Ұзын-қысқа (ашық сабақ)

Тақырыбы: «Ұзын – қысқа. Заттарды бір – бірінің үстіне қойып және жанына қойып салыстыру. Фигуралар туралы өткенді пысықтау».

Мақсаты: көлемі мен ұзындығы жағынан бір – біріне қарама – қарсы екі затты салыстыру: үлкен – кіші, ұзын – қысқа; сезім – қозғалыс түйсіктері арқылы балалардың зейінін дамытуды жалғастыру.

Міндеттері: ұзындығы жағынан бір – біріне қарама – қарсы заттарды салыстыруға үйрету: ұзын – қысқа; геометриялық фигуралармен таныстыруды жалғастыру; дөңгелек, үшбұрыш. Сезім – қозғалыс түйсіктері арқылы көру жадын дамытуды жалғастыру. Зерттеу жұмыстарын қызығушылықтарын арттыру.

Қажетті көрнекіліктер мен құрал – жабдықтар: Дымбілмес деген қуыршақ, ішіне екі 20см ақ жолақтар салынған қорапша, қарандаштар, екі 10см – лік қызыл және 15см – лік көк жолақтар, әр балаға 4 данадан ойыншық аттар.

Сөздік жұмыс: ұзын, қысқа.

Билингвальді компонент: ұзын – длинный, қысқа – короткий.

Мотивациялық – қозғаушылық.

Ғажайып сәт. «Дымбілмес»

Есіктен Дымбілмес кіріп, балалармен амандасады. Дымбілмес өзімен бірге қорапқа салынған жолақшаларды ала келеді (20см – лік жасыл және 15см- лік ақ). Ол тәрбиешіден заттардың ұзындығын салыстыруды үйретуін сұрайды.

Тәрбиеші: Дымбілмеске оқу іс – әрекетіне қатысуын ұсыну. Балалар мен Дымбілмеске екі жолақты көрсету: біреуі ұзын жасыл, екіншісі қысқа ақ.

-Балалар, бүгін Дымбілмеспен бірге заттарды ұзындығына қарай салыстыруды үйренеміз.

Ұйымдастырушылық – ізденістік.

«Ұзын – қысқа» ойыны.

-Мен жасыл жолақтың үстіне ақ жлақты қоямын.

-Қайсысы ұзын екен?

Балалар: жолақтарды қалай салыстырғанын бақылайды.

-Жасыл жолақ ұзын.

Тәрбиеші: ендеше, жасыл жолақ ақ жолаққа қарағанда ұзын деуге әбден болады. Енді оларды қатарластырып қоямыз. Қазір де жасыл жолақтың ақ жолаққа қарағанда ұзын екені көрініп тұр.

«Атты дұрыстап қой» ойыны.

Үлестірмелі материалдар: қызыл, көк жолақшалар және ойыншық аттар.

Тәрбиеші: үлестрмелі материалдар салынған тарелкеден қызыл және көк түсті екі жолақшаны алуды сұрайды.

Балалар: қызыл және көк жолақшаларды алады.

Тәрбиеші: қызыл жолақша – қысқа, көк жолақша – ұзын.

Балалар: қызыл және көк жолақшаларды қатарластырып қойып салыстырады.

Тәрбиеші:

-Жолақшаларды қайсысы ұзын, қайсысы қысқа екенін анықтаңдар?

-Түсі қандай жолақша ұзын?

- Түсі қандай жолақша қысқа?

Балалар:

-Көк жолақ ұзын, қызл жолақ қысқа.

-Көк.

-Қызыл.

Тәрбиеші:

-Үстіңгі жаққа қысқа жолақшаны, асытна ұзын жолақшаны қой. Содан соң қысқа жолаққа бір атты, ал ұзын жолаққа көп атты қоюды ұсыну.

-Бір ат тұрған жолақ ұзын ба, әлде қысқа ма?

-Көп ат тұрған жолақ ұзын ба, әлде қысқа ма?

-Бір ат қандай түсті жолақта тұр?

-Көп ат қандай түсті жолақта тұр?

Балалар: тапсырманы орындайды. Қысқа жолаққа бір атты, ұзын жолаққа көп атты қояды.

Сөздік жұмыс: ұзын, қысқа.

Билингвальді компонент: ұзын – длинный, қысқа – короткий.

Сергіту сәті: «Отбасым»

Саусақтарымызды жаттықтырамыз.

Бір үйде біз нешеуміз?

Кел, санайық екеуміз:

Атам, әжем, әкем, шешем және мен.

Алақай!

Біз бесеуміз!

«Ұзын – қысқа» ойыны.

Тәрбиеші: пойыз туралы жұмбақ жасыру.

«Тізбектелген көк үйлер,

Көшіп жүрген көп үйлер». (Пойыз)

Жұмбақ не туралы?

Балалар: -Пойыз туралы.

Тәрбиеші: балалар аю қандай пойызды жүргізіп келе жатыр, ал қоян қандай пойызды жүргізіп келе жатыр? Балалардың назарын пойыздардың әртүрлі екеніне аударып, сұрақ қою:

-Аю мен қоянның пойыздарының ұзындығы бірдей ме, әлде әртүрлі ме?

-Олардың айырмашылығы қандай?

-Кімнің пойызы ұзын екен?

-Кімнің пойызы қысқа?

-Паровоз қандай дыбыс шығарады?

Балалар: екі пойызға қарап салыстырып, сұрақтарға жауап береді.

«Тап және боя» ойыны.

Тәрбиеші: Дымбілмес геометриялық фигуралар: дөңгелек пен үшбұрышты қандай екенін ұмытып қалыпты. Оған геометриялық фигуралардың ішінен үшбұрышты тауып көк түспен, ал дөңгелекті тауып қызыл карандашпен бояуға көмектесейік.

Балалар: Дөңгелек пен үшбұрышты тауып бояйды.

Дымбілмес: балалардың назарын аю мен қоян жүргізіп келе жатқан пойыздың ұзындығына аударады.

Балалар: Мұқият қарайды.

Рефлексиялық – түзетушілік.

Тәрбиеші:

-Аю қандай пойызбен келе жатыр?

Балалар: Ұзын.

Тәрбиеші:

-Ал, қоян қандай пойызбен келе жатыр?

Балалар: Қысқа.

Дымбілмес: Ұзын жолақты қысқа жолақтан ажырата білуді және геометриялық фигуралар: дөңгелек пен үшбұрышты ажырата білуге үйреткендеріне балаларға рахметін айтып, қоштасады.

Күтілетін нәтижелер:

Атайды: заттарды көлемін (ұзын – қысқа);

Түсінеді: көлемі бойынша қарама – қайшы заттарды қалай салыстыруға болатынын;

Қолданады: геометриялық фигураларды белгілі бір түске қалай бояуға болатынын, заттарды бір – бірінің үстіне салу және жанастыру тәсілдерін.

МКҚК «Мөлдір» балабақшасы

Бекітемін: Тексерілді:

Меңгеруші: Оспанова Ш.А. Әдіскер: Максимова М.О.

Ашық сабақ.

Білім беру саласы: Таным, Шығармашылық.

Бөлімі: ҚМТҚ

Тақырыбы:

«Ұзын – қысқа. Заттарды бір – бірінің үстіне қойып және жанына қойып салыстыру. Фигуралар туралы өткенді қайталау».

«Айгөлек» ІІ кіші топ

Тәрбиеші: Жубаниязова Г.С.