Бұл тараудың барлық тақырыптары оқушылардың әртүрлі реакцияларды жүзеге асырып, зерттеушілік дағдыларын дамытуға мүмкіндік береді. Оқушылар әртүрлі металдардың оттекпен және сумен реакция нәтижелері негізінде өздері металдардың белсенділік қатарын құрады. Мұғалім белсенділік қатарын бұл сабақта бермегені абзал, себебі келесі сабақта да осыған ұқсас тәжірибелерді қышқылдардың және тұздардың ерітінділерімен жүргізіледі. Тараудың қортынды сабағында оқушылар жалпы белсенділік қатарын қорытып шығарады. Осы тәжірибелерді орындау арқылы практикадан теорияға принципі жүзеге асырылады.
Тәжірибелік жұмыстардың қорытындыларын жазу үшін әртүрлі фомаларды ойлап тауып қолдануға болады.
Оқушылар оттектің металдармен әрекеттесуімен 7-сыныптан таныс, оқушылар сол кезде реакцияларды сөзбен сипаттап жазған болатын. Сабақты сөздік реакциямен бастап, сосын формулаларды пайдаланып химиялық реакция теңдеуі түрінде жазып теңестіруге болады. Бұл тақырыптарды оқу арысында оқушылардың реакция теңдеулерін жазу және реакция типтерін анықтау дағдылары одан әрі шыңдала түседі. Дегенмен, реакция жазудан басқа дағдыларыны, әсіресе зерттеушілік дағдыларын дамытқан абзал. Зерттеу жұмысын жүргізу барысында мұғалім оқушылардың химиялық ыдыстар мен реактивтерді қалай қолданып жатқандығын, қауіпсіздік ережесін дұрыс сақтауына аса көңіл бөлу керек. Белсенді металдардың сумен реакциялары қарқынды жүргізілетіндіктен, мұғалімдер жұмысты алдын ала өзі жасап көруі керек. Егер көрсетілімді ұсынуға реактивтер немесе мүмкіндіктер болмаса, онда тәжірибелер видеоға алмастырылады. Видеоны көрсетпес бұрын оқушылардың зейінін шоғырландыру үшін видеоның мазмұны бойынша адын-ала сұрақтар дайындап, оқушыларға таратылып беріледі. Видео басталмай тұрып, немесе көрсетілімді көрсетер алдында оқушыларға бақылауды қалай жүргізу керек екендігін, баылау нәтижесі мен тәжірибе қорытындысы сұралатындығын айтып кету керек.
