Тіл дамыту. Тақырыбы: Кім болғың келеді

Білім беру саласы: Қатынас

Бөлімі: Тіл дамыту

Тақырыбы: Кім болғың келеді?

Білімділік міндеті: Ұйымдастырылған оқу іс әрекетіміздің тақырыбын байланыстыра отырып, мамандық иелерінің қандай жұмыс, қайда жұмыс істейтінін балаларға ұғындыру.

Мақсаты: Балаларды мамандық түрлерімен таныстыру. Ер жетенде қандай мамандық иесі болатынын, сол мамандыққа қызығушылықтарын арттыру. Тіл байлықтарын дамытып, әңгімені байланыстыра сөйлеуге үйрету. 

Дамытушылық: Балалар мамандықты таңдай білуде ойларын тиянақтап,талғамын дамыту.

Тәрбиелік: Барлық мамандық иелерін сыйлауға,құрметтеуге тәрбиелеу. Балаларды еңбекқорлыққа, ұйымшылдыққа тәрбиелеу.

Сөздік жұмыс: Тәрбиеші,дәрігер,аспазшы,ұстаз т.б

Көрнекілік: Мамандық иелерінің суреттері,таратпа суреттер. Желілік ойындар.

Ұйымдастыру іс-әрекеті: Балалардың зейінін аудару.

Ұйымдастыру кезеңдері: Балаларды оқу іс-әрекетінің тақырыбымен таныстыру.

Мотивизациялық- қозғаушылық: Сұрақ қоя отырып, жауап іздеу.

Өткен оқу іс-әрекеттін қайталау.

Өткен оқу іс-әрекетімізде біз сендермен не жайында таныстыңдар балалар?

Үй тапсырмасы: Тақырыбы:Туған күн жәйлі әңгіме құрастырып келу.

Мысалы: Менің бүгін туған күнім дегенде ойымызға не келеді?

Ия, балалар сендер дұрыс айтасыңдар. Жыл сайын бір жасқа есейесіңдер, жастарыңа жас қосылады.

Ұйымдастыру кезеңі: Балалардың зейінін аудару.

Балалар тақтадан қандай суреттерді көріп тұрсыңдар?

Балалардың жауабы:

Ал мамандық дегеніміз не қалай түсінесіңдер?

Балалар сендер мына күнделікті келіп жүрген,өздерін тұрып жатқан үйлерді салатын адамдар бар,ауырып қалсақ емдейтін адамдар бар,киімдерімізді тігіп беретін адамдар бар,бізге білім беретін адамдар бар, шашымызды әдемілеп қиып беретін және дәмдеп тамақ пісіретін адамдар бар.Бұл адамдардың барлығын бір сөзбен айтқанда мамандық иелері дейміз.

Мамандық дегеніміз – адамның еңбек қызметінің түрі.

Мамандық таңдау да мектеп қабырғасынан басталады.

Әсемепаз болма әрнеге

Өнерпаз болсаң арқалан

Сен де бір кірпіш дүниеге

Кетігін тапта бар қалан,

деп өмірден өз орнын тауып, елімізге қажетті кәсіп иесі болу әр баланың арманы.

Біздің таңдауымыз да әртүрлі. Біреуің ертең ақын, екіншің инженер, үшіншің құрылысшы боласың. Жаман мамандық жоқ. Мамандықтың бәрі жақсы.

-Мына суреттерге қарайықшы не көріп тұрмыз?

-Үй салатын адамды-құрылысшы дейді екен , балалар.

-Ал мына суретте тамақ пісіріп жатқан адамды-аспаз, білім беретін адамды-мұғалім деп атайды,киім тігетін адамды-тігінші, ғарышқа ұшатын адамды-ғарышкер, көлік жүргізетін адамды-жүргізуші, емдейтін адамды-дәрігер деп мамандықтың түрлеріне қарай атайды.

-Ал бұл мамандықты меңгеру үшін көп оқуды,көп ізденуді,қажымас қайратты,көп еңбекті талап етеді.Мамандық иесі болып шығу үшін, арнайы оқу орындарында дайындап оқытады. Сонда ғана өзің қалаған мамандық иесі болып шыға аласындар.

