Физикалы? эстафета сайыс саба?

Күні: 04.12.2014 ж

Сынып: 7 «А»

Тақырыбы: «Физикалық эстафета» сайыс

Мақсаты :

Білімділік: Оқушының физика пәні бойыншабілім сапасын және логикалық ойлау қабілетін, қызығушылығын арттыру

Дамытушылық: Оқушының шығармашылық қабілетін қалыптастыра отырып, іскерлі, ізденімпаз, интеллектуалды қабілеті дамыған жеке тұлға қалыптастыру

Тәрбиелік : Оқушылардың мақсатқа жету барысында жауапкершілігін жетілдіру,біліміне деген сенімін арттырып үлкен жетістіктерге жетуіне тәрбиелеу;

Көрнекілігі: ұлы физиктердің портреттері, формулалар, нақыл сөздер, тақырыптық суреттер;

Сайыстың барысы:

І. Кіріспе (физикаға шолу)

ІІ. Таныстыру.

І тур. «Сәлем –сөздің анасы» - топтардың сәлемдесуі (топ аты, ұраны)

ІІ тур. «Кім көп біледі?» - сұрақ-жауап. (Әр топқа 10 сұрақ оқылады)

ІІ тур «Басқатырғыш» шынығу кезеңі. (анаграмманы шешу)

ІІІ тур «Ойлан тап!»- тәжірибелер көрсету.

ІҮ тур «Кім жылдам?» - формулаларды жазу

Ү тур Сергіту сәті.

Жоспары:

1-жүргізуші:

Сәлеметсіздер ме, физикалық сайысқа қатысушы, аяулы ұстаздарымыз, мектеп оқушылары!

1-бастаушы: Армысыздар, қадірлі қонақтар, құрметті көрермендер! Бүгін 7 «А» сыныбында физика пәнінен өткелі тұрған «Физикалық эстафета» атты сайысымызға қош келдіңіздер!

2-бастаушы: Халқымызда жақсы бастама жалғасын тапса, сәтті болғаны деп жатады ғой. Ендеше, бүгінгі күн көпшілік қатысып отырған, сайысымыз сіздердің көңілдеріңізден шығып, қуанышқа бөлесе, жарқын бастамаға ұйытқы болған біздер де қуанарымыз әбден анық.

1-бастаушы: Құрметті көрермендер, Сіздерге айтарымыз, көңіл-күйлеріңіз көтеріңкі, жүздеріңіз жарқын, мерейлеріңіз әрқашан үстем болсын!!

2-жүргізуші:

Түсіріп аспан заңын жұмыр жерге,

Бақтырып жұлдыздарды өскен жерге.

Жансызға жан бітіріп, қолға салып,

Физика кереметті көрсетті елге.

1-жүргізуші:

Ғалымдардың патшасы атанғансың

Архимед, Ньютон, Галилейден бата алғансың

Ақыл - ойды тәртіпке келтіретін

Нағыз пән – физика атанғансың

2-жүргізуші:

Мінеки мұнда тыныштық,

Естілмейді дыбыс түк.

Мұны біз де қоштаймыз,

Көпшілікті тостырмай,

Міне, қазір бастаймыз.

1-жүргізуші:

Қайырлы күн көрермен!

Сөз бастайын термелеп өлеңмен.

Тәрбиелі, білімді боп әрқашан

Өс өркенде қанат жайып кемелден, - дей келе сайысымызды бастауға рұқсат етіңіздер. Олай болса сайысты бастамас бұрын сөз кезегін оқушыларға берелік: «Физика әлеміне шолу» (слайд көрсетіледі)

1-оқушы:( Ұлданай)

Ғылымдардың пірі,

Табиғаттың тілі,

Физика екен халайық,

Мұны жақсы ұғайық.

Дүниедегі құбылыстың мәнінде,

Табиғаттық қозғалыстың бәрін де,

Мүмкін емес физикасыз түсіну,

Физика дүние кілті бүгінде.

Физика бұл өмірдің,

Асыл бір үлкен саласы.

Жаңарды сол физикамен,

Елімнің өзен даласы.

Бүгін де физика барлық жерде,

Құрылыста, техникада, өндірісте.

Сырларын бұл ғылымның меңгеріңдер,

Шәкірттер ынта қойып үйреніңдер!

