"Көңілді аққала" (ашық оқу қызметі)

Күні: 19.01. 2018

Білім беру саласы: «Таным », «Шығармашылық»

Ұйымдастырылған оқу қызметі: «Жаратылыстану» ,«Аппликация»

Тақырыбы: «Жылдың басқа мезгілінде аққала соғуға бола ма? »,

«Қөңілді аққала » (мазмұнды жапсыру)

Мақсаты: Қыс мезгіліңің ерекшелігін, табиғаттағы маусымдың өзгерістер туралы білім беру.

Балалардың таным қабілетің дамыту.

Дайын пішіндерден қарапайым композиция құрастыру.

Саусақтын ұсақ бұлшық еттерінің қозғалысын жетілдіру.

Ұқыпты жұмыс жасауға тәрбиелеу.

Билингвалды компонент: аққала-снеговик, қар-снег

Сөздік жұмыс: дөңгелек.

Технологиялық қамтамасыз ету: қар, мұз, үлгі, геометриялық дөңгелек пішіндер, қара, сары қарандаш, желім, майлық.

Шаттық шеңбері:.

Арайлы тан атты.

Алтын сәуле таратты.

Қайырлы таң достарым!

Қайырлы таң апайым!

• Балалар қазір жылдың қай мезгілі?

• Сендер орманға саяхатқа барғыларың келе ме?

Балалар, олай болса жылы киініп, аяғымызға шаңғы киіп, теуіп барамыз.

Ал, балалар орманға келдік.

• Балалар ,айналада не көріп тұрсыңдар?

• Қыста ауа райы қандай екен?

• Балалар, ағаштарда не көріп тұрсыңдар?

• Құстарға біз қалай қамқорлық жасаймыз?

Ал, балалар енді аяғымызға шаңғы киіп, тобымызға қайтайық.

• Балалар, орманда не көрдік?

Балалар, енді қармен тәжірибе жасап көрейікші!

• Балалар, қарды алақаңымызға қояйықшы.

• Қар неге айналып кетті?

• Су суықта неге айналып кетеді?

• Қардың түсі қандай?

• Балалар, қыста қандай ойындар ойнайды?

• Жылдың басқа мезгілінде аққала соғуға бола ма?

Балалар қардан аққала жасап көрейікші.

Дидактикалық ойын: «Не жоқ»

Ғажайып сәт:

Топқа Аққала кіреді.

Мен, Аққала, ақ бала

Келіп қалдым бақшаға

Екі көзім қап - қара

Көргің келсе сен қара.

Аққала: - Сәлематсыңдар ма, балалар!

Тәрбиеші: - Саламатсыз ба Аққала!

Аққала: - Бәрін тамаша болып өсіпсіңдер.Аққала сәл мұңайып. -Сендерге жақсы, көнілді, бәрің бірге жүресіңдер.

Мені балалар жалғыз қалдырып, үйлеріне кетіп қалады.

Тәрбиеші: - Аққала, сен ренжіме біз саған балалармен бірге көп дос аққала жасап береміз, солай емес пе балалар?

Балалар: - Иә.

Аққала: - Мен қуаныштымын, балалар маған аққала жасап беретін болды.

Билингвальды компонент:

аққала-снеговик,қар-снег

Сөздік жұмыс: дөңгелек.

- Балалар, біз аққала жасау үшін алдымен мына үлгіге қараймыз.

- Аққаланың денесі қандай геометриялық пішінге ұқсас?

- Балалар, аққала неше дөңгелектен тұрады, қане санайықшы.

- Дұрыс айтасыңдар, ең үлкен дөңгелек – төменгі жағы, орташасы – кеудесі, кішкентайы – басы және 2 қолы, 2көзі, сәбізден – мұрны бар.

Үлгі бойынша жұмыс жасау.

Қайшыны, желімді абайлап, ұқыпты пайдаланамыз. Қию кезімде қағаздың бір бұрышынан бастап келесі бұрышына дейін қайшыны еркін қозғалыспен қозғалта отырып қиямыз.

Жұмыс жасау барысында көмек қажет болған балаларға көмектесемін.

Корытындылау.

