Ортаңғы «Жұлдызша» тобындағы ұйымдастырылған оқу қызметінің конспектісі.
Өткізу күні: 10.10.2019 ж.
Тәрбиеші: Абдибекова З.Ж.
Білім беру саласы: «Таным».
Пән: Жаратылыстану.
Өтпелі тақырып: «Табиғат әлемі » .
Тақырыбы: «Бөлме өсімдіктері».
Мақсаттары:
Тәрбиелік: Табиғатты аялауға,сүюге тәрбиелеу.
Дамытушылық: Бөлме өсімдіктерін күтуге, баптауға баулу.
Оқыту: Бөлме өсімдіктері туралы түсінік беру.
Педагогикалық технологиялар: Түсіндіру, Көрсету, Әңгімелеу,Ойын,сұрақ – жауап.
Ресурстармен қамтамасыз ету: Бөлме өсімдіктерін күтуге қажетті заттар (сүрткіш,су құйғыш,су құятын ыдыс ,алжапқыш),суреттер.
Ұйымдастырылған оқу қызметінің барысы:
1.Ұйымдастырушылық кезеңі:
Шаттық шеңбері:
Балалармен амандасу.
«Салем» дейміз, - алтын күн,
«Салем» дейміз, - Жер ана
«Салем» дейміз, - баршаға!
Жыл мезгілін, оның ерекшеліктерін сұрау.
Жылдың күз мезгілі екенін, оның өзіндік ерекшеліктерін айтады.
2.Негізгі бөлім:
Тәрбиеші балалардың назарын топтағы бөлме гүлдеріне аударады.
-Мыналар нелер? –Гүлдер.
-Гүлдер не ішінде өсіп тұр? -Құмыра ішінде өсіп тұр.
-Мұндай гүлдерді қалай өсіреміз -Үйде ,топта өседі.
-Дұрыс,бұл гүлдер бөлмеде өседі.
Сондықтан оларды бөлме өсімдіктері деп атайды.Бөлме өсімдіктері ауаны тазартады.
-Қазір мен бір өсімдікті сипаттаймын ,ал сендер қандай өсімдік екенін табындар.
-Жапырақтары сопақша,үлкен,түсі қою жасыл.Бұл қай өсімдік?
(Фикус гүлін көрсетеді)
-Бүгін сендер жаңа бөлме өсімдігі-хош иісті қазтамақпен таныстырамын.
Қазтамақтың сабаға жасыл,шырынды,сабағынын бойымен хош иіс беретін жапырақтары өседі.
Оның гүл шоғырлары хош иісті және әртүрлі түсті болады,бірақ көбіне қызыл гүлі бар қазтамақтар көп кездеседі.
-Қазтамақ-дәрілік өсімдік.Одан дәрілік майлар жасалады.Хош иісі бөлмеге ұсақ шіркейлерді келтірмейді.
-Балалар,қазтамақтың фикустан айырмашылығын қарастырайық.
Қазтамақ пен фикусты салыстырады.Сабағы мен жапырақтары әртүрлі екенін айтады.
Сергіту сәті:
Біз гүлдерше өсеміз,
Жапырағы жайқалған.
Сабақтары салады,
Жел күшімен шайқалған.
-Фикус қандай күтімді қажет етеді?
Жапырақтарындағы шаңды немен сүртеді?
-Не үшін жапырақтардағы шаңды сүртеміз?
-Фикус гүлінің жапырақтарын сулы шүберекпен сүртеді.
(Жапырақтары ауаны тазартады)
-Өсімдіктерді қалай суару керектігін көрсетіңдерші.
-Су құйғыштың тұмсығын гүл ыдысының шетіне салып,суды шашыратпай суару керек.Бөлме өсімдіктерін қалай күтіп-баптау керектігін түсіндіреді.
Қорытынды :
Бөлме өсімдіктерінің атауларын атай алу. Олардың құрылысын түсіндіру.
Бөлме өсімдігінің адамға тигізер пайдасын сипаттау.
Бөлме өсімдіктері бізге пайда әкеледі. Олар әдемі болу үшін, оларды күтіп-баптау қажет.
