Жас программист

«Жас программист» сайысы

Сайыстың мақсаттары:

Білімділік:

Паскаль тілінен алған теориялық білімдерін жүйелі түрде тәжірибе жүзінде көрсете білу дағдыларын қалыптастыру.

Дамытушылық:

Бағдарламалау тілінде жұмыс жасай білу дағдыларын, ойлау қабілеттерін, өз білімдерін сауатты түрде жеткізе білуді, пәнге деген қызығушылықты дамыту.

Тәрбиелік:

Оқушылардың белсенділігін арттыру, жұмыс жасау мақсатында компьютерлік сауаттылыққа, өзара көмектесуге, өзін-өзі бағалауға тәрбиелеу.

Сайыстың түрі: топтық

Көрнекіліктері: Компьютер, презентация, деңгейлік тапсырмалар, Pascal бағдарламалары

Пәнаралық байланыс: математика

Сабақтың жоспары:

Қайырлы күн, құрметті ұстаздар, оқушылар!

Баршаңыз да «Жас программист» атты сайысқа қош келдіңіздер! Біз бүгінгі сайысымызды 9-шы сыныптардың арасында сайыс түрінде жүргізуді ұйғардық.

Информатика болашаққа бастайды,

Жаңалықты, жаңа ойды қоштайды

Қадам басып ХХІ ғасырға,

Барлық әлем жаңалығын тастайды.

Ендеше, сайысымызды бастайық.

Ойыншыларымызға қол соғып, қошемет көрсетіп қояйық.

Армысыздар, қымбатты төрешілер,

Сайысын әрбір топтың көрерсіздер.

Таразының екі басын тең қойып,

Сіздерде әділ баға берерсіздер -

дей келіп сайыскерлердің білімі мен өнеріне баға беретін әділ қазылар алқасымен танысып өтейік:

1.

2.

3.

Ал, қазір ойын шартымен таныстырып өтейік. Жалпы ойынымыз 5 турдан тұрады.

1. Сайысқа қатысушыларды таңдау

2. «Паскаль тілі» (сұрақ-жауап)

3. «Құпия жәшік»

4. «Адасқан операторлар»

5. «Практикалық бөлім»

І тур

Сайысымыздың 1-ші кезеңі «Сайысқа қатысушыларды таңдау» бастайық!

Шарты: Оқушыларға сұрақтар беріледі. Дұрыс жауап берген оқушылар шығады.

Бағалау түрі: Дұрыс жауап берген оқушылар шығады.

ІІ тур

«Паскаль тілі» бойынша сұрақтар мен тапсырмалар беріледі. Алдарына берілген қағазға орындайды.

Шарты: Бұл тур бойынша әр топқа 4 сұрақ оқылады

Бағалау түрі: әр дұрыс жауап 1 балмен бағаланады.

ІІІ тур

Бұл бөлімнің шарты бойынша ІІ бөлімнің қорытындысы бойынша ең жоғары ұпай санын алған топтан бастаймыз.

Ойынның шарты: топ өзіне кез-келген ұяшықты таңдайды, ұяшық астында сұрақ пен ұпай саны жасырылған.

Бағалау түрі: Егер сұраққа дұрыс жауап берсе тиісті балды алады.

ІV тур

Шарты: Бұл турда оқушыларға әріп орындары ауысып кеткен оперторлар беріледі. Әр топ операторларды орындарына қою арқылы программа құрып, шығару керек.

Бағалау түрі: Әр дұрыс жауапқа 10 ұпайдан беріледі.

КӨРЕРМЕНДЕРМЕН ЖҰМЫС

Ұзынтұра жалқаубек
Тұрмай ылғи жатады.
Қозғала қалса артынан
Ешбір белгі қалмайды. (Бос орын)

Компьютермен енеді,
Қағазға басып береді. (Басып шығарғыш)

Жануарға ұқсас атым бар,
Бағдар көрсетер затым бар.
Кілемше үстінде тұрамын,
Ең қажетті құралмын... (тышқан)

Бұтақ орнында мың бір инесі
Компьютер жаны мекені...(кактус)

Экранның бетінде оның тұрағы

Қашан болсын жыпылықтап тұрады. (Курсор)

Мақал -сөздің  мәйегі" 
1. Жігітті компьютеріне қарап, бағала.
(Жігітті досына қарап, бағала)
2. Байт биттен құралады.
(Теңге тиыннан құралады)
3. Вирустан қорыққан, Интернетке шықпас.
(Шегірткеден қорыққан, егін екпес)
4. Компьютердің жұмысы, иесіне мәлім.
(Атының сыры иесіне мәлім)
5. Веб - дизайншының өз еркі, сайтты қалай жасаса.
(Қазаншының өз еркі, қайдан құлақ шығарса)
6. Білмесең, «анықтамадан»  сұра.
(Білмесең білгеннен сұра)
7. Бір ядролы процессор жақсы, ал екі ядролы одан да жақсы.
(Бір бас жақсы, екі бас одан да жақсы)
8. Антивирусы күштіні - Вирус ала алмайды.
(Досы көпті  жау алмайды)
9. Күлсең ескірген компьютерлерге күл. 
(Күлсең кәріге күл)
10. Компьютерде екі колонка, дауысы жер жарады.
(Айдағаны бес ешкі, ысқырығы жер жарады) 

Ендеше сайыскерлеріміздің жұмысы дайын болса, жұмысымызды әділқазылардың алқасына тапсырайық.

V тур

Шарты: Бұл турда екі топ программаны компьютерде орындайды.

Бағалау түрі: 10 ұпай

Бағалау парағы

Әділқазылар алқасының бағалау критерийі