Аққала: - Ой, алақай, балалар рахмет сендерге мен енді жалғыз емеспін, достарым көбейді.

Мен енді қайтайын, сау болыңдар.

Балалардың жұмыстарынан көрме ұйымдастыру, жақсы жұмыс жасаған балаларды мақтау.

Күні: 3.04. 2018

Білім беру саласы: «Таным »

Ұйымдастырылған оқу қызметі: «Құрастыру»

Тақырыбы: «Құстың ұясы»

Мақсаты: Балалардың жыл құстары туралы білімдерін кеңейту.

Дайын қағаздан геометриялық пішіндерден құстың ұйясын құрастыруды жетілдіру.

Құстарға қамқорлық көрсетуге тәрбиелеу. 

Билингвалды компонент: құстың ұясы-скворечник

Сөздік жұмыс: жыл құстары.

Қолданылған материалдар:

Көрнекілік суреттер құстың ұясының макеті.

Дидактикалық ойындар үшін құстың бейнесі салынған сурет қиындылары, құстың ұясын құрастыруға арналған геометриялық пішіндер.

Шаттық шеңбері: «Сәлем» деймін күнге мен,

«Сәлем» деймін мен саған.

«Сәлем» деймін апайға,

Қонақтарға, құстарға!

Балалар, қазір қай мезгіл?.

Дұрыс айтасыңдар. Ал, көктемде айналамызда, табиғатта қандай өзгерістер болады?

Күн жылынады, қар еріп кетеді. Шөптер, гүлдер шығады. Ағаштар бүршік жарады. Құстар жылы жақтан ұшып келеді

Жарайсыңдар балалар, дұрыс айтасыңдар. Жылы жақтан ұшып келген құстардың бірі былтырдан қалған ұясын дұрыстаса, ал енді бірі жаңадан ұя жасайды.

Балалар, естеріңде болса біз қыста жердің бетін қар жауып тастаған кезде,

құстарға қамқорлық жасау керек екендігі туралы айтқан болатынбыз. Яғни,

оларға ұя жасап, жем шашу керек екендігін . Сол кезде біз қандай тақпақ

жаттап едік? Есімізге түсірейікші.

Торғай, торғай, торғайсың,

Жақын келіп қонғайсың.

Жем шашайын теріп ал,

Сонда аязға тоңбайсың.

Дайын құстың ұясын көрсетіп құстың ұясын жасау керектігін айтқанбыз, солай ма?

Міне құстардың бірі осындай дайын ұяларға қоныстанады. Ал,

енді бірі ағаш бұталарының арасына ұсақ ағаштардан өріп өздері ұя жасай-

ды . Олар осы ұяларына жұмыртқаларын салып басады. Кейін балапандары шыққан соң, осы ұяда өскенше тұрады. Балапандары өсіп, қанаттары қатайғаннан кейін олар ұшып кетеді.

Міне осылай жылда қайталанып отырады. Енді біз сабағымызға байланысты

осы құстардың ұясын жасайық

Билингвалды компонент: құстың ұясы-скворечник

Сөздік жұмыс: жыл құстары.

Сергіту сәті:

Қарлығашқа ұқсайық,

Қане, қанат жазайық.

Қарлығаш боп ұшайық,

Ұшып-ұшып қонайық

Геометриялық пішіндерден ұя құрастыру

Балалар, енді ұяны геометриялық пішіндерді пайдалана оты-

рып құрастырып көрейікші. Балалар сопақша тік төртбұрыштың үстіңгі жағына үшбұрышты орналас-ырады да, тіктөртбұрыштың ортасына дөңгелекті қояды.

Балалар, біз қолымызбен көп жұмыс жасадық. Қане орнымыз-дан тұрып, серігіту жаттығуларын жасап тынығып алайық.

Тәрбиешінің көмегімен балалар геометриялық пішіндерден құстың ұясын құрастырады.Тәрбиеші балалардың әрқайсысының өзінше үлес қосуын қадағалайды. Ұяны бірігіп жасағандықтан тез жасалғандығын ескертеді. Дайын болған ұяны балалармен бірге қорытындылап,

Мақтау