Білімділік: оқушылардың информатика пәніне деген қызығушылықтарын арттыру, танымдық іс - әрекеті мен ақпараттық мәдениетін қалыптастыру, информатика пәні туралы білімін толықтыру.

Дамытушылық: ойлау қабілеттерін, білімдерін дамыту, сөз мәдениетін жетілдіру, шығармашылық ізденістерін арттыру.

Тәрбиелік: бір – бірін құрметтеуге, тәрбиелі, білімді және ойлау қабілеті жан-жақты оқушыларды тәрбиелеу.

Сабақтың типі: сыныптан тыс жұмыс

Жабдықталуы: интербелсенді тақта, тінтуір.

Көрнекілігі: презентация, үлестірмелі қағаздар, тапсырмалар, викториналық сұрақтар.

Пән аралық байланыс: ағылшын тілі, қазақ тілі, математика, орыс тілі.

Сабақтың өту барысы:

І. Ұйымдастыру.

1. Әділ қазылармен таныстыру.

2. Сайыс жоспарымен таныстыру.

Жарыс кезеңдері:

І. “Таныстыру” (Әр сынып компьютер бөлшектеріне байланысты: монитор, пернетақта, калонка, принтер топтарын таныстыру).

ІІ. “Логикалық ұяшықтар” (Логикалық есептер, Адасқан әріптер, Кім жылдам?, Бейнелік сұрақтар беріледі ).

ІІІ. “Ұшқыр ой” (тінтуірден ғажайып жануарлар жасау).

ІV. “Тіл- өнер ” көрермендермен жұмыс (Жұмбақталып 10 жасырын сөз оқылады. Сол сөзді тауып қазақ, орыс, ағылшын тілдерінде айтқан оқушыға 3 ұпай, ал екі тілде айтса 2 ұпай, бір тілде айтса 1 ұпай).

V. “Мимикамен жұмыс” (оқушы мен сынып жетекшісі бір-біріне суреттерді түсіндіру).

VІ. «Постер қорғау» (Информатикаға қатысты суреттерден фантазиясын арттыру)

VII. Марапаттау.

Жүргізуші: Құрметті ұстаздар мен оқушылар! «Жүзден жүйрік, мыңнан тұлпар» атты сайысымызға қош келдіңіздер!

Компьютер – сенің көмекшің

Қаламың, әрі қағазың!

Керек емес демессің,

Аздаған болса хабарың.

Үйрену керек бәрін де –

Ақпараттық заманың! – дей келе «Жүзден жүйрік, мыңнан тұлпар» атты ойынымызға қатысушыларды қошеметтеп шақырайық.(Әр сынып берілген тапсырма бойынша өз топтарын таныстырады).

І кезең Таныстыру.

1. Пернетақта 5 ^а сыныбы

2. Принтер 5 ^ә сыныбы

3. Монитор 5 ^б сыныбы

4. Колонка 5 ^в сыныбы

Жүргізуші:

Мәңгі бақи есте қалар,

Қызықты бір жиын болсын

Білімдірек шәкірт озар,

Сұрақтары қиын болсын – дей отырып, ойынымыздың «Логикалық ұяшықтар» деп аталатын ІІ кезеңін бастайық. Бұл бөлімде ойыншыларға сұрақтар қойылады. Жауап нақты, тез болу керек. Қай топ қолындағы жалаушаны бірінші көтереді, сол топ жауап береді. Әр дұрыс жауапқа 1 ұпай беріледі.

Логикалық сұрақтар:

1. Бөлмедегі әр бұрышта бір мысықтан және оған қарама – қарсы үш мысықтан отырса, бөлмеде неше мысық бар? - 4

2. Үстел үстінде үш стакан шие тұр. Марат бір стакан шиені жеп қойды. 
неше стакан қалды? - 3 стакан

3. Үш ат жегілген шана бір сағатта 15 км жүріп өткен. Әрбір аттың жылдамдығы қандай еді? (15км/сағ)

4. Допты лақтырғанда, доп сол ізімен кері қайту үшін оны қалай лақтыру керек? - жоғары–

5. Қараңғы бөлмеде майшам мен керосин лампасы бар. Бірінші не жағасыз? – шырпы–

6. Баспалдақ 15 басқыштан тұрады. Баспалдақтың ортасында тұру үшін нешінші басқышта тұру керек? – 8.

