| Мотивациялық- қозғаушылық | Сәлеметсіңдер ме, балалар! Здравствуйте дети! Hello children! Біз балдырған тең басқан, Дос құшағын кеңге ашқан. Тілегіміз әділдік, Ашық болсын кең аспан. Достық-өмір тірегі, Әр адамның тілегі. Тәрбиеші: Балалар орнымызға жәйлап жайғасайық.
| Балалар тәрбиешімен үш тілде амандасып, шаттық шеңберін жасайды. |
| Ұйымдастырушы- ізденуші | Балалар қазір біздерде тыныштық сәті. Балалар денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңізді түгел жұмыңыздар. Ауаны терең жұтып, еркін тыныстаңдар, денелеріңді бос ұстап, айналадағы барлық достарың сіздерді жақсы көреді, аялап, қамқор болады. Достарыңызды естеріңізге түсіріңіздер. Ал енді тұла бойларың жақсылыққа, махаббатқа толы болды деп есептейміз. Көзімізді ашамыз. Тәрбиеші: Балалар бүгінгі ұйымдастырылған оқу қызметінде «Достық көмек» тақырыбында әңгімелейміз. «Досыңа көмектесу» деген сөзді қалай түсіндіресіңдер. Достарыңды ренжітіп алсаңдар, қалай татуласар едіңдер, көмек керек болса не істейсіңдер? Суреттен кімге қандай көмек қажет екендігін тауып достарыңа өзара көмегі туралы әңгімелеп беріңдер.
Тәрбиеші: Балалар достықтың өз ережесі болады. Қане, сиқырлы доппен достық ережесін атап шығайық. Тәрбиеші: Балалар «Дос бәрінен қымбат» деген нақыл сөзді дәйек сөзі ретінде қолданамыз. Қыздар: «Дос бәріне қымбат» 2 рет айтамыз Ұлдар: «Дос бәріне қымбат» 2 рет айтамыз Барлығымыз «Дос бәрінен қымбат» 1 рет айтамыз.
Сергіту сәті
Тәрбиеші: Балалар сіздермен «Жалғасын тап» ойынын ойнайық. ӘН: «Дос болайық бәріміз»
|
Ерсултан: Асан мен Үсен футбол ойнап жүрді. Асан жерге құлап қалды. Оны көрген Үсен досына көмекке жүгіріп келді. Асанның жарақаттанған аяғын дәкімен орап берді.
Абибулла: Қанат машинамен ойнап жүрді. Кенеттен маштнаның доңғалағы сынып қалды. Ол өзінің досы Қайсарды көмекке шақырды. Екеуі бірігіп машинаны жөндеді. Айдана: Маржан далаға шықты, кенеттен жаңбыр құйып кетті. Маржан ағаштың астына тығылды. Оны көрген Азамат қолшатырын алып көмекке келді.
Жамбыл: Айгүл көкөніспен жемістерді теріп себетке салды. Себет ауырлап кетті. Оны көрген Айдос көмекке келді. Екеуі бірігіп себетті көтеріп Айгүлдің үйіне алып келді.
Айтұмар: Мағжан мен Айжан үйдің қасына ағаш отырғызуға далаға шықты. Мағжан күрекпен жерді қазып дайындады. Айжан ағашты ұстап тұрды, Мағжан оны топырақпен көмді. Екі дос бірге ағаштың өсуін қадағалайды. -Досыңа орын беру керек -Егер ренжетсең кешірім сұрауға ұялма -Досыңа дөрекі сөйлеме -Ашуланба -Сараң болмау -Достар бірі-біріне көмектесу -Адал болу -Қамқор болу -Досқа көмек беруге әрқашан дайын болу.
|
| Рефлексивті- түзетушілік | Тәрбиеші: Балалар шеңбер құрайық, бір-бірімізге жүректен-жүрекке тілегімізді айтайық. Жүректен жүрекке
Жарайсыңдар балалар, осымен біздің ұйымдастырылған оқу қызметіміз аяқталды.
| -Біз доспыз, себебі бірі-бірімізге көмектесеміз. -Біз доспыз, себебі бір топқа келеміз. -Біз доспыз, себебі ойыншықтармен бөлісеміз. -Біз доспыз, себебі бір балабақшаға келеміз. -Біз доспыз, себебі далада бірге ойнаймыз. -Біз доспыз, себебі киінуге көмектесеміз. -Біз доспыз, себебі бірге ән, би билейміз. -Біз доспыз, себебі мектепке бірге барамыз.
|
