Сайыс "Жұлдызды сәт"

Сабақтың  тақырыбы:  Жұлдызды  сәт.

Сабақтың  мақсаты:

1. Оқушылардың  математикадан білімдерін тексеру  логикалық есептер  шығаруға  үйрету.
2. Оқушыларды  топтық   жұмыс жасауға баулу.
3. Оқушыларды тез есептеуге, шапшаңдыққа,логикалық  ой  ұшқырлығына  дағдыландыру.

Сабақтың  түрі:  Сайыс   сабақ.

Сабақтың  көрнекілігі: Интерактивті  тақта,шырпылар,нақыл сөздер.

Ұйымдастыру:  Қош  келдіңіздер  құрметті  қонақтар!

1. «А»  сыныбының  «Жұлдызды  сәт»  атты  сайысын  бастаймыз.

1 жүргізуші:

Жиналған ылғи  дарындар,

Жүрегі  от  боп жалындар.

«Үшбұрыштар» тобын халайық,

Қол  соғып  қарсы алайық.

2  жүргізуші:

Жетсін-ау жарыстарда  жеңгенге не?

Қарсылас болғанымен  құрбысыңдар.

Қол  соғып  қарсы алайық «Төртбұрыштар» тобын.

1  жүргізуші:

Шақырып  жарыстарға  сан  салады.

Алғырлар топ  жарғалы жар салады.

Ту  етіп достықпенен  татулықты.

«Дөңгелектер» тобын қарсы алайық.

2 жүргізуші:

Шын  жүйрік шабысынан сыналады.

Нақты білім терең ой  сыналады,

Баға  берер төрешілер  сайлайық

Сайысымызға әділ баға  беретін.

Бас  төреші:----------

Бүгінгі сайысымызға  үшбұрыштар,төртбұрыштар,дөңгелектер тобы  қатысып отыр. Оларға сәттілік  тілеп  сайысымызды бастаймыз.

Таныстыру. «Үшбұрыштар»

Адам  алып  таңғажайып ісімен,

Үшбұрыштар ой тастаған түсімен.

Зерделі боп заманды  алға  жылжытсақ,

Математика -  заңдылықтар күшімен.

Нақты  жауап дұрыс шешім таба біл.

«Төртбұрыштар»  тобы

Асып  әсте саспайтын,

Батыл  қадам  бастайтын.

Еркін билеп барынша

Жарыстан  қалмайтын.

«Төртбұрыштар» тобы боламыз

Қандай сынақ  болсадағы беріспе!

«Дөңгелектер»  тобы.

Асып  әсте  саспайтын.

Сайыс қызығын  ей достар,

Осылайша шабытпенен бастайтын.

«Дөңгелектер» тобы боламыз.

Әрқашанда  ұмтыламыз  жеңіске!

Психологиялық   дайындық

Жүзген  кеме  тұманда неге  адасып  кетпейді

Немесе ол бір маңда, неге  төмен шөкпейді?

Оны сақтап  қалатын,

Математика – ең  маңызды ғылым бұл,

Сондықтан да, сондықтан да сол  ғылымның тілін біл.

Математикалық   өлең- есеп

Шапшаң  болсаң  санап көр,

«Үшбұрыштар» тобына

Торғай отыр томпиып,

Құйрығы шолтиып.

Сауысқан сақ  отыр,

Ұзақ  отыр үңіліп.

Қарға  тұрар түңіліп,

Байғыз зарлап  жылайды.

Екі көзі жұмылып,

Үнсіз бір сәт тұрмайды.

Әнші бұл-бұл жырлайды,

Өз атын  көп бұлдайды.

Адамзаттың  жақыны,

Қарлығаштар  ақылды.

Көгершінмен  екеуі,

Жайлайды бір шатырды,

Санап  көрші  балақан. (9)

«Төртбұрыштар»  тобы

Атам,  әжем,  ағаммен,

Әкем, інім және  мен

Апам және енесі,

Енесінің  бөлесі.

Отыр едік шәй ішіп,

Жеңгем кірді  майысып.

Арқасында кіші  інім,

Саны  қанша айта ғой,

Үйдегі  бар  кісінің?

