Үй жануарлары және олардың төлдері.
Білім беру саласы: Қатынас.
Бөлімі: Қазақ тілі.
Пәнаралық байланыс: Тіл дамыту, көркем әдебиет, музыка, шығармашылық.
І Білімділік: Өткен тақырыптар бойынша алған білімдерін бекіту, сөздер мен сөз тіркестерін пайдаланып, өзара байланыстырып, ойды жүйелеп айту дағдысын қалыптастыру, өз ойларын жеткізе білуге үйрету.
ІІ Дамытушылық: Ауызекі сөйлеу, әңгімелеу дағдыларын қалыптастыру. Еркін сөйлеу, ойлау қабілеттерін дамыту.
ІІІ Тәрбиелік: Үй жануарларын және олардың төлдеріне деген сүйіспеншіліктерін ояту, адамгершілікке, жануарларды қастерлеуге, қорғауға тәрбиелеу.
Әдіс-тәсілдер: Қайталау, бекіту, әңгімелеу, сұрақ-жауап, таңғажайып кезең, көркем сөз, сөздік, сөз жұмбақ, дид ойын, түсіндіру, мадақтау.
Қолданылатын материал: Үй жануарларының және олардың төлдерінің суреттері, макеттер, микрофон, сандық, қуыршақ, ойыншықтар, компьютер, үн таспа.
Билингвалдық компонент: Үй жануарлары-домашние животные, көктем-весна, төлдер-детенышы животных, сиыр-корова, жылқы-лошадь, түйе-верблюд, қой-овца, ешкі-коза, бұзау-теленок, құлын-жеребенок, бота-верблюжонок, қозы-ягненок, лақ-козленок.
Ұйымдастыру кезең. Шаттық шеңбері. Қайырлы таң балалар! Әдеттегідей сендермен кездесіп тұрғаныма қуаныштымын. Қане, қонақтармен, бір - бірімізбен сәлемдесіп алайықшы.
Бақшамызға барғанда
Жолыққан бар жандарға
Ертемен ақ пейілмен,
«Қайырлы таң» деймін мен.
Алдымыздан кезіккен
Көп танысты көреміз.
Бәріне де ізетпен
Біздер сәлем береміз.
- Балалар, көңіл - күйлеріңіз қалай?
- Керемет, бақытты, тамаша.
- Ендеше, біз «Тамаша» ойынын ойнап жіберейік. Ойын «Тамаша»
Шарты: Мен сендерге жақсы сөз айтсам, сендер жақсы, тамаша деп жұдырықтарыңды түйіп бас бармақтарыңды көтеріп бір-бірлеріңе көрсетесіңдер.
- Күн сәулесін шашқанда?
- Тамаша.
- Гүлдің иісі шыққанда?
- Тамаша
- Құстар ән айтқанда?
- Тамаша
- Жайқалып өскен көк шөп қандай?
- Тамаша
Кіріспе бөлім /Балалар үстел басына жайғасады/
Сұрақ-жауап әдісімен өткенді қайталау, бекіту.
Балалар, қазір жылдың қай мезгілі? /көктем/
Көктемде неше ай бар? /үш/
Олар қандай айлар? /наурыз, сәуір, мамыр/
Көктемнің келгенін біз қайдан білдік, ерекшеліктерін кім айтады?
/балалардың жауабы/
Көктем туралы білімдерін суреттер /схема/ арқылы сөз тіркестіріп жинақтау.
Негізгі бөлім:
Таңғажайып кезең: /Қонаққа қуыршақ Айгүл келеді. Балалармен амандасып, сұхбат алу мен тапсырмаларды алып келгенін айтады/
Қуыршақ Айгүл: Сәлеметсіңдер ме, балалар! – Менің атым Айгүл. Мен журналистпін, сендерге сұрақ қойып, ойын ойнап, тапсырмаларды алып келдім. Осы сиқырлы сандығымдағы тапсырмаларымды орындасандар, мен сендерге дәмді сыйлық беремін.