2- оқушы: (Гүлдана)

Айдан хабар алғызған

Зәулім үйді салғызған

Теңіз суын каналмен

Шөл далаға барғызған

Табиғат сырын аштырған

Тоқпен қазан астырған

Миллион гектар астықты

Комбайнмен бастырған

Физика емей немене?

Ұққанға табиғаттың сыры терең,

Дегенге оқып,зерттеп,көрем, білем,

Демесең болсын егер еңбегім еш,

Әуелі физиканы оқы дер ем.

3-оқушы: (Гүлдерайым)

Зат дегенің бөлшектерден тұрады

Керек десең ол сені былай-былай ұрады

Ыстық жерде тез -тез жүріп,

Ал суықта басын баяу бұрады

Сондықтан да физикада дәл бұны

Броундық қозғалыс деп ұғады

Қозғап-қозғап броундық бөлшекті

Қызық-қызық құбылысты микроскоппен көрсетті

Торичелли ақылдасып Паскальмен

Ауаның да салмағын таразыға өлшепті

Білесің бе, ал бұдан

Атмосфералық қысым деген

Ұғым шықты көрнекті.

2-Жүргізуші:

Бәріңізге бір сәлем

Онда кешті бастайық.

Бәріміз асып-саспайық

Сөз кезегін келесі

Қатысушыларға тастайық.

Кеште өздеріне арналған

Топтар шықса бастайық.

1-Жүргізуші:

Олай болса сайысымызға қатысқалы отырған топтар:

1-топ «Алғырлар тобы»

2-топ «Тапқырлар тобы»

Сайысымыздың турларымен таныс болайық:

І тур. «Сәлем –сөздің анасы» - топтардың сәлемдесуі (топ аты, ұраны)

ІІ тур. «Кім көп біледі?» - сұрақ-жауап. (Әр топқа 20 сұрақ оқылады)

ІІ тур «Басқатырғыш» шынығу кезеңі. (анаграмманы шешу)

ІІІ тур «Ойлан тап!»- тәжірибелер көрсету.

ІҮ тур «Кім жылдам?» - формулаларды жазу

Ү тур Сергіту сәті

2-Жүргізуші:

Әділқазы, ақ қазыға бір сәлем!

Әділдікке бас иеді күллі әлем

Жүйрік озар сайыстарда неше бір,

Сарапқа сал әділдікті шеше біл, - әділқазылармен таныстыру.

1. Газизова Е.Ә. –тәрбие ісінің орынбасары

2. Дүйсенов Е.М. –қосымша білім беру педагогы.

3. Сапарова А.Е.- математика пәнінің мұғалімі

1-жүргізуші:

Келдік міне, біз бүгін

Түсейік деп сайысқа

Тайсалмайда жалықпай

Келіңіздер жарысқа

Жиналған ылғи дарындар

Жүректе от, көздерінде жалын бар

Келген топты халайық,

Қол соғып қарсы алайық!

Олай болса келесі

І тур. «Сәлем –сөздің анасы» - топтардың сәлемдесуі (топ аты, ұраны, сәлемдесу) Бағалауы 5, 4, 3 ұпаймен бағаланады. Кезек топтарда

1-топ «Алғырлар тобы»

Ұраны: «Оқу –ой азығы, жаттығу-жан азығы»

Сәлемдесуі:

Шақырып жарыстарды сан –салады.
Алғырлар топ жарғалы зер салады!
Ту етіп достықпенен татулықты,
Тапқырлар командасын қарсы алады!
Тапқырлар биіктерде қалықтасын,
Жеңіспен көк жүзінде шарықтасын.
Жеңіс туын желбіреп алауласын,
Бәйгені сенен ешкім ала алмасын.
Білімге толы санамыз,
Бүгінгі күн жеңісте.
Алғырлықпен аламыз,
Есепті біз шешеміз.
Оны мақтан етеміз,
Тапқырларға бүгінгі
Кете қоймас есеміз.
Біз дайынбыз бұл сайысқа достарым,
Көрсетеміз бізде қандай күш барын.
Алға қойған мақсатымыз бір екен,
Сәтті болсын сапарымыз әрдайым.

