Әдіс-тәсілі:түсіндіру, сұрақ-жауап, сөздік, мәтінмен жұмыс
Пәнаралық байланыс:бейнелеу өнері, орыс тілі
Сабақтың барысы:
І Ұйымдастыру кезеңі:оқушылармен амандасу, түгендеу
ІІҮй тапсырмасын тексеру:
Сөздерді жатқа сұрау.
ІІІ Жаңа сабақты түсіндіру
Бүгінгі жаңа сабағымыздың тақырыбы-Қазақ бейнелеу өнері тарихы. Қазақ бейнелеу өнері тарихы – ұлттық дүниетанымға негізделген көркем өнер. Ол көркем кескіндеме, мүсіндеме, графика және қолданбалы өнер салаларын қамтиды.
Қазақ бейнелеу өнерінің қалыптасу және даму жолы өте күрделі болды. Оның бастауында этнограф-ғалым Ш.Уәлиханов тұрады. Кейінгі зерттеулер Шоқан туындыларынан «Потанин», «Тезек төре», т.б. портреттік жұмыстарынан оның кәсіби суретшілерге тән шеберлігі байқалатынын анықтады.
Қазақстан бейнелеу өнерінің кәсіби шеберлігін дайындайтын студия 1920 жылы ұйымдастырылып, онда Н.Г.Хлудов, Н.Антонов және мүсінші А.С.Понамарев сабақ берді. 1928 жылы Семейде бейнелеу өнері шығармаларының алғашқы көрмесі ұйымдастырылды.
Кескіндеме мен графиканың кәсіби шеберлігін меңгерген жас суретшілер: Н.М. Крутильников, Ә.Қастеев, Ә.Ысмайылов, И.И.Савельев, Б.Сәрсенбаев, Қ.Қожықов т.б
Сөздікпен жұмыс:
Бейнелеу өнері- изобразительное искусство
Кескіндеме – графика
Мүсіндеме – скульптура
Қолданбалы – прикладной
Қалыптасу – формировать
Шеберлік – мастерство
Көрме – выставка
3-тапсырма. Берілген сөздерден сөйлемдер құраңдар.
1. Комитеті, Суретшілер одағының, ұйымдастыру, құрылды, республика, 1933 жылы
2. 1934 жылы, ашылды, Алматыда, галереясы, Қазақ мемлекеттік көркемсурет.
3. Қазақстан, суретшілерінің, еңбектері, үздік, ұлт өнерінің қазынасына, болып қосылды, асыл мұра.
4-тапсырма. Диалогті сұрақтармен толтырып, өзара сөйлесіңдер.
- ....?
- Айша Ғарифқызы Ғалымбаева – Қазақстанның халық суретшісі.
- ...?
- А.Ғалымбаева 1917 жылы Алматы облысының Еңбекшіқазақ ауданындағы Есік ауылында дүниеге келген.
- ...?
- Ол 1943 жылы Алматының көркемсурет училищесінде, 1949 жылы Бүкілодақтық мемлекеттік кинематография институтында оқыған.
- ...?
- Республикалық, одақтық және халықаралық көптеген көрмелерге қатысқан.
- ...?
- Оның туындылары: «Шопан» 1949 ж, «Менің аулам» 1949 ж, «Қазақ халық киімдері» 1958 ж альбомы, «Қызыл апортжәне табақ» 1994 ж, «Жайнаған гүл шоғыры» 1999 ж т.б.
- ...?
- Ол Қазақстан Республикасы Ш.Уәлиханов атындағы Мемлекеттік сыйлықтың лауреаты, «Құрмет белгісі», «Еңбек Қызыл Ту» ордендерінің иегері
5-тапсырма. Мәтінді түсініп оқып, сұрақтар құраңдар. Сұрақтарға өзара жауап беріңдер. Мәтінге ат қойыңдар.
Қазақ ұлттық көркемсурет галереясы 1995 жылы құрылғаннан бастап, «Қазақстан бейнелеу өнері» коллекциясын кешендеуге баса көңіл бөлінді. Қазіргі таңда 10 мыңнан астам көркемсурет туындылары Қазақстан Республикасы Ә.Қастеев атындағы Мемлекеттік өнер мұражайының қорын құрайды. Кескіндеменің, мүсін өнерінің, графикалық қайталанбас коллекциясы ұлттық мектептің дамуындағы басты кезеңдерді көрсетеді.
Н.Т.Хлудов - XIX ғасырдағы реалистік кескіндеме мектебін қалыптастырған алғашқы орыс суретшілерінің бірі. Ол Орта Азия мен Қазақстанды көп аралап, сол жердің өмірі мен тұрмысынан жасаған суреттемелері кейіннен оның кескіндемелік туындыларының негізіне айналды.
Сабақты қорытындылау:
- Қазақ бейнелеу өнерінің қалыптасу және даму жолы қандай?
- Қазақ бейнелеу өнері деген қандай өнер?
- Қазақ бейнелеу өнерінің бастауында кім тұр?
- Қазақ бейнелеу өнерінің кәсіби шеберлігін даяолайтын студия нешінші жылы ұйымдастырылып, онда кім сабақ берді?
- Қазақ бейнелеу өнері шығармаларының алғашқы көрмесі қашан және қай қалада ұйымдастырылды?