1 тапсырма:
«Сұрақтар арқылы танысу» дидактикалық ойыны. /Познакомимся через вопросы/.
Сенің атың кім? /Барлық балалардан сұрап шығу/
Сен неше жастасың? /Барлық балалардан сұрап шығу/
1-ден 10-ға дейін сана? /Барлық балалардан сұрап шығу/
2 тапсырма:
«Даусынан таны» дидактикалық ойыны. /Узнайте по голосу/.
Үй жануарларының дауыстары жазылған үнтаспаны тыңдату. Жануарлардың аттарын тауып, атайды.
Сөздікпен жұмыс: Балалармен үй жануарларды және олардың төлдерін қайталап өту. Сиыр-корова, жылқы-лошадь, түйе-верблюд, қой-овца, ешкі-коза, бұзау-теленок, құлын-жеребенок, бота-верблюжонок, қозы-ягненок, лақ-козленок.
3 тапсырма: «Үй жануарлардың төлдерін тап» дидактикалық ойыны. /Найдите детенышей домашних животных/.
Балалар, үй жануарлардың төлдері болады? /Дети, у домашних животных есть свои детенышы/. Оларды атап өту, тауып алу, сызықшамен қарама-қарсы белгілеу.
4 тапсырма: «Үлкен – кіші» дамытушы ойын. /Большой – маленький/ Балалар сұрақтарға жауап береді.
Сиыр қандай?
Бұзау қандай?
Ол қалай дыбыс шығарады?
Жылқы қандай?
Құлын қандай?
Қой қандай?
Қозы қандай?
Ол қалай дыбыс шығарады?
Сергіту сәті: Тікірейіп құлағы
Менен бұрын тұрады.
Керіліп, созылып,
Беті-қолын жуады.
Бұл не? /Мысық/
5 тапсырма: «Артығын тап» дидактикалық ойыны. /Найди лишнее/ Балаларға суреттер көрсетіледі, олар артық суретті айтады.
6 тапсырма: «Суретті боя».
Балаларға құлынның суреті беріледі. Олар суретті әр қайсысы өзі бояйды.
7 тапсырма: «Сүттен жасалатын тағамдар»
Балалар сүттен жасалатын тағамдарды сурет бойынша атайды.
Сүт-молоко, май-масло, қаймақ-сметана, айран-кефир, ірімшік-сыр, және т.б.
«Сурет бойынша әңгіме» дамыту жаттығуы.
Мен сүт ішемін.
Мен сүт ішпеймін.
Мен май жеймін.
Мен май жемеймін.
Қорытынды
- Балалар бүгін біз үй жануарларды есімізге түсіріп, қайталап өттік. Кім үй жануарларын атап өтеді?
Балалар:
- Сиыр, қой, жылқы, ешкі, түйе.
Мұғалім:
- Олар бізге не береді?
Балалар:
- Сүт, ет, май, т. б.
Мұғалім:
- Сабақта не қызықты болды?
Балалардың жауабы.
Мұғалім:
- Балалар, қуыршақ Айгүл сендерге рақметін айтып отыр, сабақта жақсы қатыстыңдар, сұрақтарға жауап бердіңдер, үй жануарлары мен олардың төлдерін жақсы біледі екенсіңдер. Рақмет сендерге. Ал енді қуыршақ сендерге сиқырлы сандығынан сүттен жасалатын тағам алып келді. Ол – құрт екен.
Балалар ризашылығын білдіріп, рақметін қуыршаққа айтады да қоштасады.
Қуыршақ Айгүл:
- Сау болыңдар, балалар!
Балалар:
- Сау болыңыз!
Мұғалім:
- Балалар, маған да сабақта білімдерінді көрсетіп, жақсы қатысқандарын өте ұнады. Ребята, мне тоже очень понравилось как вы сегодня занимались, смогли показать свои знания. Молодцы! Рахмет! Сау болыңдар!
