Урок по дефектологии

Оңтүстік Қазақстан облысы Шымкент қаласы № 89 мектеп-лицейі

тақырыбындағы

МұғалІм-дефектолог Сугирова Р.Е.

2017-2018 оқу жылы

Сабақтың тақырыбы: « Мамандықтар»

Сабақтың мақсаты: оқушыларды әр түрлі мамандықтармен таныстырып, сол арқылы оқуға, білім алуға деген қызығушылықтарын ояту;тақырып бойынша сөздік қорын байыту және байланыстырып сөйлеу дағдыларын қалыптастыру; білім дағдыларын:оқу және жазу,қарапайым математикалық амалдарды орындау икемділіктерін дамыту; айналадағы заттар және құбылыстар жайлы білімін кеңейту; зейінін,ойлау, есте сақтау қабілеттерін дамыту.

Көрнекіліктері: тақырыпқа байланысты көрнекіліктер.

Сабақтың барысы:

І. Ұйымдастыру кезеңі:

1) Сәлемдесу.

2) Күнтізбелік ақпарат.

3) Тақырыпқа кіріспе:

Мына жұмбақтардың шешуін табыңдаршы:

1.Алып жатқан жан-жақты,

Үйлерді кім тұрғызды. ( Құрылысшы)

2.Өміріңді күзеткен

Ысқырығы күшті адам.Ол кім? ( Милиционер)

3. Өскен шашты жаратпайтын

Қайшысы бар жалаңдайтын. ( Шаштараз)

Осы сөздердің барлығы нені білдіреді? Әрине, мамандықтарды.Бүгін біз мамандықтар туралы айтатын боламыз.

ІІ.Мамандықтармен танысу.

1. «Дәрігердің қабылдауында»Рөлдік ойын

Жақсы оқып сабақты,

Білім алып толамын.

Ауруларды емдейтін

Мен дәрігер боламын.

Оқушы дәрігердің киімін киіп, «дәрігер» роліне енеді:

• Сәлеметсізбе, мен дәрігердің қабылдауына келдім.

• Сәлеметсізбе,келіңіз.Сізді не мазалап тұр?

• Менің басым ауырып тұр.Қан басымымды өлшеп бересізба?

• Сіздің қан басымыңыз қалыпты жағдайда.

1. «Кішкентай сүретші » ойыны.

Адамның жүзін,

Басы мен көзін.

Айнытпай келбетін,

Салатын кім сүретін? (Сүретші)

Столға атақты адамдардың портреттері тізіліп қойылады.Оқушы бір сүретті мұқият қарап, есіне сақтап қалуы керек.сосын теріс айналып, сол адамды сүреттей бастайды.Ал мұғалім кім оның «моделі» екенін,айтып берілген сипаттамасына сүйеніп анықтауы керек.

1. «Мен құрылысшымын» ойыны(құм терапиясы).

Жалтылдап қалағы,

Қаланы кім салады? (Құрылысшы)

Оқушы кинетикалық құмдан өз арманындағы үйді құрады.

1. «Мұғалім боламын» сюжеттік ойыны

.

Білімнің дәнін тереді,

Балаға тәлім береді. (Мұғалім)

Оқушы мен мұғалім екеуі «міндеттерімен» ауысады. «Мұғалім» тақтаның алдына тұрып «оқушыға» сабақ үйретеді, ал «оқушы» партада отырып дәптерге тапсырмаларды орындайды.

1. «Кітаптар әлеміне саяхат» ойыны

.

Оқушыны кітаптар сөресінің алдына алып барып,кітаптардың және жазушылардың атын оқыту.

• Кітап-ұстаз,

Кітап-үйретүші,

Кітап-нағыз дос,жолдас.

Кітапты көп оқып,кітаппен дос болу керектігі айтылып өтіледі.

III.Дәптермен жұмыс.

Сөздік диктант.

Құрылысшы,ұшқыш, сатушы, дәрігер, мұғалім, тәрбиеші, әнщі, сауыншы, тігінші, аула сыпырушы, кәсіпкер, бағдарламашы, сәнгер, сазгер, бағбан, балықшы,теңізші.

IV. Қорытындылау:

-Бүгін біз қай тақырыпта әңгімелестік?

-Сен алдын естімеген қандай мамандықтармен таныстың?

-Болашақта қай мамандықты таңдайтыныңды ойланнып көрдіңба?

-Қазақта мынандай мақалдар бар «Еңбек етсең ерінбей ,тояды қарның тіленбей», «Еңбектің наны тәтті,жалқаудың жаны тәтті»

.Сондықтан, ерінбей еңбектеніп сабаққа жақсы қатысқаның үшін саған көп рахмет.

V.Үйге тапсырма:

Үйде «Менің болашақ мамандығым» тақырыбына әңгіме құрастыру.

VI.Бағалау:

Оқушыны ауызша мақтап–мадақтау арқылы бағалау