«Менің сүйікті отбасым!» Қалалық балабақшалар арасында өткізілген ашық ұйымдастырылған оқу қызметінің технологиялық картасы

Қалалық балабақшалар арасында өткізілген ашық ұйымдастырылған оқу қызметінің технологиялық картасы

Білім беру салалары: Әлеуметтік орта, Коммуникация, Таным

Бөлімі: Шығармашылық

Тақырыбы: «Менің сүйікті отбасым!»

Мақсаты: 1. Білімділік: Өзінің отбасы туралы әңгіме құрастыруға, отбасы мүшелерін атап, олардың үйдегі рөлін атап айтуға үйрету.Отбасы мүшелері арасындағы бауырмалдық, қайрымдылық достық қарым –қатынасты қалыптастыру, триз, мнемо технологиялары арқылы сөйлем құрастырып, тақпақ жаттатып тілдерін жаттықтыру.

2. Дамытушылық: Өз отбасы жайлы әңгімелеу барысында сөздік қорларын дамыту, есте сақтау қабілеттерін арттыру.

3. Тәрбиелік: Балаларды үлкенді сыйлауға, кішіге қамқор болуға тәрбиелеу.

Қолданылатын көрнекі құралдар: үлестірмелі материалдар, слайд, видео-ролик, отбасы бейнеленген суреттер, отбасылық шиырма, мнемо кестесі.

Қажетті құрал-жабдықтар: тақтай, майлық, ермексаз.

Әдіс-тәсілдері: түсіндіру, сұрақ-жауап, әңгімелесу, жұмбақтар, ойын, саяхат, триз

Билингвизм: отбасы – семья- fimaly, ата – дедушка-grand father, әже – бабушка-grand mother, әке - отец- father, ана – мать- mother, аға – брат-brother, апа – сестра-sister.

Қатысушылар: ата - аналар, балалар.

Тыңдаушылар: қалалық II-кіші тәрбиешілер бірлестігі.

Тәрбиеші: Қайырлы күн, балалар! Бүгін біз үшін ерекше, әрі көңілді күн. Бүгін бізге көптеген қонақтар келіп отыр. Олай болса, шеңберге тұрып, жылы тілектерімізді айтып, қонақтарымызбен сәлемдесейік.

Балалар: Сәлеметсіздерме, здраствуйте, goоd morning

Жылулық шеңбері

Армысың, ашық Күн!

Армысың, көк аспан!

Армысың, еркін жел!

Армасың, достарым!

Тәрбиеші: Сендерді көргеніме қуаныштымын!

- Балалар, қәне тақтаға назар аударайықшы, суретте не бейнеленген?

-Ата деген кім?

-Әже не істеп отыр?

-Анамыз не істеп жүр?

Балалар, мен қазір сендерге жұмбақ жасырғым келіп тұр.Қане, балалар маған жұмбақтың жауабын табуға кім көмектеседі?

Айтары мол ғұлама,

Көп жасасын бұл адам.

Әкесі ол әкеңнің,

Білер оны сұраған.

Ол кім балалар?

Балалар жауабы: -Ата

Тәрбиеші: -Ия дұрыс айтасыңдар бұл адам -ата. Ата -үйдің ұйтқысы, үйдің үлкені.

Бала бала, бала деп,

Түн ұйқысын төрт бөліп.

Түнде бесік таянған,

Кірлі көйлек кигізбей,

Исін жұпар аңқытқан.

Бұл кім балалар?

Балалар жауабы: -Ана

Тәрбиеші: -Ия дұрыс айтасыңдар бұл адам -ана. Ана – біз үшін түн ұйқысын төрт бөліп әлдилеп өсерген адам. Ананың жүрегі кең.Міне осындай мүшелердің иесін – отбасы деп атайды. Отбасы мүшелеріне ата, әже, әке, ана, аға, апа, іні-қарындастарымыз және өзіміз жатамыз.Отбасы – ол үлкен қауым, шаттық мейірімділік қамқорлық, сүйіспеншіліктің ортасы. Үйде ата – аналарыңды тыңдасаңдар жақсы адам боласыңдар, өскенде әдепті, ақылды азамат болып өсесіңдер.

(электронды почтаға хат келеді).

- Балалар, бізге Әли мен Айя видео - роликпенхат жолдапты, қәне бәріміз бірге ашып көреміз бе? (Али мен Айяның видео – ролигі экраннан көрсетіледі).

Балалар: -Ия көреміз.

