Оттектің химиялық қасиеттері. Жану.

Сабақтың тақырыбы: Оттектің химиялық қасиеттері. Жану.

Сабақтың түрі: аралас сабақ

Сабақтың мақсаты:

Білімділік: Оттектің химиялық қасиеттерін түсіндіру. Жану процесінің мағынасы мен мәні жайлы оқушылардың көзқарастарын дамыту.

Дамытушылық: оқушылардың өз бетінше жұмыс істеу дағдысын қалыптастыру.

Тәрбиелік: Оқушыларды өзара сыйластыққа, іздеміпаздыққа тәрбиелеу.

Сабақтың әдісі: интерактивті оқыту әдісі. СТО

Көрнекілігі: интерактивті тақта, кесте суреттер, бөлме гүлі, көмір, күкірт, реактивтер.

Сабақтың барысы:

1.Ұйымдастыру кезеңі.

2.Үй тапсырмасын тексеру

3. Жаңа сабақ игеру

4. Жаңа сабақты бекіту.

5. Бағалау

6. Үйге тапсырма.

1. Ұйымдастыру бөлімі. Оқушыларды тексеріп, сабаққа назарын аудару

Үй тапсырмасына шолу

1. Сұрақ қоюшы топ

2. Ауызша топ

3. Жазбаша топ

1-оқушы. Үйге берілген сабақтың мақсатын хабарлайды. Оттектің физикалық қасиетін сипаттайды, өнеркәсіпте және зерханада алу жолдарын түсіндіреді.

2-оқушы. Оттек – иіссіз, түссіз ауадан сәл ауыр газ. Суда нашар ериді. Өнеркәсіпте оттекті көп мөлшерде сұйық ауаны айдау арқылы алады. Сұйық оттекті арнайы екі қабырғалы термостат – Дьюар ыдысына құйып сақтайды.Газ күйіндегі оттекті көкшіл түске боялған болат болондарда 1-1,5 кПа қысымда сақтайды. Зертханада оттекті құрамында оттек мол болатын әрі қыздыру кезінде тез айырылатын күрделі заттардан: калий перманганаты, калий хлораты, су, т.б. алады. Оттекті зертханада ауаны, суды ығыстыру әдісі арқылы алады.

3- оқушы. Тірек-сызбанұсқасын сызды

Жаңа сабақты меңгеру

Электронды оқулықпен жұмыс.

1.Жай заттардың жануы:

C+O₂ → CO₂ көмірдің диоксиді
S+O₂ → SO₂ күкірт диоксді
4P+5O₂ →2 Р₂О₅ Дифосфор пента оксиді
3Fe +2О₂ → Fe₃О₄ Темір қағы

2.Күрделі заттардың жануы:

С ₂Н₂ + ..О₂ → ..СО₂ + ..Н₂О

Оттекке тән басты қасиет – оның жануды қолдауында.

Жаңа сабақты бекіту.
№5 есеп оқулықпен жұмыс.
Реакция теңдеуін жазып белгісіз затты анықта.

1тапсырма «Кедергілермен көтерілу».
Химиялық сатымен көтеріле отырып, оксидтер формуласын құрып, оларды атаңыз.

Na (I)           S(IV)            Mg (II)                  B(III)             P (V)           Cr(VI)

№2тапсырма Алтын кілт. « Оксидтер» сейфіне шифирді тап.Оксидтерді тауып, заттарды ата.
1. MgO 2. Ca (OH)₂ 7.HCl 10. SO₂
3. H₂SO₄ 4. K ₂O 8. NaOH 11. Na ₂SO₄
5.SO₃ 6. Al ₂O₃ 9. P ₂O₃ 12. CH₄

№3тапсырма «Жұмбақ тізбек»
Оксидтерді алу реакция теңдеуін жазып, теңестіріңдер.
1.Ca→ CaO                           2.Al→Al₂О₃                   3.Na→Na₂O
4.Cu→Cu ₂O                         5.P→P ₂O₅                          6.C→CO₂

Бағалау:

Үйге тапсырма беру: §22. №4,6,7 есептер