2-топ «Тапқырлар тобы»

Ұраны: «Ізденген жетер мұратқа»

Сәлемдесуі:

Осындай алғыр достар кез келгенше
Жетсін-ау жарыстарда жеңгенге не?
Қарсылас болғанымен құрбысыңдар,
Тілейміз ізгі тілек сендерге біз
Құрметтеп алғырларды ой-саналы
Тапқырлар сәлем беріп ән салады.
Бүгінгі сайыста достарына
Қашанда тапқыр бол деп ой салады.
Дайындықпен келіп тұрмыз жарысқа,
Есеп білсек жетеміз ғой табысқа.
Сайыстарда біз оңай беріспейміз,
Тең ойынға тағы да келіспейміз.
Тапқырлықпен алдыға жан салмаймыз,
Алғырлардан ешқашанда қалмаймыз.

2-Жүргізуші:

І тур. «Кім көп біледі?» - сұрақ-жауап. (Әр топқа 20 сұрақ оқылады)

Әр жауап 1 балл.

1-топ Алғырлар тобына:

1. Физика не туралы ғылым? (табиғат)

2. Заттың ең кішкентай бөлігі?(атом)

3. Аристотельден кейінгі «екінші ұстаз» атанған ғалым. (Әл-Фараби)

4. Заттың үш күйін ата. (қатты, сұйық газ)

5. 1961 жылы 12 сәуірде қандай оқиға болды? (адам ғарышқа ұшты)

6. Өзінің табысына шаттанып қуанғанда «Таптым!» деп айғайлаған кім? Кто кричал «Эврика!» (Архимед)

7. Бір дененің екінші дене молекулаларымен өздігінен араласу құбылысы не деп аталады. (диффузия)

8. Кім барлық тілде сөлейді? (жаңғырық).

9. Су мен күнбағыс майы неге араласпайды?(тығыздықтары әртүрлі сұйықтар)

10. Теңізде қандай тастар табылмайды? (құрғақ)

1-Жүргізуші: Келесі сұрақ 2-топ «Тапқырлар тобы»

1. Табиғат туралы ғылым.(физика)

2. Шикі жұмыртқаны піскен жұмыртқадан қалай ажыратуға болады? (пысқан жұмыртқаның айналу жылдамдығы шикіден артық болады)

3. Ағылшын ғалымы Иссак Ньютонның бүкіләлемдік тартылыс заңын ашуына не себе болды? (алма)

4. Адамға қай кезде көзілдіріктің керегі жоқ? (ұйықтағанда)

5. Аспан денелерін зерттейтін ғылым. (астрономия)

6. Жердің серігі. (Ай)

7. Найзағайдың пайда болуы туралы шынайы (ақиқат) болжамды ұсынған ғалым. (В.Франклин)

8. Астрономиядағы ең негізгі зерттеу құралы? (телескоп)

9. Ұзындықтың халықаралық бірліктер жүйесіндегі өлшемі не? (метр)

10. Күн шығатын жақ. (шығыс)

2-Жүргізуші:

ІІ тур «Басқатырғыш» шынығу кезеңі. (анаграмманы шешу). Қолдарыңызға анаграмма беріледі. Әр жауап 1 балл. Уақыт шектеулі. 1 мин

1-топ «Алғырлар» тобына

1. Физикалық шама – ҚЫДЛЫДЖАМ (Жылдамдық)

2. Физикалық құрал – НОМДМРТИАЕ (Динамометр)

3. Өлшем бірлік – РКМИЛОЕТ (Километр)

4. Физика ғалымы - ПКНИЕРОК (Коперник)

5. Физикалық құбылыс - ФИФЗИЯУД (Диффузия)

2-топ «Тапқырлар» тобы

1. Физикалық шама – ҚТУЫА (Уақыт)

2. Физикалық құрал – ЗШҒСЫЫ (Сызғыш)

3. Өлшем бірлік – УДКНСЕ (Секунд)

4. Физика ғалымы - ХДРИАМЕ (Архимед)

5. Физикалық құбылыс– ЙАҒАНЙЗА

1-Жүргізуші: ІІІ тур «Ойлан тап!»- тәжірибелер көрсету. Бұл үй тапсырмасы болып саналады. Әр топқа үш тәжірибе берілген болатын сол дайындаған тәжірибелерін қарсы топқа көрсетеді. Келесі топ жауабын физикалық тұрғыда яғни заңдылығын түсіндіріп береді.

