| Білім беру саласы: | Қатынас |
| Бөлімі: | Тіл дамыту |
| Тақырыбы: | Қонақтарға шай берейік |
| Мақсаты: | Ұлттық салт-дәстүрмен таныстыра отырып, балалардың сөздік қорын молайту. |
| Міндеті: | Наурыз мейрамында болатын әрекеттерді атай білуге үйрету.Тағамға қатысты антоним сөздерді дұрыс атап беруге үйрету. «З» және «Ж» дыбыстарын сөз ішінде анық айтуға дағдыландыру. |
| Қажетті құрал-жабдықтар, көрнекіліктер: | Жыл басы, Ұлыстын ұлы күні суреттері. |
| Кезеңі | Тәрбиешінің іс –әрекеті | Баланың іс-әрекеті |
| Мотивациялық кезең Ұйымдастыру кезеңі
Сергіту сәті Рефлексивтік түзетушілік | Ойын бөлмесінде(мазмұнды ойын орталығында) ата-және әже қонаққа келеді. -Балалар, біздің топқа бүгін ауылдан ата мен әже келді.Сендерді наурыз мерекесімен құттықтауға келіпті. Қане, барлығымыз амандасайық. Сәлеметсіздер ме! -Ол кісілер шаршап, шөлдеп келген болар. Дастархан жасап, шай берейік. Тек, дастарханға салатын тәтті тоқаштар алуды ұмытып кетіппін. Біз қазір тоқаштар әзірлеп жіберейік.(Балалардың жартысын өнер орталығына отырғызады, үлгімен таныстырады, түсіндіреді) -Ата мен әженің де аулында барлық адамдар мейрамға дайындалып жатыр. Кішкентай балалар қызықты жаңылтпаштар, сөз жарыстырып ойнайды екен. Біз де айтып көрейікші: Толтырып көзені Құйыпты көжені Көрем деп көзені Төгіпті көжені. Балалар, наурызда барлық адамдар тату-тәтті болып жүреді. Ешкімді ренжітпейді. Қазір барлығымыз дос болып ойнайықшы. (балаларды шеңбер бойымен тұрғызады): Көше бойын бойлаймыз(айналып жүреді) Қол ұстасып ойнаймыз(бір-бірінің қолынан ұстайды) Жаңбыр жауса білеміз Үйге жылдам кіреміз(тәрбиешінің ұстап тұрған арнайы матасы н/е қолшатырының астына жиналады) Сурет бойынша әңгіме. -Балалар, ата-мен әже сендерге өздерінің ауылдарында наурызды қалай тойлайтындарын суретке салып алып келіпті. -Суретте кімдер бар? -Олар не істеп жатыр? -Атаның басында қандай киімі бар? -Қыздардар қандай киім киген? Дұрыс айтасыңдар, балалар. Олар әдемі,ұзын етекті көйлектер киген. Наурыз мейрамы күні барлық адамдар таза, әдемі және сәнді киімдерін киеді екен. «Не, қандай?» дидактикалық ойыны. -Ол қандай?(жетекші сұрақтар қойып отырады) -Балалар, сендер ата-мен әжеге не дайындадыңдар? Ендеше дастарханға қойыңдар. Ыстық бауырсақпен шай ішеміз. Олардың ауылында наурызда не істейді екен? Қыздар мен ұлдар үстеріне қандай киімдер киеді екен? | Балалар келген кейіпкерлермен амандасады. Тоқаштарды мүсіндейді. Жаңылтпашты қайталап айтады. Жүреді, жүгіреді. Тәрбиешінің сұрақтарына 2-3 сөзбен жауап береді(Қазанның жанында әже тұр, балалар асық ойнап жатыр) Тағамдардың атауын атайды, оның дәмінің, түсінің қандай екенін айтады. |
Күтілетін нәтиже
| Нені білу керек: | Наурыз мейрамында болатын әрекеттерді атай біледі. |
| Нені игереді: | Тағамға қатысты антоним сөздерді игереді. |
| Нені біледі: | «З» және «Ж» дыбыстарын сөз ішінде анық айтуға үйренеді. |
