Пән: Мүсіндеу Тақырыбы: «Балақшадағы өнімді жинау» (сәбіз)

Ортаңғы «Ертегі» тобындағы ұйымдастырылған оқу қызметінің конспектісі

Өткізу күні: 13.09.18ж

 Тәрбиеші:  Садакасова Ш Р

Білім беру саласы: «Шығармшылық»

Пән: Мүсіндеу.

Өтпелі тақырып: «Менің отбасым»      

Тақырыбы: «Балақшадағы  өнімді  жинау»  (сәбіз)

Мақсаттары:

          1.Тәрбиелік: ұқыпты жұмыс жасауға, үлкендер еңбегін құрметтеуге  тәрбиелеу

2.Дамытушылық: ермексазды  қолдарымен  уқалау, илеу, домалақтауды дамыту.

3.Оқыту: домалақтау, сопақшалау, шымшу тәсілдері арқылы сәбіз мүсінін жасауды үйрету.

Педагогикалық технологиялар:ойын технологиясы, ТРИЗ.

Ресурстармен қамтамасыз ету:ермексаз, шынайы  сәбіз, қоян (ойыншық).

Билингвалдық компонент: сәбіз-морковь, қоян-заяц, көжек-зайчик  .

Ұйымдастырылған оқу қызметінің барысы

1.Ұйымдастырушылық  кезеңі   Ғажайып сәт.

Балалар бүгін бізге Қоян қонаққа келіпті.

Қоянымыз жылап кіреді, балалар қоянымыздың көңіл күйі шамалы сияқты.

Қоян сәлеметсіңдер ме балалар! Балалар амандасады.

2. Негізі бөлімі

Қоянжан көңіл-күйің неге шамалы, не болды?

Қоян: балалар мен орманда серуендеп жүр едім, менің себетімдегі сүйікті асым сәбіздерім түсіп қалған. Енді менің көжектерім аш  қалды. Маған сүйікті асымыз сәбіз керек.

Балалар қоянның сүйікті асы не? -Сәбіз.

-Балалар қоянға көмектесеміз  бе?

Қане орнымыздан тұрайық,сергіп, сергіп алайық.

Ұзын құлақ, сұр қоян

Естіп қалып сыбдырды

Ойлы, қырлы жерлермен

Ытқып, ытқып жүгірді.

Қарап еді артына,

Қиығын салып көзінің.

Келе жатқан томпаңдап,

Көжегі екен өзінің.

Ендеше қалай көмектесеміз? Бақшадағы  сәбізді  жинап  береміз. Бақшада сәбіз жоқ екен, біз жасап береміз.

Оларға сәбіз жасап беру үшін, алдымен мына менің қолымдағы сәбізге қарайық. Сәбіздің түсі қызғылт сары болады. Сәбіздің бас жағы үшкір, сопақша келеді. Және ұзынша келген жапырақтары бар екен.

Енді балалар жұмыстарымызды бастайық.

Жұмыс барысы:

Ендеше алдымен сарғыш түсті ермексазымызды жұмсартып,екі алақан ортасына салып илеп, домалақтап сопақша пішінге келтіріп, бас жағын созу арқылы ұштаймыз, дайын болған сәбізге алдарыңдағы жасыл ермексаздан жапырақтарымызды істеп  жапсырамыз.

Тәрбиешінің көмегімен жасайды.

Орыс тілінде сәбіз- морковь, қоян-заяц, көжек-зайчик  деді. Кәнекей бәрімізде қайталайық.

-Кәне бәріміз болсақ, жасаған сәбіздерімізді ыдысқа салып қоянымызға берейік.

Қоянмен бірге бір ойын ойнап жіберейік.

«Сәбізді себеттерге тездетіп сал» ойын.

Қоян: балалар көп-көп рахмет сіздердің арқаларында көжектерім тоқ болады.

Сау болыңыздар.Қоян шығып кетеді.

3. Қорытынды Балалар бүгінгі оқу іс-әрекетімізде қоянымызға ермексаздан не жасап үйрендік?

Сәбіздің түсі қандай?

Қоянымыздың көңіл-күйі жақсарды ма? Мадақтау.