1. Білім беру саласы: Қатынас
2. Бөлім: Сауат ашу
Тақырыбы: Сөз
Мақсаты: балалардың сөз туралы түсініктерін қалыптастыру,балаларға айтылған сөздерді жолақша қағазбен және сөздердің ұзынды,қысқалығын қолмен өлшеп айыра білуге үйрету, есту қабілетін жетілдіру.
Құрал-жабдықтар: ойыншықтар, түстері әртүрлі, мөлшерлері бірдей екі машина, аю, қуыршақ, кубик,доп, ақ жолақшалар.
Әдіс-тәсілдер: түсіндіру, сұрақ-жауап, ойын.
| Іс-әрекет кезеңдері | Тәрбиешінің іс-әрекеті | Балалардың іс-әрекеті | Жағымды | Жағымсыз |
| Мотивациялық-қозғаушылық | Жылулық шеңбері Шеңберге тұрғызып, өлең жолдарын айтқызады: Ашық менің жүрегім, Ылғи күліп жүремін. Бірге ойнап, бір жүрер, Достарым көп, білемін! «Құстарды құтқарамыз» дидактикалық ойын | Қол ұстасып, шеңберге тұрып,өлең жолдарын тәрбиешімен бірге айтады. | ||
| Ұйымдастыру-іздестіру | -Балалар, сендер білесіңдер, жер бетінде адамдар, аңдар, құстар, балықтар өмір сүреді. Сол сияқты үйлер, машиналар бар.Кім үй салуды, машина жасауды ойлап тапты? Неге? Сонымен бірге адамдар сөзді ойлап шығарған, себебі олар бір-бірімен сөз арқылы қатынас жасайды, жер бетіндегі заттардың бәрін өз атымен атап сөйлеседі. -Қазір сендермен бір ойын ойнап көрейік. Сендер үндемей отырып қалыңдар(ситуациялық ойын ойналады). - Міне, балалар, көрдіңдер ме сөзсіз өмір сүру қандай қиын, ал біз бәріміз өз ойымызды сөз арқылы айта аламыз. Ал сендер қандай сөз білесіңдер? -Мына бір ойыншыққа қараңдар, ең әуелі оның атын атаймын: доп бір сөз. Енді сөздерді есептегенде жаңылып кетпеу үшін, әр сөзді мынадай жолақшамен белгілеп отырайық. Мен «доп» сөзін айттым, бір жолақша қоямын. Кім тағы да доп туралы айтады?(домалақ, көк, домалайды) -Қане, санайық, біз қанша сөз айттық? -Мына қорапшаға өзіміз білетін сөздерді айта отырып, жолақша арқылы жинап салайық. -Міне, біз қандай көп сөз білеміз, айта берсек әлі де көп. -Қане, «Кім көп сөз ойлайды?» ойынын ойнайық. Әр бір айтылған сөзге бір-бір жолақща қойып отырыңдар. Соңында кімде көп жолақша болса, сол жеңімпаз болады. -Сендер байқадыңдар ма, кейбір сөз ұзақ дыбысталса, енді бір сөз қысқа дыбысталады. Сол себепті сөздер ұзын және қысқа болады деп айта аламыз. -Мына екі сөзді тыңдандар: доп,ғарышкерлер. Осы сөздердің қайсысы ұзақ, қысқа айтылады? -Біз ол сөзді өлшеп көрейік: екі қолдың алақандарын біріктіріңдер. Сөзді дыбыстай бастаған кезде алақандарыңды аша бастаңдар. Ал, дыбыстап болысымен, сол сәтте тоқтай қалыңдар. | Тәрбиешінің түсіндіргенін тыңдайды. Балалар әр сөзді қайталай отырып, қойған жолақшаларын санайды. Дәл осы сияқты ойыншықтармен жұмыс жүргізіледі. Балалардың жауптары. | ||
| Рефлексивті-түзетушілік | Қорыту Сұрақтар қойып,тақырыпты қорытады. -Бұл сабақта не туралы білдіңдер? -Сөзді немен белгіледік? -Сөз туралы не білгілерін келеді? | Тақырып бойынша сұрақтарға жауап береді. |
Күтілетін нәтиже:
| Нені білу керек: | Сөздің дыбыстардан құралатынын. |
| Нені игереді: | Дыбыс санына байланысты сөздердің ұзын, қысқа болатынын. |
| Нені біледі: | Жолақшалармен жұмыс жасауын. |
