Ма?та ?ыз бен мысы??

Тақырыбы: Мақта қыз бен мысық.
Сабақтың мақсаты:
Білімділігі: оқушыларға мақта қыз бен мысық туралы түсінік бере отырып, ертегіні рольге келтіріп, әңгімелеп түсіндіру.
Дамытушылығы: балалардың ойлау, есте сақтау қабілеттерін арттырып, тіл байлығын дамыту, байланыстырып сөйлеуге үйрету.
Тәрбиелігі: ұқыптылыққа, сауаттылыққа, шапшаңдыққа тәрбиелеу.
Түрі: ойын сабақ.
Әдіс тәсілдері: түсіндіру, әңгімелеу, сұрақ - жауап,


Сабақтың барысы:
I. Ұйымдастыру кезеңі.

II. Психологиялық дайындық.
Балалар шеңберге тұрып бір - біріне жылы лебіздерін білдіреді.
- Балалар жылдың қай мезгілі?
- Күз.
- Күз мезгілінің нешінші айы?
- Екінші айы.
- Қалай аталады?
- Қазан..
- Жақсы балалар, біз мына ағаштағы алмаларды тере отырып, ондағы жасырынған жұмбақтардың шешуін табу арқылы бүгінгі сабағымызды бастайық.
1. Сырт - сырт соғады, уақыт озады.
2. Күнде оған қараймын, шашымды тараймын.
3. Қыста жер бетін басады, жазда сайға көшеді.
- Балалар жарайсыңдар барлық алмалардың тапсырмаларын орындадық. Қарағай ағашының басына жетті, бүгінгі сабағымыздың тақырыбы не екен?
- «Мақта қыз бен мысық.»

III. Жаңа сабақ. «Мақта қыз бен мысық» ертегісін мәнерлеп балаларға айту.
Мазмұнын түсіндіру.
Оқушылардан түсінгендерін сұрау.
Сергіту сәті: Қарлығаш боп ұшайық,
Қане қанат жазайық,
Ұшып - ұшып алайық
Орнымызға қонайық
Балаларды рольге бөліп ойнату.
Ойын: «Жаңа сөзді тап».
Мақсаты: қатық сөзін түсіндіру.
Қатық - сиырдың сүтін айран ғып ұйытып оны сүзу арқылы жасалады.

IV. Қорытынды.
- Біз мысыққа көмектесіп оған құйрығын алып бердік. Мақта қызға қатығын қайтарып бердік. Сендер көмек беру үшін көп еңбектендіңдер.
Сондықтан, балалар айтқан тілді алып қырсық мінезімізді көрсетпейік, тәртіпті болып дос болайық бәріміз.
Бағалау.
Үйге тапсырма. Ертегіні мазмұндап келу. (Ата-аналар көмегімен)

Бір уыс мақта

Мақсаты:. Әңгіме мазмұнымен таныстыру, түсінгенін айта білуге үйрету. Есте сақтау қабілеттерін дамыту. Сөздік қорларын молайтып, байланыстыра сөйлеуге дағдыландыру. Еңбекқорлыққа, имандылыққа тәрбиелеу.
Көрнекіліктер: Ыбырай Алтынсариннің портреті, мақта және әңгімеге байланысты суреттер.
Сөздік жұмыс: шапан, мамық, қиқым,
Әдіс - тәсілдер: әңгімелесу, сұрақ - жауап, көрсету