-Балалар, Али мен Айя біздерді өз отбасына қонаққа шақырыпты, ендеше Али мен Айяның үйіне қонаққа барғыларың келеме?

Балалар: -Ия,барамыз.

Тәрбиеші: Ал ендеше Али мен Айяның үйіне жеткенше ән айтып барайықшы, жақында аналарымыздың мерекесі, сол мерекеге жаттаған әнімізді айтайық.

Ән: «Мамин праздник»

(Али мен Айяның әжесі балаларды қарсы алады, үйге кіргізіп төрге шығарады. Атасы газет оқып, Әли мен Айя сурет салып отырады)

Әли: Ата менің балабақшадағы достарым қонаққа келді.

Айя: Достарым бұл менің отбасымның үлкендері, бұл - атам, ол газет оқығанды жақсы көреді, ал әжем болса бізге күн сайын ертегі айтып береді. Біз атамыз бен әжемізді жақсы көреміз.

Әже: Балалар, бұл үйде Әли мен Айяның отбасы тұрады. Мен күнде немерелеріме ертегі айтып беремін! Менің Әлиім мен Айяам ертегіні жақсы көреді. Ал сендер ертегі тыңдағанды жақсы көресіңдер ме?

Балалар: Ия жақсы көреміз.

Әже: Ендеше мен сендеге бір әңгіме айтып берейін. «Мысық неге тамақ ішкен соң жуынады» (Литва халық ертегісі әже айтып береді).

Ата: Жарайсыңдар, балалар! Әжелерің айтқан ертегіні тез ұғып алдыңдар.Ал енді балабақшада үйреткен отбасы туралы тақпақтар, мақал – мәтелдерің барма айтып беріңдерші?Қәне, маған кім айтып береді?

Тәрбиеші: Иә, ата –әже менің кішкентай бүлдіршіндерім көптеген тақпақтар, нақыл сөзедер біледі. Кәне балалар тақпақтары-мызды айтып берейікші. Ата, әже біздің Хасан ағылшын тілінде тақпақ айтқысы келіп тұр.

Әже: Жарайсыңдар, сендер өте ақылды болып өсіп келе жатыр екесіңдер.

Тәрбиеші: Әже, сіз не жасағалы жатырсыз, менің бүлдіршіндерім тек ақылды ғана емес, сонымен қатар олар үлкендерге көмектескенді жақысы көреді. Сізге біз көмектесейік пе?

Әже: Ой, тамаша, мен сүзбе сүзіп қойған едім, сол сүзбеден құрт жасағалы жатыр едім, маған көмектессеңдер жақсы болар еді.

Саусақ жаттығуы.

Кел санайық екеуміз,

Бір үйде біз нешеуміз?

Бас бармағым-әкем,

Балан үйрек-анам,

Ортан терек-ағам,

Шылдыр шүмек-мен,

Кішкене бөбек-сен,

Бір үйде біз нешеуміз,

Бір үйде біз бесеуміз!

Балалар жауабы: әже бізде сізге көмектесеміз.

Әже: Жарайсыңдар бөбектерім!

Тәрбиеші: Балалар, олай болса біздер әжеге құрт жасауға көмектесіп жіберейікші, ең алдымен құрт жасамастан бұрын қолымызды жақсылап жуып алайық. Балалар, қәне кім айтады, құрттың пішіні қандай болады? Тағы қандай пішіндерді білесіңдер? (тәрбиеші құрттың жасалу жолын түсіндіреді, құртты тұзды қамырдан жасайды.)

Әже: Балаларға рахметін айтып, өзінің сақтаған құрттарын сиға берейін.

Тәрбиеші: Балалар әжеге не деп айтамыз?

Балалар: рахмет

Тәрбиеші: Балалар біздің де балабақшамызға оралатын уақытым болып қалды, бізді достарымыз сағынып жатырған болар қанекей атамен әжемен қоштасайық.

Балалар: Сау болыңыз.

Әже: Сау болыңдар құлындарым, менің Айя мен Әлиімнің достарына риза болдым. Менің сендерге беретін сыйлығым бар еді атасы кәнекей бөбектерге құртымызды берейік.

Ата: Мінекей балақайлар.

Тәрбиеші:Рахмет ата, әже.Бізде сіздерге келгенімізге қуаныштымыз.Сау болыңыздар. Музыка әуенімен балабақтамызға келіп қалдық.

«Неге теңеймін» атты ойының ойнату арқылы бүгінгі оқу қызметімізді қорытындылаймын.