“Адасқан әріптер”

1. Нимотор ----------- Монитор

2. Пьюромтек ------- Компьютер

3. Енрепатқат -------- Пернетақта

4. Лайф ---------------- Файл

5. Рльоукятакл ------ Калькулятор

6. Атқсуа -------------- Сақтау

7. Аэкторикелн ----- Электроника

8. Дңеөу -------------- Өңдеу

«Кім жылдам?»

Жауап: бұл жерде 7 информатикаға қатысты сөз жасырылған (МОНИТОР, КОМПЬЮТЕР, ВИРУС, КАКТУС, ПЕРНЕТАҚТА, СКАНЕР, ТЫШҚАН)

«Бейнелік сұрақтар»

1. Интернетпен байланыс жасайтын құрылғы? (модем) 

2. Қарапайым есептеулер жүргізетін бағдарлама (калькулятор) 

3. Қатқыл диск қайда орналасқан? (жүйелік блоктың ішінде) 

4. Бит, байт деген сөздер қандай мағына береді? (Информатика өлшем бірлігі)

ІІІ“Ұшқыр ой” (тінтуірден ғажайып жануарлар жасау).

Жас достарым, мұны айтпаймын несіне,

Информатиканы құрметтеу менің есімде.

Қазақ, орыс, ағылшын тілін білсеңіз,

3 ұпай, шәкіртім саған несібе, - дей келе

“Тіл - өнер” көрермендермен ойын атты IV-кезеңімізді бастайық. Бұл кезеңде жұмбақ беріледі. Жауабын тауып, сөзді орыс, ағылшын тілдеріне аударасыздар. Бір тілде жауап берсе 1 ұпай, екі тілде жауап берсе 2 ұпай, 3 тілде жауап берсе 3 ұпай қосылады.

1. Төртбұрышты әйнек,

Тұнып тұрған әлек. (монитор - монитор)

1. Ұзынтұра Жалқаубек,

Тұрмай ылғи жатады.

Қозғала қалса артынан,

Ешбір белгі қалмайды. (бос орын пернесі - пробел - blank)

1. Бұтақ орнында мың бір инесі,

Компьютер жаны мекені (кактус - cactus - тікенекгүл)

1. Тетігін бассаң алаңсыз,

Жазады қалам, қағазсыз (пернетақта - клавиатура - keyboard)

1. Батырмасын басасың

Қажетті файлды ашасың (тышқан - мышка - maus)

1. Жоқ өзінде бас та, қас та, мойын да,

Ұзындығы жазулы тұр бойында. (сызғыш, линейка, a ruler)

1. Қабат-қабат қаттама

Ақылың болса аттама. (кітап, книга, book)

1. Түйеқұс таразыда бір аяғымен тұрғанда 12 кг. тартады. Ал егер екі аяғымен тұрса, қанша тартады? (он екі, двенадцать, twelve)

2. Жақтаулар арқылы шектеледі

Бейнебетте төртбұрыш болып бейнеленеді. (терезе, окно, windows)

V. Мимикамен жұмыс. Оқушы мен мұғалімге тапсырмалар беріледі. Сол тапсырманы бір-біріне ыммен түсіндіру керек.

VI. Постер қорғау.

Веб камера, наушник, модем, жүйелік блок суреттері әр сынып таңдау арқылы посетр қорғайды.

Әділқазыларға сөз беріледі. Ойынның қорытындысы айтылып:

І орын 5 «В» сынып оқушылары

ІІ орын 5 «Ә» сынып оқушылары

ІІ орын 5 «Б» сынып оқушылары

ІІІ орын 5 «А» сынып оқушылары марапатталады.

Жүргізуші. Бүгінгі көріп тамашалаған «Жүзден жүйрік, мыңнан тұлпар» атты сайысымыз өз мәресіне жетті. Зейін қойып тыңдағандарыңыз үшін алғысымыз шексіз!