Наурыз – жыл басы!

                                               Наурыз – жыл басы!

Мақсаты:

          1.Қазақ халқының ежелден сақталып,атадан балаға мұра етіп қалдырған салт- дәстүрін,   наурыз мейрамының мәнін түсіндіру,әрі дамыту және көркейту.

          2. Окушылардың ойлауын дамыта отыра,ой қиялын,өрісін,іздену негіздерін дамыту.

          3. Оқушыларды,имандылыққа,инабаттылыққа.халқымыздың салт-дәстүрін       қастерлеуге,сақтауға тәрбиелеу.

Көрнекіліггі мен жабдығы:

Кестелер,шарлар,қанатты сөздер.Үнтаспа.

1- жүргізуші:

         Наурыз қазақтың шын мағынасындағы ұлттық мейрамы.Наурыздың 22-де күн мен түн теңеледі,қыс өтіп көктем келеді.Тіршілік басталады.Қазақ халқы үшін үлкен мейрам – Жаңа жыл Наурыз мерекесі.

                               Армысыздар, жиналған халқым менің,

                               Ардақта, Наурыз тойы – салтыңды елім.

                               Мереке басы болсын берекенің,

                               Игі еңбектің жемісін бәрін жегін!

2-жүргізуші:

         Сондықтан біріншіден Наурыз тепе-теңдік мерекенің негізгі арқауы,мәңгі деп есептелген.

1-жүргізуші:        Құрметті қонақтар, балалар,

                        Көктемнің тамаша мерекесі,

                        Ұлыстың Ұлы күні Наурыз құтты болсын.

                        Әр шаңыраққа береке, бірлік, мәртебе келсін.

Наурыз - жыл басы, күн мен түннің теңескен кезеңі.

         Наурыз мерекесі - өткенге салауат айтып, келер күннен береке тілеп, ақ көңіл, адал жүрек адамдарды табыстыратын қасиетті мейрам. «Бірлік болмай, тірлік болмас», - деп дана халқымыз бекер айтпаса керек. Наурыз – еліміздің баянды бірлігі мен ұйыған татулығының мерекесі.

Кең даланы самал желмен желпіген жаймашуақ Наурыз халқымызға бақыт пен шаттық, тыныштық пен бейбітшілік алып келсін!

Балалар, қазақтың есебінде жылдан үлкен мүшел деген бар. Мүшел он екі жыл болады. 1-ші мүшел 13 жастан басталады. Сол жылдар он екі түрлі хайуанның атымен аталады. Олар: жыл басы – тышқан, сиыр, барыс, қоян, ұлу, жылан, жылқы, қой, мешін, тауық, ит, доңыз болып бөлінген. Ескі жылмен қоштасып жаңа жылды қарсы алайық.

2-жүргізуші:

         Наурыз мейрамы- өте ерте заманнан бері халықтар тойлап келе жатқан тұрмыстық мереке.Ол парсымыз «Нау-рыз» жаңа күн деген сөзінен шыққан.Бұл жөнінде халқымыздың кемеңгер ұлдары Абай,Шәкәрім,Мұхтар Әуезов,Ахмет Байтұрсынов біршама деректер жинаған.Күн мен түн     теңелген,мал төлдеп, адамның аузы аққа тиген,жер бусанып, малдың аузы көкке тиген ырыстың басын қазақ елі – «Ұлыстың ұлы күні»- деп атайды екен. Наурыз мейрамы бір ай тойланады. Қазақтар бұл күндері бір-бірін жаңа жылмен құттықтап, қонақ шақырады. Әр-түрлі ойын-сауықтар, бәйге, көкпар және жарыстар ұйымдастырылады. НАУРЫЗ – жаңа жылдың басы, шығыс күн тәртібі бойынша. Ұлыстың ұлы күні. Жаңа жылдың бірінші күні. Және де бұл күн мен түннің  теңескен күні.

Көрініс

1-жүргізуші:

Наурыз енді жөнесін,

Қыздар алып көжесін.

Кәрі жілік көтерген,

Алсын ата батасын – деп улкен кісіге бата беріледі.

Ақсақал бата береді.

Шашу шашылады. Астан дәм тартылады.

2-жүргізуші:

Ал, халайық тұрмайық.

Әндетейік шырқайық.

Ортамызды ашайық.

Думандатып би билеп,

Ән мен күйді төгілдіріп,

Інжу-маржан шашайық.

Ән:

1-жүргізуші:

Бүгінгі наурыз мерекесіне тілегін айтуға мектеп директоры                                        ортаға шақырамыз.

Қонақтарға сөз.

Ән орындалады.

1-жүргізуші:

Наурыз келді, жайран қақты таң күліп,

Жап-жасыл боп кетті дүние жаңғырып,

Жақсылыққа жаршы болған Наурызым,

Сен өмірдің көктемісің мәңгілік!

2-жүргізуші:

Енді кезекті оқушыларымыздың өнерін тамашалауға берейік. Бүгінгі наурыз мерекесіне қатысатын  топтармен, бағдарламасымен таныстырып өтейік

Наурыз мерекесіне қатысатын топтар

1Наурыз мерекесінің бағдарламасы

1. Әр топ өз ауылдарына ат қойып (қорғау)

2. Әр топ  ұлттық ойын көрсету

3. Әр топ өз өнерлерін көрсету (ән немесе би)

4. Әр топтың дастарханын бағалау

1-жүргізуші:

Наурызым – бабамның сөзі,

Наурызым – анамның сөзі,

Ғасырдан ғасырға жеткен,

Даламның сөзі. - дей келе кезекті әділ-қазы алқаларына береміз.

2-жүргізуші:

Қош келдің Жаңа жыл,

Жаңа бақыт, жаңа нұр!

Төрлет Наурыз төріме,

Береке бер еліме!

Мектебіміздің жеңімпаздарын марапаттауға    сөз кезегі беріледі.

1-жүргізуші:

 Ән қосылсын әңіне,

Сән қосылсын сәңіне!

Ырысты боп жаңа жыл,

Бақ дарысын бәріңе!

Ой қосылып ойыңа,

Бой қосылсын бойыңа!

Аман –есен жетейік.

Келер Наурыз тойына!

2-жүргізуші:

         Осымен «Наурыз – жыл басы!» атты мерекелік кешіміз аяқталды. Көңіл қойып тыңдағандарыңызға рахмет! Наурыз құтты болсын!