Жұмбақ шешу

-Балалар мен сендерге жұмбақ жасырғым келіп тұр,тыңдаймыз ба?

1.Тәп-тәтті тамағы,астардың маманы .(Аспаз)

2.Кірпіштен сарай,үй салады,ол адам кім болады? (Құрылысшы)

3. Қалықтайды, бірақ ұшпайды (биші)

4. Қолында қайшы тарағы,

тәртіпке шашты салады (шаштараз)

5.Аспанға ол самғайды,

Ғарыштарды шарлайды.

Болмаса егер ол кісі

Білмес едік осынау

Аспандағы мән-жайды. (Ғарышкер)

Дидактикалық ойын: Суретті картотекалардан мамандық иелерін

тауып, айтып беру.

Сергіту сәті:

Оң қолымда қаламым

Қаламыммен жазамын

Сол қолымда кітабым

Оқып білім аламын

Аспанда самғап ұшатын

Мен ғарышкер боламын

Отанымды қорғайтын

Ал, мен сақшы боламын

Білім құяр санаңа

Мейірімді ұстаз мен болам.

Желілі ойын:

Балаларға мамандық иелерін сомдауға шақырамын.

Екі бала ортаға шығады. Бірі дәрігердің ақ халатын киіп, бала емдейтін дәрігер болады. Ал, екіншісі емделуші бала рөлін сомдайды.

Тағы екі баланы ортаға шығарамын. Тігінші рөлін сомдайды.

Сын тұрғысынан сұрақтар:

1.Мамандық адамға керек пе? (иә)

2. Әр мамандықтың ерекшелігі бар ма? (иә)

3. Дәрігер балаларды оқытады? (жоқ, мұғалім оқытады?)

4. Мұгалім адамдарды емдейді? (жоқ, дәрігер емдейді)

5. Наубайшы нан пісіре ме? (иә)

6. Жүргізуші машина жүргізе ме? (иә)

7. Шаштараз шаш қимайды? (жоқ, қияды)

8.Егінші егін екпейді? (жоқ,егеді)

9. Кітапханашы кітап бере ме? (иә)

10.Аспаз тамақ даярламайды? (жоқ, даярлайды)

Ойын: «Кім жылдам?»

Үстел үстіне түрлі мамандық иелеріне қажет құралдарды қойып, екі баланы шығарамын, ойын шартын түсіндіремін. Екі бала екі түрлі мамандық иесіне қажет құралдарды екі үстелге бөліп жинайды (шаштараз-аспаз, мұғалім-дәрігер).

Дид/ойын «Сөйлеп тұрған кім?»

Балалар біз қазір мына сөздерді естіп қандай мамандық иесі сөйлеп тұрғанын анықтайықшы:

1)Балмұздақ сатамын!Балмұздақ! (сатушы)

2)Жүріңіз қай жаққа апарып тастайын? (жүргізуші)

3) Қай жеріңіз ауырып тұр?Қазір ыстығыңызды өлшейін. (дәрігер)

4)Шашыңызды қандай үлгіде қиып берейін? (шаштаразшы)

5)Бүгінгі сабақта біз балалар көктемгі табиғат туралы әңгімелесеміз. (мұғалім)

6)Мен манты жасап жатырмын,қазір дайын болып қалады. (аспазшы)

Рефлексивті-түзетушілік

Жақсы балалар!Ал сендер болашақта қандай маман иесі болғыларың келеді?

- Сонымен балалар қандай маман иесі болсын ол адамның еңбегін бағалай білу керек екен.Ол мейлі бастық болсын,мейлі қарапайым шаруа иесі болсын ол адамның еңбегін бағалай білу керек.Осыны еш ұмытпаңдар!

Ата - ананың тілегі -

Адам болып өскенің.

Адамдықтың тірегі -

Адал болып өскенің.

Отаныңның арманы -

Жақсы маман болғаның.

Үйге әр түрлі мамандықтар иелері бейнелері берілген суреттерді бояуға беремін.

-Осымен ұйымдастырылған оқу іс-әрекетіміз аяқталды, жылулық шеңберімен қоштасайық!

Қол ұстасып тұрайық,

Шеңберді біз құрайық

Көріскенше күн жақсы,

Сау-саламат болайық!