"Ә дыбысы және әрпі"

мектепалды даярлық тобына арналған ашық сабақ

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«"Ә дыбысы және әрпі"»

Ұйымдастырылған оқу іс-әрекетінің технологиялық картасы

Бөлім: «Сауат ашу және жазу негіздері»

Білім беру саласы: «Қатынас»

Тақырыбы: Ә дыбысы және әрпі.

Мақсаты:

Ә дыбысы және оның әріп таңбасымен таныстыра келіп, балаларды сөздің дыбыстық мәдениетін сақтап, анық, таза сөйлеуге үйрету.
Ә дыбысы бар сөз, сөйлем ойлап табуына назар аудару, олардың сөздік қорына мән беріп, байланыстырып сөйлеуге үйрету.
Ұғымталдыққа тәрбиелеу. Үлкендерге құрмет көрсетуге баулу.

Түрі: жаңа сабақ, ойын түрінде.

Әдіс-тәсілдер: ойын, түсіндірме, әңгімелеу, сұрақ-жауап, ән айту.

Көрнекіліктер: Әже (суреті), әтеш (суреті), әке (суреті), бесік, әлди (қуыршақ), әріптер (касса), Әліппе оқулығы.

Әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық қозғаушы	Шаттық шеңбері: Қайырымды жандар айнала, Шеңберге келсін жайлана. Жалықпастан қайта біз, Махаббат сөзін айтамыз. Сүйеміз барлық әлемді, Әлемдегі бар елді. Бақыттымыз осы біз.	Балалар шеңбер бойында тұрып өлеңді қайталайды.
Іздену ұйымдастырушы	Барысы: І. Ұйымдастыру кезеңі. ІІ. Өткен дыбыстарды қайталау. «Кім білгіш?» ойыны арқылы өткен дыбыстарды қайталау. Ойын шарты: Мен дауысты дыбысты айтсам, екі қолдарынды жоғары көтеріп, шапалақтайсыңдар, ал дауыссыз дыбысты айтсам, еңкейіп тізелерінді шапалақтайсындар. -Балалар, мен сендерге жұмбақ жасырамын жауабын табындар. Жалғыз таяқ болып тұр. Төбесінде доп тұр. Бұл не? - Жақсы балалар, ендеше экрандағы І әрпі бар сөздерді тауып көрейікші. - Жақсы балалар, енді келесі тапсырмаларды орындайық Тапсырма: «Ілгіш» сөзіне дыбыстық талдау жасау. І дыбысы қандай дыбыс? І дыбысы қандай текшемен белгіленеді? Ілгіш сөзін буынға бөл? - Жақсы балалар. ІІІ. Жаңа сабақ. Жұмбақ жасыру Әке, әпке, әженің, Басын бастап беремін. Дәрігер, сәбіз, кәмпиттің, Ортасында келемін. Есік қағылып сырттан әжей кіреді. Әже: - Сәлеметсіңдер ме, балалар? - Сәлеметсіз бе әже , төрлетіңіз, қош келдіңіз Әже жайғасып отырады. Әже ойын ойнатады. Сюжеттік ойын: Қатысушылар: Әсел, әже, әлди. Әсел: - Әже, әлди жылады. Әже: - Әлди-бөпем әжең келе жатыр. Әже «әлдиді» тербетеді... Әсел: - Әже, әлдиді бесіктен шешіп алайық. Әкеле ғой, көрпесі ме жастығын. Әжесі мен Әсел әлдиді бесіктен шешіп алады... Әже мен Әсел бесік жырын айтады. Тәрбиеші: -Ойынға кімдер қатысты? - Бұл сөздер қай дыбыстан басталады? Ә әрпін балаларға көрсетемін. - Балалар, Ә дыбысына қатысты тағы қандай сөздер айта аласындар? - Балалар, әтеш, әпке, сәбіз сөздерін буынға бөлейік. - Балалар, Ә әрпін айтып көрейікші. - Ә әрпін