Звездная галактика

Сабақтың тақырыбы: «Біз нені білеміз және үйрендік» қорытынды сабағы.

Сабақтың мақсаты: оқылған материалды қорыту; ағылшын тілін оқып – үйренуге деген қызығушылықтарын қалыптастыру; ағылшын тілінің бірінші оқу жылындағы қорытындысы бойынша оқушылардың жетістіктері мен табыстарын көрсету.

Міндеттері: «Түстер», «Сандар», «Жануарлар», «Ойыншықтар», «Әліпби», «Отбасы», «Киім», «Ыдыс – аяқ» тақырыптары бойынша лексиканы қайталау; пәнаралық білімдеді пайдалануды үйрету; сөздік қорының кеңеюіне ықпал ету; тыңдау және сөйлеу дағдысын дамыту; оқушылардың ойлау қабілетінің дамуына ықпал ету; пәнге деген қызығушылықты одан әрі тәрбиелеу.

Алдын ала атқарылатын жұмыс: іс – шара басталғанға дейін мұғалім сабақтың қажетті материалдар мен жабдықтарды дайындайды; тақтаға 10 ғаламшар мен жұлдыздардың суреті, Муни мен Ақылды қарғаның суреттері ілінеді.

Қызығушылықты ояту кезеңі.

• Балалар, бүгінгі сайсымызға қош келдіңдер! Жыл ішінде біз көптеген жаңа нәрсені білдікғ үйрендік. Бүгінгі ойын сабағымызда кімнің не үйренгенін анықтаймыз. Ойынымыз жай ойын емес, сайыс – ойын. Кез келген сайыста ең бастысы – достық қарым – қатынас және қарсыласқа деген сыйластық. Сондықтан, біз кәдімгі шын достар ретінде бір – бірімізге сәттілік тілейміз: Good luck!

Ұйымдастырушылық – ізденістік кезең.

• Бүгінгі сайсымызда досымыз Moony және ақылды қарға Mr. Wise Crow қатысады. Олар осындай маңызды шарадан қалыс қалғылары келмей, сіздермен ойнағылары келіп тұр.

Фонетикалық жаттығу.

• Біздің көңілді Муни орманда серуендеп жүр. Ол қоңырауды сыңғырлатады: [nin – nin - nin] [nin – nin - nin]. Масаларды мазақтайды: [z – z - z] [z – z - z]. Бізді серуендеуге шақырады. [ei – ei - ei] [ei – ei - ei]. Қайтадан масаларды мазақтайды: [z – z - z] [z – z - z]. Масалар оған ызаланып, тістейді, ол айқайлайды: [ai – ai – ai] [ai – ai – ai]. Ол ауырсынып, [m – m - m] [m – m - m] дейді. Муниге ара ұшып келіп, оны тыныштандырады: [o – o - o] [o – o - o]. Енді Муни масаларды ешқашан да масаларды мазақтамайтын болады. Жарасын үрлейді. [w-w-w] [w-w-w].

Негізгі кезең. «Сиқырлы галактика».

• Ал енді балалар, галактикаға қызықты саяхатқа аттанамыз. Мәреге жету үшін барлық тапсырмаларды дұрыс орындауға тиіспіз. Әрбір дұрыс жауап үшін команда бір ғаламшар алады (педагог алдын ала қағаздан 20 жұлдызды қиып дайындайды).

1-ғаламшар

• Балалар, бірінші тапсырмада суреттер арасынан ағылшын әріптерін ғана табу керек. Жарайсыңдар! Әріптерді жақсы біледі екенсіңдер! (Мұғалім жеңімпаздарға жұлдыздарды береді).

2-ғаламшар

• Count from one to five. Kangaroos, count from five to ten.

3-ғаламшар

• Балалар үшінші ғаламшарда тапсырма салынған конвертті тауып алдық. Оны ашыңдар. What colour is it? It’s blue/red. It’s green/yellow.

4-ғаламшар

• Ал енді, балалар, біз жануарлар ғана мекендейтін ғаламшарға тап болдық. Назар аударыңдар! Командаларға тапсырма: 1-команда жабайы жануарларды таңдап, атайды; 2-команда үй жануарларын атайды.

Бұл тапсырмаға мұғалім балалар танысқан үй және түз жануарлары бейнеленген карточкаларды әзірлейді.

• Біздің сапарымыз жалғасуда және мен сіздерге біраз демалуды ұсынамын.

Мұғалім жыл ішінде жатталған әндер мен тақпақтарды пайдалана отырып, сергіту сәтін өткізеді.

5-ғаламшар

1-командаға тапсырма:ағылшын тілінде «Менің ағам бар», «Менің әпкем бар» дегенді айтыңдар.

2-командаға тапсырма: ағылшын тілінде «Менің әжем бар», «Менің атам бар» дегенді айтыңдар.

6-ғаламшар

• Балалар, алтыншы ғаламшарда өте көңілді тапсырма жасырылған. Көздеріңді байлап, ыдыс аяқтың суретін саласыңдар. Суретті салып жатып, әр затты ағылшын тілінде атаңдар.

7-ғаламшар

• Жетінші ғаламшар жай мес, бұл – музыкалық ғаламшар. Әр команда есте қалған немесе ұнатқан әнді орындауы тиіс.

8-ғаламшар

• Тағы бір ғаламшарға келдік. Бұл – ойыншықтар ғаламшары. Әр команданың қатысушыларының әрқайсысы өзінің сүйікті ойыншығын атайды.

9-ғаламшар

Мынау тағы бір ғажайып ғаламшар – киім дүкені. 1- команда ер балаларға киім таңдайды. 2 – команда қыздардың киімін таңдайды.

Балалар киімдерді таңдап, оларды ағылшын тілінде атайды (мұғалім киім бұйымдары бейнеленген карточкаларды алдын ала әзірлейді).

10-ғаламшар

• Бұл соңғы ғаламшар. Тапсырма мынандай: мен доп пен қуыршақтың қай жерде орналасқаны туралытақпақ оқыймын. Ал командалардың қатысушылары осы заттарды тауып алуы тиіс.

(Педагог заттарды алдын ала жасырып қояды).

1-команда: The ball is on the table.

The ball is under the chair.

The ball is in the box.

2-команда: The doll is in the bag.

The doll is on on the chair.

The doll is under the table.

Рефлексивті – түзетушілік кезең.

Қорытынды шығару. Жұлдыздарды санау.

• Жарайсыңдар, балалар! Өте жақсы жұмыс істедіңдер, көп нәрсені үйрендіңдер. Сіздерге жаңа жетістіктер тілеймін. Ағылшын тілін үйренуге көмектескен кейіпкерлерімізбен және бір бірімізбен қоштасайық.