1. Білім беру саласы: Қатынас
2. Бөлім: Сауат ашу
Тақырыбы: [у] дыбысы мен әрпі.
Мақсаты: балаларды У әрпімен таныстыру, есту арқылы сөз арасынан қажетті дыбыстарды табуға үйрету; саусақ бұлшық еттерін жаттықтыру; қоршаған ортаға сүйіспеншілікпен қарауға тәрбиелеу.
Құрал-жабдықтар:фланель тақтада бейнеленген орман суреті: гүлдер, ағаштар, жалмауыз кемпір мен оның үйі, үйдің жанындағы торларға қамалған аю, жолбарыс, қасқырдың суреттері, кеспе әріптер.
Әдіс-тәсілдер: түсіндіру, сұрақ-жауап, ойын.
| Іс-әрекет кезеңдері | Тәрбиешінің іс-әрекеті | Балалардың іс-әрекеті | Жағымды | Жағымсыз |
| Мотивациялық-қозғаушылық | Жылулық шеңбері Достар, бер келіңдер, Қолдарыңды беріңдер. Шаттық толы шеңберге, Қуанышпен еніңдер! Қайталау Фланель тақтаға бейнеленген орман суреті: гүлдер, ағаштар, жалмауыз кемпір мен оның үйі, үйдің жанындағы торларға қамалған аю, жолбарыс, қасқырдың суреттері. -Балалар, жалмауыз кемпір аңдарды сиқырлап, торларға қамап тастапты. Олардың қарындары ашыпты, үйлеріне барғысы келеді. Аңдарға көмектессек қайтеді? Жалмауыз кемпір: -Менің тапсырмаларымды орындасаңдар ғана аңдарды босатамын,- дейді. 1- тапсырмасы -Жолбарысты құтқару үшін «жолбарыс» сөзін буынға бөлуіміз керек екен. -Жол-ба-рыс. Сөзде неше буын бар екен? -Міне, жаламауыз кемпір жолбарысты жіберді. 2-тапсырмасы -Аюды құтқару үшін «аю» сөзінің қанадй дыбыстан басталып тұрғанын айтуымыз керек. Кім таба алады? -А әрпін тауып көрсетіңдерші. -Аюды да құтқардық. Аңдар сендерге рахмет айтып жатыр. | Қол ұстасып, шеңберге тұрып,өлең жолдарын тәрбиешімен бірге айтады. Фланель тақтадағы көріністі тамашалайды, тәрбиешіні тыңдайды. Жолбарыс сөзін буынға бөледі: -Жол-ба-рыс. «Аю» сөзінің алғашқы дыбысын табады: -«Аю» сөзі [а] дыбысынан басталады. Әріптер кассасында тұрған А әрпін тауып көрсетеді. | ||
| Ұйымдастыру-іздестіру | Жаңа тақырып 3-тапсырмасы -Ал, қасқырды мүлдем жібермеймін дейді. Қасқыр жалмауыз кемпірге өкпелеп, ұли бастады. Сендер қасқырдың қалай ұлитынын білесіңдер ме? -Ол қай дыбысты ұзақ созады? -Дұрыс айтасыңдар, [у] дыбысын созады. Жаңа тақырып [у] дыбысын айтамыз У әрпімен танысамыз Дидактикалық ойын «Дыбысты ұста» Тәрбиеші әртүрлі сөздерді айтады, балаларға [у] дыбысы бар сөзді естігенде қол соғу арқылы дыбысты ауадан ұстап алу керектігін түсіндіреді. | -Қасқыр «Ауууу» деп ұлиды. -[у] дыбысын созады. Тәбиешімен бірге [у] дыбысын 2-3 рет созып айтады. Тәрбиеші көрсеткен У әрпімен танысады. Сөздер арасынан [у] дыбысын естігенде қол соғып, дыбысты «ұстап алады». | ||
| Рефлексивті-түзетушілік | Қорыту -Біз бүгін қандай аңдарға көмектестік? -Жалмауыз кемпір қасқырды неге жібере салды? -Қасқыр қалай ұлиды екен? -Біз қандай әріппен таныстық? Балаларды мадақтап, сабақты аяқтайды. | Тақырып бойынша сұрақтарға жауап береді. |
Күтілетін нәтиже:
| Нені білу керек: | Өткен дыбыстарды қосып оқуды. |
| Нені игереді: | Қоршаған ортаға қамқорлық жасау керектігін. |
| Нені біледі: | Басқа әріптердің арасынан У әрпін танып, көрсетуді. |
