№10 Ақбота балабақшасы
«Құтты болсын, Жаңа жыл»
« Ботақан тобының жаңа жылдық ертеңгілігінің сценариі»
Дайындаған: Әбдырахман.М
2017-2018 Оқу жылы
лағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін! Тақырыбы: «Құтты болсын, Жаңа жыл!»
Мақсаты: Балаларға мерекелік көңіл күй тудыру.Шыршаның қалай әдемі де сәнді безендірілгеніне,балаларды,Аязатаның,Қоянның,кейіпкерлердің киімдеріне назар аударту.
Жүргізуші Жаңа жылдың таңы неткен арайлы
Ақ мамыққа бөлеп алды маңайды
Жаңа жылмен құттықтаймын бәріңді
Бақыт, шаттық, молшылық әкелсін
Бәрімізге мына жыл арайлы!
Құтты болсын ағайын!
Жаңа жылың тағы да
Қол соғып қарсы алайық
Шақырайық ортаға
Ертеңгілік басталсын
«Ботақан» тобында!
(балалар келіп орнындарына тұрады)
Жүргізуші: Құрметті ата-аналар, қонақтар, «Ақбота» балабақшасының ұжымы мен кішкентай бүлдіршіндеріміз, сіздерді келе жатқан Жаңа жыл мерекесімен шын жүрегімізден құттықтаймыз! Жаңа жыл әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін дейміз.
Құттықтау сөз балабақша меңгерушісі Нұргүл Төлеубайқызына беріледі.
Жүргізуші: Балалар, біз барлығымыз жаңа жыл мерекесін тойлауға жиналдық. Бүгін біздің мерекемізге кім келеді?
Балалар : Аяз ата!
Жүргізуші: Дұрыс балалар, ал Аяз ата не әкеледі?
Балалар: Сыйлықтар.
Музыка. Қоян секіріп келеді.
Ақшақар: Сәлеметсіңдер ме, балалар. Мені таныдыңдар ма? Мен-Ақшақармын. Бәрі мерекеге жиналып қалыпсыңдар. Шыршаларың да, өздеріңде сондай әдемісіңдер.
Жүргізуші: Сәлеметсің бе, Ақшақар. Әрине біздің балалар өздеріңді күтумен жолға қарай-қарай шаршады. Аяз атаға арнаған көптеген өлең – тақпақтары бар еді. Ал Атамыз қайда көрінбейдіғой. Басқа жаққа кетіп қалған жоқ па?
Ақшақар: Жо-жоқ. Аяз аталарың да келе жатыр. Қабы толы сыйлық, соны көтере алмай жүрген болар. Маған «сен ертерек бара бер, балалар тосып қалдығой, мерекені бастап беріңдер» деген. Ал, ендеше не тұрыс, мерекеге дайынсыңдар ма? Бастайық.
Қоян: Ой, балалар, мені құтқарыңдаршы. Ол мені жеп қоямын дейді.
Жүргізуші: Кім сені ренжітті, сен кімнен қорқып отырсың?
Қоян: Кім болушы еді – қасқыр! Мен естігенмін, ол жаңа жыл мерекесінде мені қуырып жеймін дейді.
Жүргізуші: Сен ешкімнен қорықпа, біз барлығымыз қосылып қасқырдан сені құтқарамыз. Қасқырды мұнда кіргізбейміз. Ал сен қоян бізбен бірге бол. Балалардың өнерін тамашала.
Қоян: Жарайды.
Тақпақтар:
Ақнұр:
Жаңа жыл жаңа жыл
Жаңа жылда жаңа жыр
Жасыл шырша жанында
Билеп барлық бала жүр
АхметАқ қырауға малынған
Сақалы да мұрты да.
Аяз ата сағынған,
Сәлем бepді жұртына.
НайлаАппақ тонға оранып,
Базарлықты мол алып.
Келді алыс сапардан,
Аяз ата оралып.
Кәусар:Жаңа жыл, жаңа жыл.
Жаңа жылда-жаңа жыр.
Жасыл шырша жанында
Жадырап бар бала жүр.
(желдің даусы)
Қасқыр:
Қаңғырамын үйім жоқ
Ормандардың иті жоқ
Ұрлық менің кәсібім
Тамақтанар кәсібім.
Ох, тамақ жегім келіп тұр. Қарным аш. Қоян қайда жүр екен. Мен мұнда қоянды іздеп келдім.
Жүргізуші: Қасқыр сен қоянды жеме. Одан да бізбен бірге бол, жаңа жыл мерекесін тойла. Балаларымыздың әндерін, тақпақтарын, билерін тамашала. Қоян кел мұнда қасқыр екеуің дос болыңдар.
Жүргізуші:Келіңдер жас ұландар,
Ертегімді тыңдаңдар.
Ертегімде сан қилы,
Қызық –қызық сырлар бар.
Жаңа жылдың кешінде
Аңдар келіп бір шешімге
Достаспақшы ниетпен
Жиналыпты келісімге.
Соныменен, балалар
Жаңа жылға арналған
Ертегіні көріңдер
Шын бағасын беріңдер.
(Музыка әуенімен ішке Ақшақар кіреді)
Ақшақар: Сәлеметсіңдер ме, балалар. Мені таныдыңдар ма? Мен-Ақшақармын. Бәрі мерекеге жиналып қалыпсыңдар. Шыршаларың да, өздеріңде сондай әдемісіңдер.
Жүргізуші: Сәлеметсің бе, Ақшақар. Әрине біздің балалар өздеріңді күтумен жолға қарай-қарай шаршады. Аяз атаға арнаған көптеген өлең – тақпақтары бар еді. Ал Атамыз қайда көрінбейдіғой. Басқа жаққа кетіп қалған жоқ па?
