Тақырыбы: «Сандық».

Ортаңғы"Жұлдызша"тобының ұйымдастырылған оқу қызметінің конспектісі.

Күні : 19.03.2020ж.

Тәрбиеші: Сағындық З.С.

Білім беру саласы: «Шығармашылық».

Бөлімі: «Жапсыру».

Өтпелі тақырып: «Өнер көзі халықта».

Тақырыбы: «Сандық».

Мақсаты:

Тәрбиелік: Бір-біріне деген достық қарым-қатынасқа тәрбиелеу.

Дамытушылық:Ойлау қабілетін дамыту.

Оқыту:Түрлі-түсті қағаздан төртбұрыш пішінін пайдалану арқылы сандықты жапсыруға үйрету

Педагогикалық технологиялар:Өзіндік дамыту технологиясы, модульдік оқыту технологиясы, ойын технологиясы. Ресурстармен қамтамасыз ету: безендірілген жартылай киіз үйдің іші, үлгі суреттер.

Билингвалдық компонент: сандық-шкатулка. Ұйымдастырылған оқу қызметінің барысы. Ұйымдастырушылық кезеңі: Өте мейрімді, ақ шашты, бізге жылы қолғап, шұлық тоқиды,ұйықтар алдында ән немесе ертегі айтып береді. Дәмді тағам, тәтті бауырсақ пісіреді. Ол кім? -Балалар, бүгін біз әженің үйіне қонаққа барамыз. -Әже. Негізгі бөлім: Бізді ұзақ жол күтіп тұр, тез жету үшін жұмбақ шешейік. Жұмбақ шешу Таңмен көзін ашады, Әлемге нұрын шашады. Аспаннан домалап, Көк моншақ төгілді. Бусанды бар алап, Терледі, кірледі. Қанаты жоқ-ұшады, Аяғы жоқ- қашады. -Міне, жұмбақты шешіп болғанша жеттік. Әжемізбен амандасайық. -Сәлеметсіз бе? -Қалыңыз қалай?Денсаулығыңыз қалай? -Жақсымын. -Балалар әженің үйінде қандай бағалы бұйымдар көп екен.Әже, осы бағалы бұйымдарыңызбен таныстырасызба? -Мынау міне, түскиіз, текемет,көрпе, сандық т.б. -Әже осының ішінде әдемі болып көрініп тұрғаны сандық. Осы сандықты қайдан алғаныңызды, қалай жасалғанын айтып беріңізші. Әженің шағын әңгімесі. -Сендерге менің сандығым ұнап қалса, өздеріңе де дәл сондай ,сандық жасауға немерем көмектеседі. (Тақтада сандықтың жасалу жолдары көрсетіледі.) 1-жолы. Ермексазды жұмсартып, төртбұрышты пішінге келтіреміз, бұрыштарын қырлаймыз. Өзімізге таныс шымшу әдісі арқылы сандықтың аяғын шығарамыз. (Тақтада үлгі ауыстырылады, әдемі әшекейленген бірнеше сандықтың үлгісі көрсетіледі. Соның біреуі таңданылады.) -Осы үлгі бойынша сандықтың сыртын әртүрлі геометриялық пішіндермен өрнектейміз. 2-жолы. Жасыл түсті ермексазды алып жалпақтаймыз.

Сергіту сәті:

Біз кішкентай баламыз,

Өсіп-өніп толамыз.

Күнге қарай талпынып,

Көкке қолды созамыз.

Қанат қағып ұшамыз,

Қарлығаштай самғаймыз.

(«Өзін-өзі тану»пәні бойынша.)

(Педагог пен әжейдің немересі сандық шетіне кескішпен сызықтар сызып шығады.)

3-жолы. Кескіш құрал көмегімен кішкене ұшбұрыштарды кесеміз де, қалақша көмегімен алып, сандықтың беткі бөлігіне сызық бойымен орналастырамыз. Басу әдісін қолданамыз,

4-жолы. Ермексазды жалпақтап, алдыңғы тәсілмен кішкене шаршыларды кесеміз. Жапсырамыз.

5-жолы.Ермексазды ұзыншақтап есіп, сандықтың төбесін, жанын өрнектеуге қолданамыз.

-Күн.

-Жаңбыр.

-Жел.

-Сәлеметсіз бе?

-Алақай!

(балалар қуанады)

Қимылмен жасайды.

Балалар қызыл, жасыл, көк түстерді өздері таңдайды. Балалар өлең жолдарын айта отырып, қимыл-қозғалыстар жасайды.

Қортынды:

-Балаларға көмектескен әженің немересімен бірге балалар бір-бірінің жұмыстарына баға береді.

-Кәне, балалар , жасаған жұмыстарымызды ұлттық бұрыштағы көрмеге апарып қояйық.

Педагог балалардың жұмысын мадақтау арқылы бағалайды.

Жұмыс дәптеріндегі сюжетті суретпен жұмыс жүргізеді, сұрақ-жауап негізінде әңгіме құрайды.

-Сандықты неден жасайды?

-Ол сандықты не үшін қолданамыз?

-Үйлеріңде сандық бар ма?