Құстар Қайда қыстайды

Бөлім: Жануарлар әлемі.

Пәні: жаратылыстану

Тақырыбы: Құстар қайда қыстайды?

Мектеп/МҰ: «Валерьянов негізгі мектебі» КММ

Күні:

Педагогтің аты-жөні: Бердімұрат Ақмарал

Сынып: МАД

Қатысқандар саны:

Қатыспағандар саны:

Оқытылу

мақсаттары

0.1.3.3 Қыстап қалатын және жыл құстарды атау.

Күтілетін нəтиже

Барлық балалар: құстардың тіршілігіне қажет жағдайларды атайды; құстардың түрлерін ажыратады.

Көпшілік балалар: құстардың жылы жаққа неге ұшып кететінін түсіндіреді;

қыстап қалатын құстардың қысқа қалай бейімделетінін айтады.

Кейбір балалар: үй құстары мен дала құстарын ажырата алады; қыстап қалатын құстар мен жыл құстарын ажырата алады.

Тілдік мақсат

Дағдыларды дамыту.

«4 бұрыштың стратегиясы (сынау тұрғысынан ойлауды дамыту)» технологиялық тәсілі шегінде болжамдар ұсыну. Болжамдар ұсыну үшін тіректер пайдалану.

Балаларға «Неліктен кейбір құстар жылы жаққа ұшып кетеді?» деген болжамды айтуға көмектесу.

Көптілділік: құс – птица – bird

Негізгі терминдер мен сөз тіркестері: ауа, су, тағам, болжам, бейімделу, ұшып кету, тұратын жері, мекендейтін ортасы, жыл құстары, қыстап қалатын құстар, үй құстары мен дала құстары

Талқылауға арналған сұрақтар: Сен құстар туралы не білесің және құстар қайда мекендейді? Не себепті қыстап қалатын құстар деп аталады? Жыл құстары деп аталу себебі неде? Үй құстары мен дала құстарының айырмашылығы неде?

Өткен ҰОҚ

алған білім

Құстар туралы қарапайым түсініктер; жыл мезгілдерін білуі, құстар тіршілігінің жыл маусымдарына біршама тәуелділігі.

Жоспар

Жоспарланған

уақыт

Жоспарланған жұмыс түрлері

Ресурстар

І. Дұрыс əсерлі

көңіл күй орнату.

0–1 мин.

II. Өмірлік

тəжірибені

маңыздандыру.

Мақсатты болжам.

2–4 мин.

(Ұ) Тағы ҰОҚ басталды,

«Бес» алуға аз қалды.

Бәрін айтып жасқанбай,

Риза қылғын басқаны.

Үлгілі де бола біл,

Жақсыны сен көре біл!

Таңдандырып үй-ішін

Жақсылық сыйлап, өсе біл!

(Ұ) Балаларға бүкіл топ ішінде жайылып қойылған суреттерді

жинауды және онда бейнеленгендерді бір сөзбен атап берулерін сұрау. (Құстар). Кейіннен ҰОҚ тақырыбы тұжырымдалады: «Құстар қайда қыстайды?». Әртүрлі құстардың суреттері бейнеленген суреттер, пазлдар ұсыну. Мен құстар туралы не білемін және осы құстар қандай, қайда мекендейді? Құстардың тіршілігі үшін не қажет және кейбір құстар неге жылы жаққа ұшып кетеді?

Болжамдар:

– Құстарға тіршілік ету үшін ауа, су, қорек керек шығар.

– Құстар жылы жаққа суықты ұнатпағандықтан ұшып кететін болар. Қандай дереккөзден біз мұны біле аламыз? Кітаптардан.

Музыкалық әуен

ҰОҚ-ның ортасы

III. Тақырып

бойынша жұмыс

5 – 22 мин.

(Ұ) Суреттер бойынша жұмыс.

Әртүрлі құстар бейнеленген суреттер, пазлдар ұсыну. Балаларға суреттердегі құстарды сипаттап, әңгіме құрастыруларын сұрау.

