"Көше қозғалысының ережесін біл және орында"

Мектепалды даярлық тобындағы ұйымдастырылған оқу қызметінің конспектісі

Конспект организованной учебной деятельности в подготовительной группе

Өткізу күні/Дата проведения:

Тәрбиеші/Воспитатель:

Білім беру саласы/Образовательная область: Денсаулық. Здоровье

Пән/Предмет: Қауіпсіз мінез-құлық негіздері

Өтпелі тақырып/Сквозная тема: «Балабақша»

Тақырыбы/Тема: «Көше қозғалысының ережесін біл және орында»

Мақсаттары/Цели:

1.Тәрбиелік – воспитательная: жолдың оң жағында көлік жүретін жолдың жанында ойнауға болмайтыны және т. б. туралы білімді бекіту.

2.Дамытушылық – развивающая: «Кішкентай жаяу жүргіншінің ережелері» атты иллюстрацияларды қарастыру. Жаяу жүргіншінің ережелері туралы білімдерін бекіту, жаңа ережелермен таныстыру.

3.Оқыту – обучающая: Жол элементтері – зебра, жол белгілері және т.б. проблемалық жағдай. Өз қауіпсіздігіне қамқорлық жасау қажеттілігін қалыптастыру.

Педагогикалық технологиялар/пед.технологии: ақпараттық-коммуникативтік технология, денсаулық сақтау технологиясы, ойын технологиясы.

Ресурстармен қамтамасыз ету/Ресурсное обеспечение: жол белгілері, үщ түсті дөңгелек

Көптілділік/Полиязичие: бағдаршам – светофор - traffic lights, қызыл – красный - red, сары – желтый - yellow, жасыл – зеленый - green

Ұйымдастырылған оқу қызметінің барысы

1.Ұйымдастырушылық кезеңі/организационный момент:

Ғажайып сәт:

Арман: -Көмектесіңдерші, Көмектесіңдерші...

Жасырмай айтсам сырымды

Жол апатына тап болдым.

Бағдаршамға қарамай

Жолда ойнап тап болдым.

Балалар біз жол ережесін білеміз бе?

-Біз Арманға көмектесеміз бе?

Арман көрдің бе сен жол ережесін білмегендіктен жол апатына ұшырадың. Жол ережесі дұрыс өмір сүріп, абай болуды талап етеді. Кел, отыр. Біз сені жолда жүру ережелерімен таныстырайық.

2.Негізгі бөлім/оснавная часть:

Тыңда....( жол белгілерімен таныстырады )

Жол белгілері бірнеше топқа бөлінеді:

— Ескерту белгілері, ұшбұрышты қызыл болумен көмкерілген бұл белгілер жол бойындажайсыз, қауіпті жерлер бар дегенді білдіреді.

— Тыйым салу белгілері дөңгелек шеңбер түрінде қызыл бояумен беріледі. Ол қозғалыс атаулының бәріне тыйым салады.

— Көрсеткіш белгілер, дөңгелек шеңбермен беріліп, көк бояумен көмкерілген. Бұл белгілер көліктің жүретін бағытын, жаяу адамдардың жүруіне болады дегенді білдіреді.

Жеке жұмыс: Айлин сен қандай жол ережелерін білесің?

Мансур ескерту белгісін сипаттап берші.

«Көше ережелерін білейік» кезеңіне тоқталайық.

1.Жүріп келе жатқан машинаның алдынан өтіп кетемін деуші болма,ол тоқтағанша,не өтіп кеткенше күте тұр.

2.Мектепке келе жатып үлкен жолдың шетімен жүр.Алдыңнан машина шықса, жол бер. Тоқтап тұрған машинаның қасынан абайлап өт.

3.Көше тәртібін орындамау көліктің жүріп тұруына кедергі келтіреді.

4.Көшеден өтерде әуелі сол жағыңа,көшенің орта тұсына жеткенде оң жағыңа қара. Егер машина келе жатса, өтіп кеткенше сол орныңда ақ жолақ сызылған тұста күте тұр.

5.Аялдамада тұрған автобустың артқы жағынан айналып өт. Сонда сен келе жатқан машинаны дер кезінде көресің.

6.Бағдаршам-өмірімізді жазымнан сақтандыратын көмекшіміз. Оның сырын біліп, тілін алу баршамызға керек. Оның беретін сиқырлы әмір сөздері бар.

Сергіту сәті:

Менің үш көзім бар,

Бір көзім «кідір» дейді

Бір көзім «жүгір» дейді.

Бір көзім «абайла» дейді

Қарап қалма маңайға дейді.

Көреген дәу қырағы,

Көшемізде тұрады.

Ол бергенде команда,

Бағынамыз әманда!

Ашса кезек үш көзін,

Айтты деп ұқ үш сөзін.

Тоқта!Сақтан!Жол ашық!

Жүрме жолға таласып.

Көптілділік/Полиязичие: бағдаршам – светофор - traffic lights, қызыл – красный - red, сары – желтый - yellow, жасыл – зеленый - green

Жағдаяттар.

1. Сен жолдан өтіп бара жатқанда саған біреу айқайласа, не істеу керек?

2. Сен жолдан өтіп келе жатырсың. Кенет аялдамада тұрған өзіңе керекті автобусты көрдің.Сен не істейсің?

3. Сен автобустан түстің. Сен көшенің қарсы бетіне өтуің керек. Сен қалай өтесің?

4. Егер ұзақ уақыт көлік болмаса, не істейсің?

Қимылды ойын: «Бағдаршам»

3.Қорытынды/итоговая часть:

Арман:-Енді мен бәрін білдім,жол ережесін бұзбаймын.

Дидактикалық ойын «Дұрыс, дұрыс емес»

Балаларға шындыққа сай келмейтін және келетін сөйлемдерді айту. Балалар оның дұрыс, дұрыс еместігін айтады.

Бағдаршамның қызыл көзі жанғанда жүремін

Көшеде арнайы ақ жолақтан өтемін

Жолдан жүгіріп өтемін

Көшеден өткенде солға оңға қараймын.

Көшенің ортасында доп ойнаймын.

Жол ережесін сақтаймын.

Бағдаршамның сары көзі жанғанда дайындаламын.

Жасыл көзі жанғанда жүремін.

Өмірде күтпеген оқиғалардан сақтану үшін жол ережелеріне бағыну керек. «Сақтансаң сақтармын» дегендей ережелерді тек білу ғана шарт емес, оны бұлжытпай орындаса ғана аман - есен жүруге болады. Көше тәртібін сақтау- сенің міндетің! Егер жол ережесін бұзсаң, тек өзіңе қауіп төндіріп қоймай, басқа адамдарға да зияныңды тигізесің. Сондықтан, жолда сақ бол! Көше тәртібін есіңнен шығарма! Балаларды мадақтау. Балаларды бағдаршамның көздері бойынша бағалаймын (қызыл – төмен, сары – жақсы, жасыл – өте жақсы).