әндетіп, кедергісіз айтамыз, ендеше Ә әрпі дауысты дыбыс. - Ә дыбысы қызыл текшемен белгіленеді. Жақсы балалар, енді экрандағы тапсырмаға назар аударайық. Ә дыбысы дауысты ма, дауыссыз ба? Жуан ба , жіңішке ме? Ә дыбысын қандай текшемен белгілейміз? Сергіту сәті: Әлди-әлди бөпешім, Ұйықтай қойшы көкешім. Саусақтарын майысып Ұста болар ма екенсің? Күйші болар ма екенсің?... Тіл ұстарту жаттығуы Ән, ән, ән, Қамба толы дән Оқулықпен жұмыс: Ә әрпі бар сөздерді дауыстап хормен оқу Ә әрпін тақтаға жазып көрсетемін. Ә әрпін ауада жаздыртамын. Дәптермен жұмыс: Сергіту сәті: Бір, екі, үш Жинап алып күш Қолға қалам аламыз Ә әрпін жазамыз. Бір жолға әдемі, сауатты жазу.	Балалар оқу құралдарын алып, дайындалады. Балалар дауысты дыбыста екі қолдарын жоғары көтеріп, шапалақтайды, ал дауыссыз дыбыста еңкейіп тізелерін шапалақтайды. Балалар жауабын айтады. І әрпі. ілгіш, іні, кітап, түлкі, із. Балалар сұрақтарға жауап береді. Іл-гіш «Ә» әрпі Балалар әжемен амандасады. Ойынды қызығушылығымен тамашалайды. - Әже, Әсем, әлди. - Ә. - Әтеш, әткеншек, әпке, әке, сәбіз, дәрі, ән,әңгіме,... - ә-теш, әп-ке, сә-біз. Балалар дауыстап Ә әрпін айтады. Дауысты Жіңішке Қызыл текшемен Іс-әрекет арқылы жасайды. Балалар дәптерге Ә әрпін жазады.
Рефлексивті түзету кезеңі	ІV. Қорыту. Ойын: «Көбелектерді гүлдерге қондыр» Балалар, бүгін бізге қонаққа кімдер келді? Әже мен Әсел әлдиге не айтты? Дыбыс дегеніміз не? Әріп дегеніміз не? Ә әрпі қандай дыбыс? Ә әрпін қандай текшемен белгілейміз? Дыбыстар нешеге бөлінеді? Дауысты дыбыстар қандай текшемен белгіленеді? Дауыссыз дыбыстар қандай текшемен белгіленеді? Ал бізге барлық әріптерді үйрететін кітап «Әліппе» деп аталады (таныстыру) Таныстырар әріппен Мынау кітап Әліппең «Әліппе» деген аты оның Басталған қай әріптен? V. Мадақтау VІ. Үйге тапсырма: - Балалар, «Менің әжем» тақырыбында ауызша әңгіме құрастырып келіндер.	Балалардың жауабы тыңдалады. - Ойын өте қызықты болды. Жұмбақтың жауабын айтады «Ә» дыбысы

Күтілетін нәтиже:

Білу керек: Ә дыбысы және әрпін тану және жаза білу.

Игеру керек: Ә дыбысының таңбасын жаза біледі. Дәптерге ұқыпты, таза жазады.

Білім беру саласы: Таным

Бөлімі: Сауат ашу және жазу

Тақырыбы: Х дыбысы және әрпі

Мақсаты: сөз, сөйлем жайында түсініктерін бекіту. Сөздерге дыбыстық талдау жасатуды жалғастыру. Кеспе әріптерден жаңа дыбыстарды қатыстырып, сөйлем, сөз құрастыру және оны талдауға үйрету. Дыбыс пен әріпті ажырата білуге үйрету.

Сөздік жұмыс:

Билингвальдық компанент:

Көрнекілік кеспе әріптер, суреттер

Іс – әрекет кезеңі

Тәрбиешінің іс – әрекеті

Балалардың іс - әрекеті

Себепті (дәлелді) – ықпалды

Жылулық шеңберіне тұру.

