Шұбар тауық ертегісі

Мұнайлы ауданы

№6 орта мектеп жанындағы шағын орталық

(Ашық сабақ)

«Құлыншақ» ІІ-сәбилер тобы

Өткізген тәрбиеші: Елшибекова Айгерим Джексенбаевна

Мақсаты: Балаларды ертегіні зейін қойып, аяғына дейін тыңдауға үйрету. Тәрбиешінің сұрақтарына анық жауап беруге, бір-бірінің жауабын тыңдауға, өз - өздеріне сенімділікке, кейіпкерлерге деген мейірімділік, аяушылық сезімге тәрбиелеу. Белсенді сөздік қорларын, дамыту. Түстерді, геометриялық пішіндерді ажыратып, құрастыруға деген қызығушылықтарын арттыру.

Тәрбиеші: Балалар, біз бәріміз бір үйдің балаларындай татумыз, доспыз. Қане бәріміз бір болып шеңберге тұрайық, қонақтарымызбен амандасайық.

Шаттық шеңбері:

Жадыраған күндейміз

Жайнап өскен гүлдейміз.

Жарқырасын қаламыз

Жарқырасын даламыз.

Сәлеметсіздер ме, жарқын жүзді қонақтар!

Тәрбиеші: Балалар, сендер үй құстарын суреттеріне қарап, аттарын атап бересіңдер ме?

Тәрбиеші: Неге бұларды үй құстары деп атайды? Олар адамға қандай пайда әкеледі?

Балалар: Себебі, олар адамдармен бір аулада тұрады. Адамдарға үйренген.Оларға адамдар жем, су береді, қамқорлық көрсетеді,қорада ұстайды.

Олар адамдарға жұмыртқа береді, етінен сорпа жасайды, мамығынан жастық жасайды.

Тәрбиеші: Үй құстарыда адамдар сияқты сөйлей білмесе де, өздеріне тән дыбыстар шығарады, бір-бірін түсінеді.

Дыбыстық-артикуляция жаттығуы:

-Қыт,қыт,қыт.

-Ку-ка-ре-ку.

-Га-га-га.

-Кря,кря,кря.

Естуге арналған ойын-жаттығу: «Қай құстың дауысы?»

Үй құстарының дауыстарын үнтаспа арқылы табады.

Тәрбиеші тапсырмасы: берілген суреттердің ішінен үй құсын тап.

Балалардың жауабы: тауық.

Тәрбиеші: Ендеше мен сендерге балалар, тауыққа байланысты орыс халық ертегісін айтып берейін.

«Шұбар тауық» ертегісін әңгімелеп беру.

-Балалар, ертегі не туралы?

-Алтын жұмыртқа туралы.

-Онда қандай кейіпкерлер бар?

-Ата,әже, тауық, тышқан.

-Балалар, жұмыртқаның пішіні қандай? Түсі қандай?

-Пішіні сопақ. Түсі ақ.

Осы уақытта тауықтың дауысы естіледі.

Тәрбиеші: Балалар, тыңдандаршы кімнің даусы естіледі? Тауық кіреді

Шұбар тауық: - Сәлеметсіңдер ме, балалар, қыт - қыт - қыт.

Балалар: - Сәлеметсіз бе!

Шұбар тауық: - Мені таныдыңдар ма?

Балалар: - Иә, таныдық, Шұбар тауықсың.

Шұбар тауық: - Мен сендерге ойындар әкелдім. Егер ойындарды дұрыс ойнасаңдар, менің мына жұмыртқаларым ашылады.

Тәрбиеші: - Шұбар тауық, біздің балалар ойын ойнағанды ұнатады.

Дидактикалық ойын: «Суретті ретімен қойып, әңгімеле»

(«Шұбар тауық» ертегісі бойынша бейнеленген суреттерді ретімен қойып, әңгімелеп береді.

Тәрбиеші: (жұмыртқаны қолына алып ) – Ой, балалар, мына жұмыртқадан бір дауыс шығады – деп қолына алады. (Ішінен шиқылдап, балапан шығады)

Балалар: - Балапан. (балалар таңданады)

Шұбар тауық қыт - қыттап рахмет айтады.

Дидактикалық ойын: «Геометриялық пішіндерді ата және сипатта»

2 - ші жұмыртқа ашылып, балапан шығады.

Дидактикалық ойын: «Балапанды пішіндерден құрастыр»

3 - ші жұмыртқа ашылып, балапан шығады.

Дидактикалық ойын: «Неше балапан, неше жұмыртқа»(санау)

- Шұбар тауық: - Жарайсыңдар, балалар, жұмыртқаларымды ашуға көмектескендеріңе рахмет!

Тәрбиеші: -Балалар, шұбар тауықпен бірге, ән айтып би билейік.

Ән «Шөжелерім» (музыкамен)

Шеп-шеп, шеп-шеп шөжелерім,

Сары алтындай балапаным.

Тез жетіңдер жем беремін,

Дәнге толы алақаным.

Тәрбиеші: Жарайсыңдар, балалар!

Қане бәріміз шеңберге келейік:

• Балалар бүгін біз қандай ертегімен таныстық?

• «Шұбар тауық» орыс халық ертегісі.

Жылулық шеңбері:

Қол ұстасып тұрайық,

Шеңберді біз құрайық.

Көріскенше күн жақсы,

Сау-саламат болайық.