Тақырыбы: «Л» дыбысы және әрпі

Тақырыбы: «Л» дыбысы және әрпі.Кезең: дыбыс қою.Сабақтың мақсаты: Дұрыс артикуляция қалпы дағдыларын қалыптастыру. Фонематикалық қабылдауындамыту, ойын тапсырмалар арқылы ойлау, есте сақтау қабілеттерін дамыту.Құрал - жабдықтар: айна, артикуляциялық жаттығулардың фото жинағы, заттық суреттер, белгі беретін жалауша.Сабақтың жоспары:1. Дыбысты қою. 2. «Л» дыбысын қоюға арналған дайындық артикуляция жаттығуларын жасау.3. Ұсақ моторикасын дамыту4. Ойын тапсырмалар орындау.5. Сабақтың қорытындысы.Сабақ барысы1. Мұғалім-логопед: Біз қазір «Л» дыбысын дұрыс айтып үйрену үшін тіл мен ерінді жаттықтыруымыз керек. Ол үшін алдымен «Л» дыбысының артикуляциялық қалпын үйренуіміз керек. Суретін көрсете отырып үйрету.

2. Енді мен артикуляциялық жаттығулардың фотосын көрсете отырып жасаймын, ал сен жаттығуды қайталап жасайсың. /Жаттығудың орындалу дұрыстығын айна алдында бақылау./ Мұғалім-логопед: «тәтті тосап» жаттығудың суретін көрсету.Жоғарғы ерінде тәтті тосап тұр деп елестет. Жоғарғы ерінді жалайық. / мұғалім-логопед суретті көрсетеді. Санау арқылы (1 - 3) оқушы жаттығуды орындайды/.«Кесе», «Жел соғады», «Тоқылдақ» жаттығуларын жасату.Мұғалім-логопед: Сен мені мұқият тыңда. Елестет, біз екеуміз өзеннің бойында тұрмыз. Жанымыздан кеме өтіп бара жатыр, іші толған адам. Ал енді, кеменің дауысы қалай шығады, тыңдап көрейікші: Л – ллл.... Енді сен айтып көрші.Оқушы: «Л – ллл» Мұғалім-логопед: Жарайсын. Енді, «Бағынбайтын тілді жазалау»Ауызды ашып, тілді төменгі ерінге қойып «пя - пя – пя...» деп айтайықшы. Ауызды ашып тұрып тілді жалпақ күйінде бірден 5-10-ға дейін санап, ұстап тұр.Оқушы жаттығуды орындайды..Мұғалім-логопед: Қане, есімізге түсірейік. Пя – пя – пя созып айтайықшы.Оқушы: Пя – пя – пя...Мұғалім-логопед: Пароход қалай дыбыс шығарады?Оқушы: Л – л – ллл...3. Баланың ұсақ моторикасын дамыту.Жіпке моншақтарды тізбектеу.4. Мұғалім-логопед: «Дыбысты қағып ал» ойыны. Мен қазір бірнеше сөздерді айтамын, ал сен сөздің ішінде «Л» дыбысын естігенде шапалақпен қағып ал. /Бала, бақа, қора, қала, оқушы, мұғалім, айна, су, көл, дала, бал, қоян, түлкі./ «Суретті ребус» ойынын ойнату арқылы «Л» дыбысы сөздің қай бөлігінде тұрғанын айту және буынға бөліп, дыбыстық талдау жасату.

Қай әріп екенін айтыңдар. Алфавиттік жұмбақтарды шешіңдер.Құлында бар,Құнанда жоқ.Жыланда бар,Қыранда жоқ. /Л/Балада бар,Қорада жоқ.Далада бар,Жорада жоқ. /Л/

Буын ұйқасы:Ла-ла-ла – ұшты көкке шағалаЛа-ла-ла – қармақпен балық аулаЛа-ла-ла – жүлдеге ал қолаЛу-лу-лу – Айша біздің сұлуЛы-лы-лы – тоным менің жылы

Сергіту жаттығуы.Бала, бала, балақан,Қане қайсы алақан.Саусақтарың әйбат,Былай - былай ойнап.

Жаңылтпаш айтуЛаула алау лаула,Алауласын аула.

5. Сабақтың қорытындысы. Баланың жұмысын бағалау.Қорытынды:- Бүгін қандай дыбыспен таныстық?- Л дыбысымен.- Л дыбысы қандай дыбыс?- Л дыбысы дауыссыз дыбыс.- Неге дауыссыз дыбыс деп ойлайсыңдар?- Себебі созылмайды.