Ақшақар: Жо-жоқ. Аяз аталарың да келе жатыр. Қабы толы сыйлық, соны көтере алмай жүрген болар. Маған «сен ертерек бара бер, балалар тосып қалдығой, мерекені бастап беріңдер» деген. Ал, ендеше не тұрыс, мерекеге дайынсыңдар ма? Бастайық.
Жүргізуші: Ендеше қыздарымыздың биін тамашалаңыз.
Би:«Аққала ».
Ақшақар: Балалар, көп рахмет! Енді ортаға Аяз атамызды шақырайық.
Балалар: Аяз ата, Аяз ата.
Аяз ата: Келдім, келдім! Сәлеметсіңдер ме, балалар! Сәлеметсіңдер ме, қонақтар!
Асулардан алысқан,
Асау желмен жарысқан,
Аталарың сендерді
Сағынып келді алыстан.
Сендерді әрдайым есіме алып жүремін. Балғын жүздеріңді, жадыраған күлкілеріңді сағындым. Мерекелерің Құтты болсын!
Тауық:Сәлеметсіңдерме балалар жаңа жылдарың құтты болсын. Менде сендермен жаңа жылын тойлайыншы?
Балалар: Ия
Жүргізуші:Қош келдің тауық ендеше балаларымыздың Ақ қырау әнін тамашалаңыз.
Хор: « Ақ қырау»
Жансуйген Аяз –ата ақ сақалды,
Ақ таяқты паң ата,
Асып өтіп асқар тауды
Жеттің бізге таң ата
Амин:
Қайда қызық думан болса,
Аяз ата сонда болды.
Балалармен бірге ойнап
Балалармен бірге қонды.
Ердаулет:
Аяз келді қаһарлы
Айналаны қар жапты.
Ақ тон киіп орман тұр
Дәл атамдай салмақты
Абылай:
Аяз ата ақ сақалды
Ақ таяқты паң ата
Асып өтіп асқар тауды
Жеттің бізге таң ата
Жүргізуші: Жарайсыңдар балалар. Босқа қарап тұрмайық, балалар мерекемізді әрі қарай жалғастырайық.
Ит:Сәлеметсіздерме балалар мен итпін менің жылым,менде сендердің өнерлеріңізді бірге тамашалайын.
Жүргізуші: Ендеше жаңа жылға арналған жігіттер биін тамашалаңыздар.
Би: «Шырша»
Тақпақтар:
Раяна:
Безендіріп шыршаны
Жыл қуантты баршаны.
Той-маскарад басталды,
Аяз оны басқарды
Аружан:
Тамаша.тамаша!
Шыршамыз тұр жараса.
Басында әсем жұлдызы
Көз тоймайды қараса.
Сымбат:
Қалып едік сағынып,
Күтіп алдық жабылып.
Жолын қойдық жарық қып,
Шыршаларға шам іліп.
Ақшақар: Аяз ата мерекеміз өте көңілді өтіп жатыр., ал шыршамыз болса көңілсіз.
Аяз ата: Оны қазір жөндейміз.
Қуант бізді таңырқат,
Шамдарыңды жарқырат!
Шырша шамы жанады.
Сайқымазақ келеді. Сәлеметсіңдер ме балалар! Ой мына жер қандай әдемі! Балаларымыз қандай әдемі киініп алған! Балалар Жаңа жылдарыңыз құтты болсын! Мен сендермен мерекені бірге қарсы алайыншы.
Жүргізуші: Сәлеметсің бе сайқымазақ! Бізбен бірге бол.
Сайқымазақ: Балалар мен сендермен ойын ойнағым келіп тұр.
Ойын: «Кім жылдам қар түйіршіктерін жинайды?»
Жүргізуші: Аяз ата сіз отырып, демала тұрыңыз. Біздің балалар сізге арнап тақпақтарын айтады.
Тақпақтар:
Ұлысбек
Аспан жерге төгеді,
Ақ күмісін уыстап.
Жаңа жылда келеді,
Бізге қарай жылыстап.
Ислам:
Жаңа жыл Жаңа жыл
Жаңа жылға жаңа жыр
Жасыл шырша жанында
Билеп барлық бала жүр
Айзере:
Жаңа жылым мол болсын
Баскан қадам он болсын
Төрле Төрле Жаңа жыл
Бізге Құтты жыл болсын
Аяз ата: Ай жарайсыңдар, балалар
Ақшақар: Аяз ата, балалардың өнерлері қандай тамаша, тағы қандай өнерлерің бар, балалар біздің көргіміз келіп тұр.
Жүргізуші: Балалар бізге келген кейіпкерлермен билегілерің келеме?
Балалар: - Иә.
Аяз ата: Жарайсыңдар балаларым! Мені бүгін бір қуантып, алыс жерден шаршап келгенде көңілімді көтердіңдер. Барлықтарың да ақылды, білімді де өнерлі екенсіңдер. Киген киімдерің қандай әдемі! Солай емес пе қызым? Балалар менің әкелген сыйлықтарымды қабыл алыңдар. Риза болыңдар. Ал енді біз жолға шығайық. Басқа да балалардың өнерін тамашалайық. Ал, балалар, сендер өсе беріңдер, өркендей беріңдер. Аспандарың ашық болсын! Қош болыңдар!
Балалар: Сау болыңдар!
Ақшақар: Сау болыңдар!
Жүргізуші: Құрметті қонақтар, балалар! «Қош келдің, Жаңа жыл!» жылға арналған мерекеміз аяқталып қалды. Осындай керемет өтуге ат салысып жүрген ата - аналар, әріптестерім сіздерге де мың алғыс! Көріп тамаша!
