Просмотр содержимого документа
«Тақырыбы: «Сәлеметсізбе, бұл мен!» технологиялық картасы»
Ұйымдастырылған оқу қызметінің
технологиялық картасы
Өткізеген: Каримжанова Т. К.
Топтың жас ерекшелігі: ересектер тобы
Білім беру саласы: «Шығармашылық»
Бөлімі: сурет салу
Тақырыбы: «Сәлеметсізбе, бұл мен!»
Мақсаты:Портрет (келбет) салу жолының техникасымен таныстыру.
Міндеттері:
БМ:.Портрет жайында түсініктерін қалыптастыру; салынған суреттің шын бейнеге ұқсауын мақсат ету.
ДМ: Өнердің түрлерін қарау арқылы көркемдік талғамын дамыту.
ТМ:Өнерге деген сүйіспеншілікке тәрбиелеу
Қолданатын құралдар: адамның суреті, суретшілердің шығармалары, жай, түрлі түсті қарындаштар, ақ қағаз.
Сөздік жұмыс: портрет, автопортрет.
Қостілділік компонент: hellothat/smy-здравствуй это я, сәлеметсізбе, бұл мен.
Әрекет кезеңдері
Педагогтың іс-әрекеті
Баланың іс-әрекеті
Мотивациялық –
қозғаушылық
Шаттық шеңбер»
Балалармен бірге «Амандасу рәсімін» айтады:
Амансың ба, Алтын -Күн,
Амансың ба,Жер – Ана
Амансың ба достарым,
Сендерді көрсем қуанам!
Балалар «Шаттық шеңберді» құрады.
Ұйымдастырушылық-
ізденістік
Білесің бе, бұл портреттердің бәріне ортақ не нәрсе бар? Оларда суретшілер өздерін бейнелеген. Мұндай портреттерді автопортрет деп атайды. Автопортрет өнері арқылы біздер ұлы қылқалам шеберлері Рафаэль, Рембрандт, Ван Гог, Суриков, Брюллов, т. б. сырт келбеті туралы мағлұмат ала аламыз. Ең қызығы, автопортретте суретші өзіне деген көзқарасын білдіреді. Көрермендеріне: «Қараңдар, мен қандаймын!» деп тұрғандай. Рафаэль мен Ван Гогтың автопортретін салыстыр. Олардың портретіне қарап бұл суретшілер жайлы не айтар едің? Портреттегі бет әлпеттерінің сипаты, түстер гаммасы мен бояуды жағу тәсіліне назар аудар. Өз автопортретіңді салып көр. Түстің, сызықтың, композицияның көмегімен достарың мен туыстарыңа өзің туралы әңгімелеп бер. Елестету арқылы портрет салып көрдің, енді есте сақтау арқылы портрет салып көр. Өзіңнің айнадағы бейнеңе мұқият қара. Фотосуреттеріңді де қарап шық. Сенің автопортретіңе қандай түстер гаммасы лайық деп ойлайсың, қандай материалдарды пайдаланған дұрыс? Автопортретіңді салмас бұрын мына сұрақтарға жауап бер: 1. Портретіңде өзің жайлы не айтқың келеді? Сен қандайсың? 2. Мінез - құлқың, әдеттерің ше? 3. Көбіне қандай көңіл күйде боласың? 4. Бос уақытыңда немен шұғылданғанды ұнатасың? 5. Суретшілер әдетте өздерін қандай да бір жұмыс үстінде бейнелейді. Сен өзіңді қандай жұмыс үстінде бейнелеген болар едің? Автопортретті салу жолдары:
1. Бет кескінін доғалдау етіп саламыз, сосын оны көмекші сызықтар арқылы тігінен (симметрия осьімен) теңдей екі бөлікке бөлеміз. Барлық көмекші сызықтар оңай өшірілу үшін жай қарындашпен жай басып, жіңішке етіп сызу арқылы салынатынын түсіндіру. 2. Сосын бас пішінін көмекші сызықтармен көлденеңінен өзара шамалас үш бөлікке бөлеміз. Доғалдау етіп сызылған бас пішінінің жоғарғы бөлігі - маңдай, ортаңғы бөлігінде мұрын мен көз, құлақ, төменгі жағына ауыз бен иек түсіріледі. 3. Шашты салу кезінде шаш қою үлгісінің де өзіндік көлемі мен пішіні болатыны ескерілу керек. 4. Мойын мен иықты бейнелеуді аяқтап, киімін саламыз. 5. Автопортрет бояуын түсіреміз. Сергіту сәті: Алдым қолға қарындаш, Бейнеледім суретті. Бояуларды аламын, Қыл қаламмен саламын Суретімді болған соң, Үлкен бестік аламын.
Балалар мұқият тыңдайды.
Сұрақтарға жауап береді.
Балалар автопортрет сурет салады.
Жаттығу жасайды.
Рефлексиялық- түзетушілік
Педагог балалардың жұмыстарынан көрме ұйымдастырады. Екі-үш балаға сұрақ қояды:
-Автопортрет көрмесі ұнадыма? -Портрет, автопортрет дегеніміз не?
Сұрақтарға жауап береді. Көрме ұйымдастырады.
Күтілетін нәтиже:
Біледі: портрет, автопортрет туралы біледі;
Игереді: салынған суреттің шын бейнеге ұқсауын мақсат ету игереді.