«Дөңгелектер»  тобы.

Түйе, бота маң  басқан,

Төрт аяғын  тең басқан.

Шұнақ  құлақ бес ешкі

Қос лақты, қос ешкі.

Төрт қозылы екі  қой,

Бәрін бірге ойлап қой. (19)

Логикалық тапсырмалар

. «Үшбұрыштар» тобы

Автобуста қызыл, жасыл, көк көйлек киген үш қыз отыр. Айжанның  көйлегі  көк емес, ал Маржанның  көйлегі  көк түсті емес.

Әсемнің  көйлегі  қызыл да, көк те емес. Әр қыздың  көйлегінің түсі қандай?

«Төртбұрыштар»  тобы

Асқардың, Талғаттың және Дәулеттің әкелері – дәрігер, мұғалім,ұшқыш.Асқардың әкесі ұшқыш емес,  Талғаттың әкесі  мұғалім де, дәрігер де  емес.Дәулеттің  әкесі  дәрігер емес. Кімнің әкесі қандай қызмет  атқарады?

«Дөңгелектер»  тобы.

Әлібектің түстері  жасыл,  қызыл, көк доптары  бар.

Қызыл доп, көк доптан үлкен, ал  көк доп,  жасыл  доптан үлкен.

Ең үлкен доптың және  кіші  доптың түстері қандай?

Математикалық жұмбақтар

. «Үшбұрыштар» тобы

Айқасқан екі  таяқ,

Тұрады  жоқты сұрап

«Төртбұрыштар»  тобы

Ағайынды  жетеуінің,

Бесеуінің  жұмысы бар.

Жұмысы жоқ  екеуінің.

«Дөңгелектер»  тобы.

Он екіге  жетіп,

Жүрген кері кетіп.

Ғажайып  үштік

20

20

20

30

30

30

40

40

40

1.Белгісіз   бөлінгішті  қалай  табамыз?

2.   Шаршының периметрін қалай  табамыз?

3.  Тік төртбұрыштың  ауданын  қалай  табамыз?

1. Ұзындық  өлшем  бірліктерін  ата

2.   Салмақ  өлшем бірліктерін  ата.

3. Уақыт  өлшем  бірліктерін ата.

1. Мектепке  келе  жатқан   5  балаға қарсы жолда   тағы  4 бала  жолықты. Мектепке  неше  бала  барды?

2.  Қандай  жолмен  адам  жүрмейді?

3.  Шаршының  оң  жағында  үшбұрыш  ал  шаршының   сол  жағында    дөңгелек. Шаршы  қайда?

Геометриялық  басқатырғы

“Үшбұрыштар “  тобына

3.  6 шаршы  құрап   тұрған 18 шырпыдан   2 шырпыны  алып тастағанда  4 шаршы шығу керек.

“ Төртбұрыштар”  тобына

17 шырпы   6  шаршы құрайды.  5  шырпыны   алып  тастаса,  3  шаршы  қалады.

“Дөңгелектер”  тобына

24  шырпы   9 шаршы  құрап тұр,  8 шырпыны  алғанда  2 шаршы  шығуы тиіс.

Әділқазыларға сөз беру

Мадақтау

Сонау- сонау алысқа жүзсін десең  кемелер,

Тылсым сырлы ғарышқа, ұшсын десең денелер.

Жасау үшін  бәрінде

Математика -  ең маңызды  ғылым бұл.

Сондықтан да,  сондықтан да  сол ғылымның тілін біл.

Алдыңызда жайнаған  жүздері  әлі,

Сіздермен  кездесерміз біздер әлі.

Әділ-қазы көрермен сау тұрыңдар,

Күтеді  бізді  әлі жарқын күндер.

Осыменен «Жұлдызды сәт» атты  сайысымыз  аяқталды.

Назарларыңызға  рахмет!

Мұнайлы ауданы

№ 1 орта мектеп

Математика

Сайыс сабақ

Тақырыбы: Жұлдызды сәт

 ( аудандық семинар)

 Өткізген: Унгалиева М.К.

                                                                           Сыныбы: 3 «А»

2012-2013 оқу жылы