Сабақтың тақырыбы:«Еңбексүйгіш пен Еріншектік»
Құндылық: Дұрыс іс – әрекет
Қасиеттер: Еңбекқорлық, тазалық, адалдық, қайырымдылық
Сабақтың мақсаты: Оқушылардың « еңбек» құндылықтары туралы түсініктерін кеңейту.
Міндеттері:
- Еңбектің адам өміріндегі маңыздылығын ұғындыру;
- Еңбектің шығармашылыққа ұласуы туралы жете меңгерту;
- Еңбекке қызығушылығын арттыру, еңбексүйгіштікке тәрбиелеу
Сабақтың барысы:
- Ұйымдастыру кезеңі. Тыныштық сәті
Ыңғайланып отырыңыздар, денелеріңізді түзу ұстаңыздар. Аяқ – қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз.Күн нұры сіздің төбеңізге өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңызбен тілек қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ойыңызбен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар Нұр мен Махаббат құралына айналды.
Одан әрі сіздің аузыңызға тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз. Құлақтарың тек жақсы сөз бен әсем әуенді ғана естиді. Нұр көздеріңізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі сәулелі ой келеді.
Нұр бірте бірте қарқын және шұғылана бастайды, сіздің денеңізден шығып, жан – жағыңызға сәуле шашады.
Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардыңда жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге барлық тірі жанға таралсын. Ғаламның барлық түкпір-түкпіріне бағыттаңыз. Ойша айтыңыз: «Мен Нұрлымын, Нұр менің ішімде, мен Нұрмын»
Осындай Нұр, Махаббат және тыныштық күйінде отыра тұрыңыз.
Енді осы нұрды жүрегіңізіге орналастырыңыз. Нұрға толы бүкіләлем сіздің жүрегіңізде. Оны осындай әсем қалыпта сақтаңыз.
Жәймен көзіңізді ашуға болыды.
2.Үй тапсырмасын тексеру.
Сабақтың тақырыбын таныстыра отырып,еріншек пен еріншек туралы балаларда түсінік қалыптастыру мақсатында әңгімелеу ұйымдастыру.
Алдымен оқушылар бір немесе екі рет іштей оқып алады.Сонан соң тізбектей оқытылады.Мәтінді әңгімелеп беру. «Еңбексүйгіш пен Еріншек» ертегісінен балалардың түсініктерін байқау мақсатында сұрақтар қою.
«Еңбекқорлықпен еріншектік» 101 бет. (В.А.Сухомлинский) мазмұндау.
- Еңбексүйгіштік пен еріншектің әрекеттерінде қандай айырмашылық бар?
- «Нағыз адамның өткен жылдары өшпейді» дегенді қалай түсінесіңдер?
- Еңбексүйгіштің бойында қандай жақсы қасиеттер бар?
- Еңбектену адамға не үшін қажет?
Балалардың жауаптарын мұғалім түйіндейді:
Адам ерінбей еңбек ету арқылы қуанышқа,шаттыққа бөленеді.
Еңбексүйгіштік,еңбекқорлық және еңбекті бағалай білген адам құрметке бөленеді.Еңбекті сүйетін адам көп еңбектенеді.Өз еңбегінің арқасында ұрпағына,халқына мұра қалдырады
.Ал еріншек жалқаулығының нәтижесінде өз күнін өзі әрең көреді.
Оқушылар сөзжұмбақ шешеді. Мақалды жалғастыр.
3 Дәйек сөз
«Үзілген моншақтарды» жіпке тіземіз.Ол үшін әр моншақтың ішіндегі буындарды қосып оқимыз.
«Еңбек – қуаныш, жалқаулық – айрылмас азап». (Абай)
Абай туралы мәлімет айтып жіберу.
4 Әңгімелеу (сұхбат)
«Маңдай тер».Қысқа метражды видео көрсетіледі.
Бүгінгі сабақта оқушылардың алған білім біліктерін іс-жүзінде көрсете алуларыңа жағдай туғызу үшін шығармашылық тапсырма ұсынамын.Шығармашылық жұмыс (Топтық жұмыс)
«Адам көркі - еңбек» тақырыбы бойынша
1 – топ. Ақындар – өлең шуамақтарын жазады
2 – топ. Білімділер – ребус шешеді
3 – топ. Суретшілер – сурет салады
Қосымша ақпарат
Шырынкүл Қазанбаева – күрішші, тракторшы
Ыбырай Жақаев –күрішші
Қырымбек Елеуұлы Көшербаев - облыс басшысы
Абзал Жұмашұлы Ералиев - инженер-құлылысшы
6 Топпен ән айту
«Болайықшы осындай»
Авторы: Өлеңімен әні.: А.Меңжанова
Жақсы бала еңбекшіл
Ер азамат болады
Қиындықты женіп кіл,
Құшағы гүл толады.
Қайырмасы:
Еңбекшіл осындай
Болайықшы досым-ай.
Таза бала мұнтаздай,
Сүйсінеді қараған.
Ұқыпты деп бұл қандай,
Жақсы көрер бар адам.
Қайырмасы:
Еңбекшіл осындай
Болайықшы досым-ай.
7 Үй тапсырмасы:
23-24Төзім мен табандылық
«Әдемі әже» 105-бет. Оқып мазмұндау
Дәптермен жұмыс 35-36 бетті орындау
8 Соңғы тыныштық сәті
Балалар барлығы хормен айтады.
Тілек
Шөліркемей гүл тұрсын,
Жерім жайнап құлпырсын.
Нұрын сыйлап біздерге,
Көкте мәңгі күн тұрсын.
Ортақ бізге туыстық,
Нұр сыйлаған күн ыстық,
Ыстық бізге кең өлке,
Ыстық бізге тыныштық.
Құрметті ұстаздар және оқушылар осымен бүгінгі сабағымыз өз мәресіне жетті.Зейін қойып тыңдағандарыңызға көп-көп рахмет.
