"Дидактикалық ойындар"

Қыркүйек айы.

1.Тақырып: «Жапырақтар»

Ойынның мақсаты: Бірқалыпты, ерікті дем шығаруға үйрету.

Қажетті құралдар: Жұқа қағаздан ойып жасалған сары және қызыл жапырақтар.

Ойын барысы: Тәрбиеші балаға күзде ағаштардың жапырақтары түсетінін түсіндіреді. Бұл құбылыс жапырақтардың түсуі деп аталады. Жапырақтардың түсуін үйде ұйымдастыруды түсіндіреді. Бала жапырақтар ұшатындай, оларға үрлейді. Жаттығу 2-3 рет орындалады.

2.Тақырып: «Қуыршақ қонаққа дайындалуда»

Ойынның мақсаты: ұзын-қысқа, жуан-жіңішке, ұзындығы бірдей деген өлшемдерді салыстыруға жаттықтыру.

Қажетті құралдар: ұзындығы, жуандығы, түсі әр түрлі ленталар.

Ойынның барысы: Қуыршақ қонаққа барады, киімін киюге, шашына бантик таңдауға көмектесуді ұсыну. Көп бантиктердің арасынан ұзындығы бірдей екі бантикті табу керек. Әдемі бантиктермен қуыршақтың шашын әсемдеу.

Қазан айы

3.Тақырып: «Өз үйіңді тап»

Ойынның мақсаты: түстерді ажыратуға жаттықтыру; қабылдауын дамыту; ойынның ережесін сақтауға үйрету.

Қажетті құралдар: түрлі-түсті дөңгелектер.

Ойын барысы: Балаларға түрлі-түсті дөңгелектер таратып, түстерін атау. Белгі бойынша балалар дөңгелектерінің түсі бойынша үлкен шеңберлер жасап өз үйлерін жылдам тауып, тұра қалу.  

4.Тақырып: «Әдемі кілемшелер»

Ойынның мақсаты: бөліктерден кілемше жасауға үйрету; қабылдау, ес, зейін процесстерін дамыту; ұйымшылдыққа тәрбиелеу.

Қажетті құралдар: қағаздан жасалған кілемшелер, геометриялық пішіндер.

Ойын барысы: Балалар геометриялық пішіндерді берілген кілемшелердің үстіне қойып, құрақ құрайды.

Қараша айы

5.Тақырып : «Сиқырлы суреттер»

Ойынның мақсаты: балалардың логикалық ойлау қабілетін, ес, зейін, қабылдау процесстерін дамыту.

Қажетті құралдар: әр түрлі сурет бөлінділері.

Ойын барысы: Балалар алдарындағы үлгі бойынша бөлінділерден сурет құрайды. Сурет бойынша әңгіме құрауды ұсыну.  

6.Тақырып: «Не қайда тұрады?»

Ойынның мақсаты: Ойын арқылы балалардың тілін, ой-өрісін дамыту.

Қажетті құралдар: Жануарлардың және олардың тұратын орталарының суреттері

Ойын барысы: Балаларға иттің, қоянның, қойдың,торғайдың т.б суреттерін көрсетіп сұрақтар қою арқылы , әрқайсының тұру орталарына орналастыру қажеттігі түсіндіріледі (итке-үйшік, торғайға ұя, қойға-қора, қоян-қоршауға)

Желтоқсан айы

7.Тақырып: «Суреттерді құрастыр»

Ойынның мақсаты: Талдау және біріктіру қабілетін, кеңістік арақатынастарының заңдылықтарын құру, үлгіні көшіру іскерлігін дамыту.

Ойын барысы: Балаларға кез-келген кесілген суреттер таратылады да, осы суреттерден бүтін суреттер құрастыру керектілігі түсіндіріледі.

Көрнекіліктер: әр түрлі суреттер: жемістердің,көкөністердің немесе ойыншықтардың суреттері.

8.Тақырып: «Кім немен қоректенеді?»

Ойынның мақсаты: Логикалық ойлауды,сөйлеуді, талғамды,байланыс құруды және түсіндіре білуді дамыту.

Ойын барысы: Өсімдіктер мен жануарлары бар карточкалаар жинағын дайындайды. М/ы: шөп-қоян-қасқыр: шаян-балық-итбалық-ақ аю:шырша бүршігі-тиін-сусар:өсімдік (шырын)-көбелек-бақа-құтан және т.б. Балаларға карточкалар таратылады.(карточкаларды лайықты суреттермен бетперделермен ауыстыруға болады)

Көрнекіліктер: Өсімдіктер мен жануарлар бейнеленген суреттер.

Қаңтар айы

9.Тақырып: «Төлдерін тап та, көрсет»

Ойынның мақсаты: Балалардың байқампаздық қасиеті, есте сақтау қабілеттерін дамыту, шапшаңдыққа баулу

Ойын барысы: тақтада көсетілген жануарлардың төлдерін сызық сызу арқылы көрсету.

Көрнекіліктер: жануарлардың, төлдердің суреттері .

10.Тақырып: «Сиқырлы қапшық»

Ойынның мақсаты: заттарды белгілі бір қасиеттері бойынша салыстыруға, топтастыруға үйрету.

Ойын барысы: түсі, өлшемі, пішіні бойынша әр түрлі ойыншықтар.

Ойынның мазмұны: Балалар «Сиқырлы қапшықтың» ішіндегі затты ұстап көріп, пішінін анықтайды, ойыншықты алған соң атын атап, түсін айтады.