Балалардың назарын болжамдар ұсынуды үйренуіне аудару. Ба-лалар бұл кезде осы тіректі пайдалануына болатындығын ескерту:

- ықтимал

- болжамдайық

- мүмкін

- солай дейік

- ал, егер…

Балаларға табиғатта көрген құстарының қасына дөңгелектерді фишкамен белгілеп қою ұсыну. Жылдың қай мезгілінде кейбір

құстардың жылы жақтарға ұшып кететінін сұрау, балалар болжамдап жауап береді.

Балаларға кейбір құстардың неге ұшып кететініне болжам жасауға (болжамдар айтуға) көмектесу.

(Т) Құстардың неге ұшып кететінінің себебін табу қажет, сурет-терді тәртібімен қойып шығу.

Балаларға жыл құстарының күннің суып кетуінен ұшып кететін-дігінде деген қорытындыға әкелу. Суық түсуімен құстарға

жейтін қоректері болмайтындықтан оңтүстікке қарай ұшып кетеді.

Себебі оңтүстік жақтар жылы болады.

(Ұ) Өзекті мәселе.

Жыл құстары қайда қыстайды? БОЛЖАМДАР. Бақылаушылар бұл жайында құстардың аяқтарына сақина кигізіп білді.

(Ұ) Динамикалық кідіріс.

(Ұ, Т) Бақылау.

Жақын жерге саяхатқа шығып қоршаған ортадағы құстарды атау, салыстыру, бақылау жасау. Құстардың суреттерін көрсете отырып, олардың аттарын есте сақтауға көмектесу. Көрсетіліп отырған құстардың адамға қаншалықты пайда келтіретінін түсіндіру.

(Ұ) Құстар туралы мақал-мәтелдер айта отырып, оның мағынасын ашу.

Аққуды атпа, Досыңды сатпа.

Қарға баласын «аппағым» дер, Кірпі баласын «жұмсағым» дер.

(Ұ) Өзекті мәселе. Құстарымызға қыста тоңып қалмауларына не көмектеседі? (Балалардың болжамдары: олар ұшады, жылынады, олардың қауырсындары жылы, адамдар оларға жем береді…).

(Ө) Әліппе-дәптермен жұмыс. Деңгейлік тапсырмалар.

1-тапсырма. Қыстап қалатын құстарды табады.

2-тапсырма. Құстарды ұяларымен сәйкестендіреді.

3-тапсырма. Үй құстары мен жабайы құстарды ажыратады.

Әртүрлі құс-тар бейнелен-ген суреттер, пазлдар,

Құстардың суреттері.

IV. ҰОҚ

қорытындысы.

Рефлексия.

23-25 мин

(Ө) Балаларды қорытынды жасату: Құстарға тіршілік үшін жылу, тамақ, су және ауа керек. Құстар – қанатты жануарлар тобына жататын тіршілік иелері. Құстар екі үлкен топқа бөлінеді: үй құстары және дала құстары.

Үй құстары: тауық, қаз, үйрек, әтеш, күркетауық. Дала құстары: сауысқан, тырна, қарға, торғай, шымшық т.б. Қыстап қалатын құстар – жылдың маусымдық өзгерістеріне төзімді, жергілікті бір жерде тіршілік ететін құстар. Жыл құстары – суыққа төзе алмай, жылы жақтарға ұшып кететін құстар тобын айтамыз.

Рефлексивті бағалау. Балаларды бойөлшегішті кез келген түсті қарындашпен бояп шығуға ұсыну: 1 (бір) деңгей – ештеңе түсінбедім. 1 және 2 (екі) деңгейлер – түсіндім, бірақ түсіндіріп бере алмаймын. 1, 2 және 3 (үш) деңгейлер – бәрін түсіндім, басқаға түсіндіріп бере аламын.

Әліппе-дәптер, түрлі түсті қарындаштар.