Ұйымдастыру кезеңі:
Шаттық шеңбер
- Ал балалар, шеңберге тұрамыз. Алдымен келген қонақтармен амандасып алайық.
Күннің көзі ашылсын
Көкке шуақ шашылсын
Құтты қонақ келіпті
Төрімізге еніпті
Амандасу үлкенге
Тәрбиенің басы ғой
Ал, қанекей бәріміз
Сәлемдесейік үлкенге
Сәлеметсіздер ме қонақтар.
Дидактикалық ойын: «Тауып көр»
Ал балалар мен сендерге бірнеше ертегілер бейнеленген суреттер көрсетемін, ал сендер қандай ертегіден екенін тауып көріңдер.
Қыз бен мысықтың бейнеленген суреті, бұл«Мақта қыз бен мысық» ертегісі
Тышқан мен нанның бейнеленген суреті, бұл «Нан қайдан шығады?» әңгімесі
Ана мен бала тұрған сурет, бұл «Не сыйлау керек?» әңгімесі
Ал енді біз бүгін Ы. Алтынсариннің жаңа әңгімесімен танысамыз, алдымен Ы. Алтынсариннің кім екенін білейік.
Бұл суреттегі Ы. Алтынсарин қазақтың аса көрнекті ағартушы - педагогы, тұңғыш рет қазақ даласында мектеп ашып балаларға сабақ берген және балаларға арнап көптеген өлеңдер, ертегілер, әңгімелер жазды. Бүгін мен сендерге автордың «Бір уыс мақта» атты әңгімесін оқып беремін.
Әңгімені мәнерлеп оқып беру.
Шапан, мамық, мақтаның қиқымы суреттерін көрсете отырып, сөздік жұмыс жүргізу.
Шапан - астарына жүн не мақта салып тігілген сырт киім.
Мамық - құстың үлпілдеген мамық жүні
Қиқым - бір нәрсенің майда, ұсақ қалдығы, мақтаның қиқымы.
Әңгіме мазмұнына байланысты сұрақтар қою.
- Үйдегі анасы мен қызы не істеп отыр еді?
- Қыз артылып қалған бір уыс мақтаны не істеді?
- Мақтаны не іліп алып кетті?
- Торғайға мақта не үшін қажет болды?

Сергіту сәті:
Орнымыздан тұрайық,
Құстай қанат қағайық.
Бір отырып, бір тұрып,
Біз тынығып алайық.
Әңгіме мазмұнын айтқызу.
Өлең жаттау:
Балалар «торғай» туралы өлеңді жаттап алайық.
Торғай, торғай, торғайсың,
Жақын келіп қонғайсың.
Жем шашайын тойып ал,
Сонда аязға тоңбайсың.
Кубизм стратегиясы:
Балалар менің қолымда мақта, осы мақтаны бәріміз зерттеп, суреттеп, қолдануы жөнінде анықтап көрейік.
Мақта неден жасалады?
Ол қандай?
Оны қайда қолданамыз?
Балалар мына әңгімеге байланысты сурет бойынша кім әңгіме мазмұнын айтады?
Қорытынды:
Бұл әңгіменің авторы кім?
Бұл әңгімеден нені ұқтыңдар? Яғни кезкелген нәрсенің өзі пайдаға асатынын білдік. Сабаққа жақсы қатысқан балаларды мадақтау.

Үй құстары

Тіл дамыту
Мектеп алды дайындық
Сабақтың тақырыбы: Үй құстары (слайд)
Сабақтың мақсаты: 1. Білімділік: оқушылардың үй құстары туралы білімдерін тиянақтау. Оларды құстардың түрлерімен таныстыру.
2. Дамытушылық: үй құстарының өзіне тән қасиеттері туралы әңгімелеу және ойлау сөйлеу қабілеттерін дамыту. Әдемі, таза жазуға баулу.
3. Тәрбиелік: Отанын сүюге, аң құстарды қорғауға, қамқор болуға тәрбиелеу.
Әдіс - тәсілдері: саяхат сабақ, түсіндіру әңгімелеу.
Сабақтың түрі: “Мақта қыз бен мысық” еретігісі желісіндегі саяхат сабақ.
Пән аралық байланыс: сауат ашу, математика
Көрнекілігі: Суреттері, “Мақта қыз бен мысық” еретегісіндегі кейіпкерлер

Сабақтың барысы: Ұйымдастыру кезеңі
Ғажайып сәлемдесу:
Мұғалім: Оқушылар:
Мейірімді жүрекпен, Үлкенге де сіз,
Ақпейілді тілікпен, Кішіге де сіз.
Амандасып алайық Сәлем бердік сіздерге
Бір жадырап қалайық Құрметпенен біз

Мақта қыз бен мысық

1 - тапсырма
Үй құстарын ата. Неше буыннан тұрады?
Жұмбақ:
Көлден ұшты 20 қаз
Қайтып қонды 10 қаз
Қонбады оның нешеуі
Қане кім тез шешеді? (10)
Саятта 10 кітап
Жанатта 5 кітап
Қоссақ 10 мен 5 - ті
Неше болды шешуі (15)
Аулада 5 үйрек
Қорада 3 үйрек
1 үйрек тығылды
Қалғаны неше үйрек (7)
Кеудесі қайқаңдап
Жүреді байпаңдап (Қаз)

Сергіту сәті
Құстарға біз ұқсайық
Қане қанат жазайық
Ұшып - ұшып алайық
Орнымызға қонайық