1-топ «Алғырлар» тобы

№1 тәжірибе «Ине неге суға батпайды?»

Керек заттар: ине , су, жіп, под масло.

Барысы: Ыдысқа су құйып ішіне жіппен ине батырамыз. Ине батады. Егер инені шемішкі майға салып майлап, суға батырсақ батпайды? Себебі неге? (Себебі: шемішкі майдың тығыздығы судан аз)

2-топ «Тапқырлар» тобы

1 тәжірибе «Шарға ине тыққанда неге жарылмайды?» Бауыржан

Керек заттар: шар, инелер

Барысы: Үрілген шардың қаттылау жеріне инелерді тығамыз. Шар жарылмайды? Неге ? (Себебі: Шардың осы ине тыққан бөліктері басқа бөліктеріне қарағанда тығыз орналасқан. Сондықтан ине шарға кіргенде тығыздалып тұрады. Бұл физикадан Резеңке қатаңдығы заттың қатаңдығына негізделген.)

Қосымша тәжірибе « Сүзгімен су тасуға болама?» немесе « Мынау қандай құбылыс?

2-Жүргізуші: ІҮ тур «Кім жылдам?» - формуланы жазу. Әр дұрыс жауап 1 балл.

1-топ «Алғырлар » тобына

2-топ «Тапқырлар» тобы

Сергіту сәті. «Сен білесің бе?»

1-топқа.   Жанды нәрсе туралы…..

а)  Көзі қырағы,жанған жарықта алыстан көреді                   
б) Жүрегіңнің қуаты   2.2 Вт                                                      

в) Ғұмырында 40 тонна тамақ жейді                                        
г) жердегі ең ақылды кім?  ( адам) 

2-топқа: Зат не?

а) Адам организмінің  65 процент                                             
б) Заттың үш күйінің біреуі                                                       
в) Үш күйде де бола алады                                                        
г) Жерде онсыз өмір жоқ      (су)     

                                                 

1-топқа: Қорапта бір физикалық дене бар?

а) Ғылымда, физикада зерттеу жұмыстары үшін қолданылады    
б) Беттік ауданы ең аз геометриялық фигура                                 

в) Спортшы осы денемен дос                                                            

г) Шар тәріздес               ( доп) 

2-топқа: . Керемет саяхатшы Ол кім?

1.Бұл саяхатта 3 мың адам претендент болды. Соның ішінен таңдау осы кісіге түсті.

2.Ол жұмысшы,студент,агроклуб курсанты.

3. “Кеттік” “Поехали”Жолға шығар алдындағы тарихи сөз соныкі

4.Ол әлемдік саяхатты жалғыз өзі атқарды. (Гагарин)

1-жүргізуші:

Ойын-толқын, айналған қатты ағысқа,

Табылғандай таным да, жат дауыста

Біреу озып келеді қатарынан,

Біреу мініп жатқанда аптығыста.

2-жүргізуші:

Ойын –толқын, жатқандай асып, тасып,

Біреу мығым, біреулер шалыс басып

Бұл ойыннан өтеді ғұлама ойлар,

Ғылым жолы бірде жеңіл, бірде қатты

Ақыл ойлар әлемді арбап апты

Физика ғылымдар патшасы атты

Таңырқатып, аңыз қылған адамзатты

Келер ұрпақ Даналарға туса игі

Пифагор, Паскаль, Архимед жолын қуса,

Елімнің болашағы гүлденеді

Ғылымның шамшырағы жанып тұрса, - дей келе әділқазылардан қорытынды сұраймыз. Марапаттау.

1-жүргізуші:

Алдыңызда жайнаған жүздер әні

Сіздермен кезедесерміз біздер әлі

Әділқазы, көрермен сау тұрыңдар

Күтеді бізді жарқын күндер әлі – дей келе бүгінгі сайысымызды аяқтаймыз.

Алма Оразбаева атындағы орта жалпы білім беретін мектебі

БЕКІТЕМІН:__________

Мектеп директоры А.З.Гусманова.

ФИЗИКАЛЫҚ САЙЫС:

(7 «А» сыныбы)

Өткізген:

Физика пәнінің мұғалімі

Шүйнішбаева Н.Д.

2014-2015 оқу жылы