Түстер әлеміне саяхат

Тақырыбы: «Түстер әлемі»
Мақсаты:
Балалардың қоршаған орта сұлулығын сезіну қабілеттерін қалыптастыру, түстер әлемі және оның реңктерін түсіну, сезу, көру қабілеттерін дамыту. Табиғат үйлесімділігінің қарым-қатынасы ұғымын дамыту.
Методикалық тәсілдер:
Суретшінің сөзі, шығармашылық тапсырма, психожаттығу, кассеталар, ойын.
Материалдар:
Әуендерімен аудиокассета. 3 сурет: 1 – көңіл-күй түсі, 2- ақ-қара қамал, 3- түрлі-түсті қамал. Қағаздан үлкен гүлдер, кішкентай түрлі-түсті гүлдер, түрлі-түсті тамшылар. Табиғат туралы видеокассета түрлі-түсті «алмастар»
Сабақтың барысы
«Бақыт шеңбері»
Балалар менің қолымда не бар қараңдаршы.Бұл ерекше түрлі-түсті дап.Мұнда сары, қызыл, көк, жасыл және ақ түстер. Қанекей біз «Саламатсыз ба» деген сөзбен бір-бірімізге бір түстен сыйлайық.
Саша саламатсың ба? Мен саған көк түс сыйлағым келіп тұр. Бұл аспанның түсі. Бір-біріңе адамгершілікпен, ілтипатпен қарайтындарың мені қуантады. Ал қазір біздің сиқырлы кілеміміздің үстіне отыруға шақырамын, бірақ алдымен қыздарды өткізейік. (музыка қосулы)
Тік отырамыз. Әуенді естіп тұрсыңдар ма? Ол бізді саяхатқа шақырып тұр.
Көңіл-күй түсі:
Қазір мен «Эни, бени раба» деймін, көздерімізді жауып, жолға аттанамыз. Ал біз керемет ертегі әлеміне түстік.
Қараңдаршы, біздің алдымызда үлкен қақпа тұр, ол бізді кемпірқосақпен саяхатқа шақырып тұр. Біз түрлі-түсті кемпірқосақтың үстімен жүріп келеміз. Жоғарыдан бүкіл ғаламшар көрініп тұр. Мұнда жасыл орман да, көк теңіз де, сары шөл де, қызыл гүлдер де бар. Мінекей түрлі-түсті жауын жауып жатыр. Жауын тамшылары біздің бетімізге түсіп жатыр. Алақандарыңа қараңдаршы – қандай түсті тамшаны ұстап алдыңдар? Тамшыны құлақтарыңы қарай көтеріңдер. Ол сендерге не деп сыбырлайтынын естіңдер. Бұл тамшыны өздеріңмен бірге алып кете аласыңдар, ол сендердің қастарыңда әрдайым болады. Сендерді қорғап, көмектесіп жүреді. Бірақ, біз ертегілер патшалығынан кайтуымыз керек. Мен «Эни, бени- раба» дегенімде көздеріңді ашасыңдар.
Әңгімелесу:
Сендердің тамшыларыңның түсі қандай болды?
Ол құлақтарыңа не деп сыбырлады?
Ертегілер әлемінен қайтқыларың келді ме?
Мен сендерге түрлі-түсті жауын тамшыларын біздің қолшатырымыздың астына жабыстыруды ұсынамын. Біріншіден бұны біз қыздарға істеуге ұсынамыз. Жарайсыңдар! Біздің сиқырлы қолшатырымызға қараңдаршы. Ол сондай ерекше, түрлі-түсті, қуанышты, ойнақы болды.
Ширату:
Ал қазір ойын ойнайық. Сиқырлық басталды. Мен қазір сиқырлы сөз айтамын, сендер көбелекке айналасыңдар....
Көбелектер ойнап, гүлден гүлге ұшыпжүр, ал әуен тоқтайды, көбелектер сиқырлы гүлге ұшады. Бірақ, абайлаңдар көрші көбелекті гүлден құлатып жібермеңдер, қанаттарына зақым келтірмей, бір-біріңе ұқыпты болыңдар
Менің көбелектерім сондай ақкөңіл, ұқыпты. Қазір мен «крекс-пекс-фекс» сиқырлы сөзін айтамын, сендер қайтадан балаларға айналасыңдар. Қазір мен кілемге барып отырып, қызықты ертегі тыңдауды ұсынамын.
Ертегі: Таулар мен ормандардың артында бір керемет Түстер патшалығы орналасқан. Бұл ерекше әдемі патшалық. Мұнда түстердің барлығы бейбітшілік пен келісімде өмір сүреді. Әрбір түс таңертеңнен кешкеге дейін өзінің жұмысымен айналысады.Сары түс күнде таңертең Күнді сары түске бояйды: жасыл түс шөптерді бояйды, талдың жапырақтарын: қызыл түс- гүлдерді, қызыл қоңыздың арқасын: көк – аспанды, теңізді....
Қазір мен сендерге бұл патшалықты, әдемі патшалықты көрсетемін.
Күндердің күнінде бұл түстер патшалығында бір қызықты оқиға болды.Қара түс басты түс болғысы келіп, бүкіл патшалықты қара түске бояп тастады! Қараңдаршы, бұдан не шықты.... Түстер патшалығы қараңғы, қорқынышты болып кеткен (сарайдың ақ-қара суретін көрсету)
- Сендерге ертегі ұнады ма?
- Осындай патшалықта өмір сүргілерің келе ме? Неге?
- Сендер қалай ойлайсыңдар түстерсіз өмір сүруге бола ма? Неге? - Ал біз көмектесе аламыз ба?
Қанекей бұл патшалыққа ашық түстерді қайтарып берейік.
Эмоциялық жағдай:
Сендердің ойларыңша, патшалыққа керек деген түстерді таңдауды ұсынамын.Жарайсыңдар! Сендер ақкөңіл, қарапайым балаларсыңдар, менің ойымша, енді бұл патшалықта бәрі жақсы болады. Көздеріңді жұмыңдар….. Қазір керемет болады… (тәрбиеші түрлі-түсті сарай бейнеленген суретке ауыстырады)
Көмек көрсеткен сендерге ұнады ма?

Қазір көңіл-күйлерің қалай?
«Жүректен жүрекке»
Мен де сендерге тылсым сый дайындап қойдым. Жақындап, менің қолымда не бар екенін қараңдар. Бұл түрлі-түсті «алмастар». Қанекей бір-бірімізге осы «алмастарды» жылы тілектерімізбен сыйлайық.
«Саша мен саған сары түсті «алмас» сыйлаймын, сенің көңіл-күйің әр уақытта жақсы болсын».
Ал қазір қолдарыңды алға қарай созып, алмастарға қараңдар, олар түрлі-түсті және өте әдемі, бізді қоршаған әлем сияқты!
Балалар, біз сендермен достық пен бейбітшілік туралы әнді тыңдадық, қанекей соны орындайық. («Әлем түрлі-түсті шалғындыққа ұқсайды» әнінің фонограммасы өшіріледі).