"Ақ қала", "Қыс қызығы" атты сабақ жоспары

Ұйымдастырылған оқу қызметінің технологиялық картасы

Тәрбиеші: Тұрмыс Айдана Рамазанқызы

Білім беру саласы: «Таным» «Шығармашылық»

Бөлімі: «Қоршаған ортамен танысу»

Тақырыбы: «Қыс қызығы» «Аққала»

Мақсаты: Балалардың қыс мезгілі туралы түсінігін кеңейту. Қыс мезгілінің сұлулығын тамашалай білуге, табиғаттың ерекшелігін сезіне білуге, қоршаған ортамен танысу арқылы баланың ой-өрісін дамыту.

Көрнекілігі: Қыс көріністері туралы суреттер, қар, аққала

Блингвалдық компонент: қыс-зима, қар-снег.

Тәрбиеші: Сәлеметсіздер ме, балалар! Балалар, қараңдаршы біздерге бүгін қонақтар келіпті.Қане, бәріміз шеңберге тұрып, қонақтармен амандасайық

Сәлеметсізбе! Здравствуйте! Good morning

Шаттық шеңбері: Арайлап таң атты

Алтын сәуле таратты

Жарқырайды күніміз

Жарқырайды даламыз

Қайырлы таң достарым

Қайырлы таң қонақтар

Тәрбиеші: Жарайсыңдар, балалар! Орындарыңа отыра қойыңдар.

Балалар, мен сендерге жұмбақ жасырғым келіп тұр,шешуін таба аласыңдар ма?

Балалар: Иә, әрине!

Тәрбиеші: Аяз қысып

Өрнек сызып

Терезені торлайды

Қар омбығып

Бет домбығып, балдырғандар ойнайды

Бүлдіршіндерім айтыңдаршы бұл қай кезде болады?

Балалар: Қыс мезгілінде

Тәрбиеші:Дұрыс айтасыңдар. Балалар қазір жылдың қай мезгілі

Балалар:Қыс мезгілі

Тәрбиеші:Балалар қыс мезгілінде ауа-райында қандай өзгерістер болады?

Балалар:Қар жауады суық болады боран соғады аяз болады

Тәрбиеші:Қыс мезгілінде адамдар қалай киінеді

Балалар: Адамдар жылы киінеді

Тәрбиеші: Қыста қандай ойындар ойнаймыз

Балалар: Қардан аққала соғамыз сырғанақ жасаймыз шана шаңғы тебеміз

Тәрбиеші:Ендеше балалар мен сендерге тағыда жұмбақ жасырайын

Жұмбақ: Шелек қалпақ басында,

Сәбіз екен танауы

Қыста қардан жасалған

Тауып көрші сен оны                                     (Аққала)

Балалар: Аққала!

Тәрбиеші: Дұрыс, жарайсыңдар, балалар!

Ғажайып сәт: Музыка ойналып Аққала қонаққа келеді

Аққала: Сәлеметсіңдерме балалар? Қыс мезгілінде даланы аппақ қар басады. Сол аппақ қардан жасаған Аққала мен боламын

Балалар:Сәлеметсізбе Аққала? Біздің тобымызға қош келдің!

Аққала: Балалар мен сендерге бос келгенім жоқ, ойын әкелдім. Балалар менде қарлар бар осы қарлармен ойын ойнайық.Ойын: Қар жинау

Балалар: Ойнайды

Балалар: Пішіндерден аққала жасайды

Аққала: Жарайсыңдар балалар

Тәрбиеші: Балалар, мына суреттерге қараңдаршы, бұл суретте не бейнеленген?

Балалар: Аққала бейнеленген.

Тәрбиеші: Аққала қандай геометриялық пішіндерден құралған екен?

Балалар: Дөңгелектерден!

Тәрбиеші: Дұрыс! Аққаланың түсі қандай екен?

Балалар: Ақ!

Тәрбиеші: Дұрыс! Ал, аққаланы неден жасаймыз? Жылдың қай мезгілінде жасаймыз?

Балалар: Қыста қардан жасап ойнаймыз!

Аққала: Жарайсыңдар, балалар! Сендер аққала туралы көп нәрсе біледі екенсіңдер.