Арайлап таң атты

Алтын сәуле таратты

Жарқырайды даламыз

Жайнай түссін қаламыз

Қайырлы күн достарым

Балалар бүгін аптаның қай күні

Сейсенбі күні бізде сауат ашу сабағы ендеше барлығымыз бірге өткен сабақты қайталап өтейік.

Бейсенбі

Ұйымдастыру - барлау

-дыбысты естиміз, ал әріпті көзімізбен көріп қолымызбен жазамыз екенбіз. Біз сендермен көп дыбыс, әріптермен таныстық. Қане маған кім бір дыбысты айтып, сол дыбысқа мысал келтіріп береді?

Мысалы: а-алма, д-доп, -қ- қияр, с-сағат т.б.

Ендеше балалар біз бүгін сендермен жаңа дыбыс Х дыбысымен танысамыз.

Қане бәріміз Х деп айтайық.

Балалар мен сендерге осы әріпке байланысты жұмбақ жасырып көрейік, қане бәріміз мұқият тыңдалық

Аяғы жоқ, қолы жоқ

Жүрмейтұғын жолы жоқ (хат)

Балалар тәрбиешінің айтқанын мұқият тыңдап, жадына сақтады.

Ұйымдастыру - барлау

Х дыбысынан басталатын сөздер буынға бөлу.

Хат, хор, шахмат сөздерін дыбыстық талдау жасау.

Х дыбысын ауада жазу.

Сергіту сәті:

Тербеледі ағаштар

Алдымыздан жел еседі

Кіп кішкентай ағаштар

Биік болып өседі

Қол жаттықтыру дәптер мен жұмыс.

Топтастыру ойыны:

Шарты Балаларды екі топқа бөліп

Х дыбысына байланысты сөздер айтып

екі топты жарыстыру.

I-топ Сұңқар тобы

II- топ Тұлпар тобы

Бүгінгі Х дыбысына бйланысты сөздер болуы қажет.

Бір сөз айтқан топқа 1 жұлдызшадан беріліп отырады.Қай топ көп сөздер айтса сол топтың жұлдызшаларын санап жеңіске жеткен топ анықталады.

Сабаққа жақсы қатысқан балаларды мадақтау.

Балалар тәрбиешінің айтқандарын мұқиат тындады.

Рефлексивтік – қорытындылау

Сабаққа жақсы қатысқан балаларды мадақтау.

Балалар риза болды.

Күтілетін нәтиже:

Білу керек:

Х дыбысы және әрпі туралы білу керек

Істей білу керек:

Ұйымдастырылған оқу іс-әрекетінің технологиялық картасы

Бөлім: Экология негіздері

Білім беру саласы: «Таным»

Тақырыбы: Жылы жаққа ұшып кететін және қыста қалатын құстар

Мақсаты:

Жыл құстары мен қыстайтын құстар туралы білімдерін бекіту;
Құстарға сүйіспеншілікпен қарауға, қыс мезгілінде оларға қамқорлық жасауға тәрбиелеу;
Ойлау, есте сақтау, қорытынды жасау қабілеттерін арттыру;

Қажетті құрал-жабдықтар, көрнекіліктер: жыл құстары мен қыстайтын құстардың суреттері

Сөздік жұмысы: «жыл құстары», «қыстайтын құстар»

Билингвалды компонент: құс – птица, жыл құсы – перелетная птица, қыстайтын құстар – зимующие птицы