Ақпан айы

11.Тақырып: «Вагондарға дөңгелек таңдау»

Ойынның мақсаты: геометриялық пішіндерді ажыратуға, қасиеттерін білуге жаттықтыру, ойлау қабілетін дамыту.

Қажетті құралдар: қағазға салынған вагондар, әртүрлі геометриялық пішіндер.

Ойынның мазмұны: Балалар вагондарға лайық дөңгелектерді әртүрлі пішіндердің ішінен табады.

12.Тақырып: «Паровоз»

Ойынның мақсаты: балалардың бір-біріне деген зейінің қалыптастыру.Мұқият болуға тәрбиелеу.

Қажетті құралдар:руль,вагонның суреті, музыкалық әуен.

Ойынның барысы:«Мен паровоз боламын, ал сендер кішкентай вагонсыңдар». Балалар бірінің соңынан бірі алдында тұрғанның киімін ұстап колоннаға тұрады. «Кеттік», - дейді тәрбиеші, балалардың бәрі «шу-шу» деп дабырлап, оның артынан жүре бастайды. Тәрбиеші поезды бір бағытта, одан кейін екінші бағытта жүргізеді, одан кейін жүруді баяулатады, ақырында тоқтайды да: «Кідіріс» («Аялдама»), деп хабарлайды. Біраз уақыттан кейін тағы да гудок беріледі де поезд қайтадан жолға аттанады. 

Наурыз айы

13.Тақырып: «Кім не жейді?»

Ойынның мақсаты: Логикалық ойлауды,сөйлеуді, талғамды,байланыс құруды және түсіндіре білуді дамыту

Ойын барысы: Өсімдіктер мен жануарлары бар карточкалаар жинағын дайындайды. М/ы: шөп-қоян-қасқыр: шаян-балық-итбалық-ақ аю:шырша бүршігі-тиін-сусар:өсімдік (шырын)-көбелек-бақа-құтан және т.б. Балаларға карточкалар таратылады.(карточкаларды лайықты суреттермен бетперделермен ауыстыруға болады)

Көрнекіліктер : Өсімдіктер мен жануарлар бейнеленген суреттер

14.Тақырып: «Бақша да ма,бау да ма?»

Ойынның мақсаты: Жемістер мен көкөністер туралы мағлұмат беру.Олардың айырмашылықтарын түсіндіру

Ойынның мазмұны: Тәрбиеші балаларға жемістер мен көкөністердің суреттерін көрсету арқылы олардың атауларын айтқызады.Сонан соң көкөністердің жерде, жемістердің талда өсетінін түсіндіру арқылы сұрақтар қойып, балалардың ойынға қызығушылықпен қатыстырады.

Көрнекіліктер : Жемістер мен көкөністердің суреттері

Сәуір айы

15.Тақырып: «Әдемі гүл»

Ойынның мақсаты: Түстер туралы ұғымын бекіту,түстердің атын білуге машықтандыру,түрлі түсті бояудағы түстерді сәйкестендіруге үйрету,саусақ моторикасын дамыту.

Ойынның мазмұны: Топқа гүл тістеген күшіктің кіруімен ғажайып сәт ұйымдастырылады. Күшік аузына тістеп кірген гүл шоғын терең дем алып иіскейді де, тыныс шығарған кезде гүлдер шашырап кетеді. «Ой балалар, мына гүлдерім шашылып қалды ғой, сендер маған көмектесесіңдер ме?» -деп сұрақ қояды. Ол үшін гүлдердің түстерін анықтайық. Әрқайсың жерден жинап алған гүлдің түсін атауларың керек. Енді осы түстерге сәйкес көбелектерді қондырайықшы-деп ұсыныс жасалады.

Көрнекілігі: Түрлі –түсті гүлдер, көбелектер.

16.Тақырып: «Дауысын сал!»

Ойынның мақсаты: құстардың түрлерін және олардың дауыстарын салуды үйрету.

Ойынның мазмұны: Құстардың суреттерін таратып береді.  Кімде қандай құстың суреті, оның дауысын салады.  Көрнекіліктер: құстардың суреттері.

Мамыр айы

17.Тақырып: «Бұлар нелер?»

Ойынның мақсаты: Әрбір үй жануарларының төлдерінің аттары мен жабайы жануарлардың аттарын үйрету

Ойын барысы: Балаларға суреттер көрсету арқылы олардың атауларын, немен қоректенетінін, тіршілігін айту. М/ы: мысық-сүт-үй жануары, қасқыр-ет-жабайы аң т/б

Көрнекілігі: Үй және жабайы жануарлар суреттері

18.Тақырып: «Кім не жейді?»

Ойынның мақсаты: Логикалық ойлауды,сөйлеуді, талғамды,байланыс құруды және түсіндіре білуді дамыту

Ойын барысы: Өсімдіктер мен жануарлары бар карточкалаар жинағын дайындайды. М/ы: шөп-қоян-қасқыр: шаян-балық-итбалық-ақ аю:шырша бүршігі-тиін-сусар:өсімдік (шырын)-көбелек-бақа-құтан және т.б. Балаларға карточкалар таратылады.(карточкаларды лайықты суреттермен бетперделермен ауыстыруға болады)

Көрнекіліктер : Өсімдіктер мен жануарлар бейнеленген суреттер

Қарабалық кенті әкімі аппаратының

«Улыбка бөбекжай бақшасында»

Өз білімін жетілдіру

«Кіші топқа арналған

дидактикалық ойындар»

Тәрбиеші:Рамазанова Э.Ж.

Қарабалық кенті

2019-2020жыл