Тәрбиеші: Балалар кім қыс туралы тақпақ айтып береді. Қане Аққалаға тақпағымызды айтып берейік

Имран: Аппақ қыстың бояуы

Аппақ қыстың бораны

Ақ көрпеге оранды

Ақ қар байтақ қаланы

Адия: Далада қар борайды

Ақ мамыққа орайды

Мұз болады қатады

Жып-жылтыр боп жатады

Нұрдаулет: Аяз шымшып қояды

Суықта аз ақ болады

Туған жердің ақ қысы

Ақ құшағын жаяды

Абубакир:Уақыт мол бөлеміз

Қыс қызығын көреміз

Сары аязға шындалып

Шымыр болар денеміз

Аққала: Жарайсыңдар балалар.

Тәрбиеші: Ал енді суретпен жұмыс жасайық

Суретпен жұмыс: «Қыс» әңгімесі.

Қыс мезгілі.Даланы аппақ қар басты.Балалар аулада серуендеп жүр.Арман мен Айша аққала тұрғызып жатыр.Диас шаңғы теуіп жүр.Айшаның шаңғысы бар екен.Шанасы әдемі екен.Шанамен қарда сырғанаймыз.Балаларқыс мезгілі суық болғанымен өте қызықты.Себебі біз қармен ойнаймыз.Аққала соғамыз. Шана мен шаңғымен сырғанаймыз.

Тәрбиеші: Балалар мен сендерге Аққала туралы шағын видеоролик көрсеткім келіп тұр.

Балалар: Тамсанып қарайды.

Тәрбиеші: Бүгін біз аққаланың суретін саламыз. Бірақ күндегідей қарындаштармен емес, жаңа тәсілмен саламыз.

(Балалар тапсырманы орындауға кіріседі)

Тәрбиеші: Балалар, шаршадыңдар ма? Олай болса сергіту жаттығуын жасайық!

Сергіту сәті: Боран соғар оң жақтан,

Боран соғар сол жақтан.

Қар лақтырып ойнасақ,

Су болады қолғаптар.

(Балалар тәрбиешімен бірге сергіту жаттығуын орындайды)

Тәрбиеші: Жарайсыңдар, балалар! Енді орындарыңа отырыңдар, Кімнің жапсырған суреті ең әдемі болды екен?

(Балалар суреттерін көрсетеді, тәрбиеші жұмыстарын бір – біріне көрсетіп, балаларды мадақтайды)

Тәрбиеші: Жарайсыңдар, балалар, суреттерің әдемі екен!

Балалар, мен сендерге ойын ойнатқым келіп тұр. Ойынның аты «Орнын тап!» Мен сендерге аққаланың бейнесі салынған карточкалар таратып беремін, бұл карточкаларда аққаланың дене мүшелері алмасып кеткен. Сендер осы мүшелерді орындарына дұрыстап орналастырыңдар.

(Балалар ойынға қызығушылық танытып, ойнайды)

Тәрбиеші: Жаксы, балалар! Ойын сендерге ұнады ма?

Балалар: Иә, ұнады!

Аққала: Ой балалар, сендерге көп рахмет.Өте қызықты болды барлығы.Мен көп тұрсам еріп кетемін.Сондықтан сендермен қоштасамын. Мен сендерге құр қол келген жоқпын өзіммен бірге тәтті кәмпиттерімді ала келдім.Өзім сияқты.Енді қайтайық, қош сау болыңдар.

Қорытынды:

Тәрбиеші: Балалар, біз бүгін ненің суретін жапсырдық?

Балалар: Аққаланың!

Тәрбиеші: Бізге бүгін қонаққа кім келді?Аққаланы біз жылдың қай мезгілінде жасаймыз? Аққаланың түсі қандай болады екен? Аққаланы біз неден жасаймыз? Сендерге ұнады ма?

(Балалар тәрбиешінің қойған сұрақтарына толық жауап береді)

Тәрбиеші: Өте тамаша бүгін сендер жақсы жауап бердіңдер. Енді аққаланың сендерге берген сыйлығын берейін.Осымен біздің бүгінгі сабағымыз аяқталды. Келген қонақтармен қоштасайық. Сау болыңыздар!