Іс – әрекет кезеңдері	Тәрбиешінің іс – әрекеті	Балалардың іс – әрекеті
Мотивациялық –қозғаушылық	Жұмбақ шешеміз Ойлаңдаршы, жұмбақ не туралы? Зиянкесті қоймайды, Орманды одан қорғайды. Табиғаттың оларсыз, Ешбір сәні болмайды. (Құстар) (Г. Абдрахманов)	Тыңдайды, жұмбақты шешеді.
Ұйымдастыру – іздестіру	Кіріспе әңгіме Біздің өлкемізде әртүрлі құстар көп. Кейбіреулері суық қыстан қорықпай, бізбен жыл бойы бірге болады. Басқалары күзде жылы жаққа ұшып кетеді, көктемде өз отанына оралады. Оңтүстіктен оралатын құстарды қалай атаймыз? (жыл құстары) Ал қыста ұшып кетпей, бізбен бірге қалатын құстарды қалай атаймыз? (қыстайтын құстар) Қарға, торғай, шымшық – бұл құстарды бір сөзбен қалай атаймыз? (қыстайтын құстар) Оларды неліктен қыстатайтын құстар деп атаймыз? Тағы қандай қыстайтын құстарды білесіңдер? Қараторғай, қарлығаш, ұзақ – бұл құстарды бір сөзбен қалай атаймыз? Неліктен оларды жыл құстары деп атаймыз? Тағы қандай жыл құстарын білесіңдер? Пысықтауға арналған «Бұл қандай құс?» дидактикалық ойыны Баларға суреттер топтамасын көрсетеді? Балалар құстардың атын атап, олардың қыстайтын немесе жыл құсы екенін атайды. «Құстар» сергіту жаттығуы Дауыл, желмен алысқан, Құстар келді алыстан. Жерге жаймен отырды, Шашқан жемді шоқыды. (Г. Абдрахимова) Жалғастырады: Қазіргі кезде жыл құстары жылы жаққа ұшып кетті, мұнда тек қана қыстайтын құстар ғана қалды. Қалай ойлайчыңдар, олардың жағдайы қалай? Көше мен жол, даланы, Қалың, ақ қар басады. Жем таппаған құстардың, Қарындары ашады. Қыста қарда жорғалар, Торғайлар мен қарғалар. Көмектесіп құстарға, Жем берейік балалар. Қалай ойлайсындар, қыста құстарға кімдер көмектесе алады? Қыста адамдар құстарға қалай көмектеседі? «Қыс мезгілі, егер ол ерекше суық, аязды болса – құстар үшін өте ауыр мезгіл. Қыстайтын құстар өздеріне әр кезде тамақ таба бермейді. Қар қалың жауғанда, боранда, көк тайғақта көптеген құстар қырылып қалады, сондықтан оларға дер кезінде көмек беру керек. Адамдардың қамқорлығының арқасында құстар аман шығады. Саябақтағы ағаштарда, балкондарда ілініп тұрған жем салғыштар қанатты достарымыздың қыстан аман шығуларына көп көмектері тиеді» «Жыл құсы ма, қыстайтын құс па?» қозғалыс ойыны Тәрбиеші құстарды атайды: сауысқан, ұзақ, тырна, сарнауық торғай, суықторғай, қараторғай, шымшық, қарлығаш, торғай, сауысқан, қарға, аққу. Баларға әр-түрлі қимыл көрсету керектігін түсіндіреді.	Тәрбиешінің түсіндірмесін тыңдайды Сұрақтарға жауап береді Суреттерге қарап, құстардың жыл құсы немесе қыстайтын құс екенін анықтайды Өлең мазмұнына сәйкес қимылдар жасайды. Тыңдайды, мазмұнын түсініп алады. Егер тәрбиеші қыстатйтын құсты атаса – балалар отырып, аяқтарын тапырлатады, жыл құстарын атаса- орындарынан тұрып, қолдарын шапалақтайды.
Рефлексивті – түзетушілік	Қорыту Сұрақтар қойып, тақырыпты қорытады. Баларды мадақтап, оқу іс-әрекетін аяқтайды.	Сұрақтарға жауап бере отырып, қорытынды жасайды.

Күтілетін нәтиже:

Нені білу керек: қыстайтын және жыл құстарының 5-6 түрінің аттарын.

Нені игереді: қыстайтын және жыл құстарының тіршілігі туралы; табиғат пен адам өміріндегі құстардың маңызын; қыс мезгілінде құстарға көмектесу қажеттігін.

Нені біледі: суреттердің көмегімен қыстайтын және жыл құстарын анықтауды.