Суйемін туған тілді

Сүйемін туған тілді – анам тілін

Мақсаты:оқушыларға мемлекеттік тілдің маңызын, қасиетін ұғындыру, елін, жерін, өз тілін, Отанын сүюге , құрметтеуге тәрбиелеу.

1-жүргізуші: Тәуелсіз егемен елдің басты бегілерінің бірі – тіл. Еліміздегі өзге ұлт өкілдерінің тілімізге деген көзқарасы өзгерді. Мемлекеттік тілдің өз дәрежесінде болып, баршаға ортақ қажеттілік, қолданыс аясын кеңейту, тіл деңгейін көтеру – өз халқына , дініне жаны ашитын әрбір азаматтың борышы.

2- жүргізуші:Қазақ тілі - бұл ана тілі, бұл ең көркем бай тіл. Ол - атадан балаға мирас болып келе жатқан құнды қазына. Ананың ақ сүтмен бойымызға сіңген ана тіл қай кезде де бізге қуат берері хақ.

1-жүргізуші: Тәуелсіздіктің таңы атып, көгімізде көк ту желбіреді. Қазақ тілі мемлекеттік тіл болып жарияланғанына біраз уақыт болды. Әр азамат ана тілін көзінің қарашығындай қорғауға тиіс.

2-жүргізуші: Тіл – тарих айғағы. Тіл ана сүтімен бірге еніп , өзінің мызғымастығын сақтап қалады.

Тіл – дүниедегі азаматқа ғана тән баға жетпес қасиет.

1-жүргізуші:Өз егемендігін жариялап «Қазақ» деген ұлттық бүкіл әлемге таныта отырып, ұлан – байтақ туған жерінің бетінде осыншама ұлттардың бірлігі мен ынтымақтастығы ұялатқан Елбасымыз Нұрсылтан Назарбаевтың парасатты пайымдары болашаққа деген жарқын көзқарасты қалыптастырды.

Хормен: Елбасы Нұрсылтан Назарбаев : «Қазақстанның болашағы – қазақ тілінде».

Тіл құдіретті

1-оқушы: Өз тілім – өзегім , жүрегім,

Өз ділім – ұлттық тірегім.

Сыйланды ғалымда тіліммен

Иманды , меймандос ұлы елім.

Тәрбие – анамның тілінде ,

Әр жүйе – саналы білімде.

Адалдық – киелі дінімде,

Адамдық – жүйелі ділімде.

2-оқушы: От мінез- халқымның киесі,

Отты сөз – ащы тіл иесі-

Сықақшы , шешен әр қазақтың

«Тіс қақты» сөзінің жүйесі.

Ананың тілінде ұлылық,

Баланың тілінде жықылық.

Сорланар өз тілін білмеген,

Қор болар ойы да «былығып».

3-оқушы: Қазақтың тілі де әуенді,

Ғажап тым үні де әуенді.

Көре біл шешен тіл қисынын ,

Тере біл сөз шырын – мәуені.

Дін – тәлім, тәрбие құралы,

Діл – мәлім, ел рухын құрады.

Тілімнен елдігім көрініп ,

Дінімнен нұр тарап тұрады

4-оқушы: Көркемде бай тілі қазақтың

Өркенде, айтулы ғажапсы!

Берікпіз тқорғауға сені біз,

Еріксіз қорлаудан азатсың.

Ақылмен қолданған сөз - ғылым,

Ақыл – кен, өндіргіш – өз тілің.

Діліңді , ұлтыңды сақтаған

Тіліңді сүймесең – ездігің.

5-оқушы: Адаспа, басшы бол білімді,

Аласта мансапқор зұлымды.

Құдірет те ұлттық дініңді ,

Құрметте анаңды – тіліңді.

Шешендік – ананың тілінде,

Көсемдік - саналы білімде.

Қасиет – ұлттық дінімде ,

Өсиет , өнеге- ілімде.

6-оқушы: Іздедім ғылымның пайдасын,

Іздедім тілімнің бай нәшін.

Тілімнің «сынынан» өтемін,

Ғылымның шыңына жетемін.

Сөз – мүсін, мүсіндер ой – зерек,

Сөз үшін қисынды ой керек.

Тілі жаттық , ойы терең адаммен ,

«Тіл қатып» сөйлеуге ой көмек.

7-оқушы:Тілімді «арымдай»сақтаймын,

Дінімді тексіз боп шатпаймын.

Құқымның пәктігін дәлелдеп,

Ұлтымның бай тілін жаттаймын.

Мол құнды, әуезді тіліміз,

Толқынды әуезді ән, жырымыз,

Туыстық достықта – дінімізде.

Тыныштық әуені - үніміз.

Ән: «Анамның тілі».

1-жүргізуші:Ана тілім –

Шежірем,

Өсиетім!

Аз ба , көп пе , білмеймін, қасіретің.

Ата – баба түгілі кейінгілер

Анасының білмейді қасиетін.

Ана сүті көп жанға дарымапты,

Уызына ананың жарымапты,

Көріп келе жатырмыз соның бәрін

Мынау ұзақ сапарда өмір атты.

2-оқушы: Туған бала бешара кейуанадан

Мойынсұнып тағдырға көнген аман

Анасының тілінде сөйлемейтін

Қалтыраған көлеңке –

Өлген адам.

Баласы үшін бар ма ана мақтанбаған,

Мен өлең – жыр жазғанда шаттанады Анам.

Қандай ғана болды екен кейуана жан ,

Ана сүті , дариға – ай , ақталмаған?!

Қолын беріп , қорынып ,

Қорланғанға ,

Көңіл бөліп , соғылып ,

Зорланғанға.

Анасының тілінде төгіп жырын

Асқақтаған ақында арман бар ма?