«Полиязычие – открытый мир»

Тілдер күніне арналған интеллектуалдық сайыс

Тақырып: «Үш тілді білу – елге үлгі болу»

«Қазақстан халқы бүкіл әлемде үш тілді пайдаланатын жоғары білімді ел ретінде танылуға тиіс. Бұлар: қазақ тілі – мемлекеттік тіл, орыс тілі – ұлтаралық қатынас тілі және ағылшын тілі жаһандық, экономикаға ойдағыдай кіру тілі». Н.Ә. Назарбаев

Қайырлы күн, қасиетті қазақ тілінің жанашырлары! 22 – қыркүйек Қазақстан халықтарының тілдері мерекесіне орай – оқушылардың тіл байлығын, тілге деген қызығушылығын, құрметін, сүйіспеншілігін арттыру мақсатында өткізгелі отырған «Үш тілді болу – елге үлгі болу» атты сыныптан тыс шараға қош келдіңіздер.

22 қырқүйек күні бұл Қазақстан халқы бірлік пен берекенің үлкен мейрамын тойлайды. Ол - тілдер мерекесі. Түрі, тілі, діңі бөлек болғанымен жүрегі «Қазақстан – туған жерім, Отаным» деп соққан 130-дан астам ұлт өкілдері бір ауыздан жар салуда. Ендеше бүгінгі сыныптан тыс шарамыз да осыған арналмақ.

Жоспары:

1. Ұйымдастыру бөлімі

2. Негізгі бөлім

а) «Қазақстан» сөзінен сөздер құрау

ә) «Сұрақ - жауап»

б) «тапқыр болсаң, тауып көр»

в) «Үш тілді білу – заман талабы»

3. Қорытындылау

4. Бағалау

Тілдер мерекесіне байланысты слайд көрсетіліп, бірнеше сұрақтар қойылады.

Сабақтың тақырыбы: «Үш тілді білу – елге үлгі болу»

Сабақтың мақсаты:

Білімділік: Оқушыларға қазақ тілі, орыс тілі, ағылшын тілі пәндері бойынша тапсырмаларды орындата отырып, өз ойларын үш тілде жеткізе білу, сауатты жазып, оқу дағдыларын қалыптастыру.

Дамытушылық: Өзіндік пікірін еркін жеткізуге ықпал ету.Сыни тұрғыдан ойлауды дамыту.

Тәрбиелік: Тапсырма, мысалдарға арқау болған сөйлемдер арқылы мемлекеттік тілінің әр сөзінің қадірі мен қасиетін танып, құрметтеуге өз тілдерін сүйіп, өзге тілді құрметтеуге тәрбиелеу.

Сабақтың түрі: сайыс сабақ

Сабақтың көрнекілігі: интерактивті тақта, таратпа материалдар.

Сабақтың барысы.

І. Ұйымдастыру бөлімі.

тренинг. Жүректен - жүрекке. Оқушылар бір - бірлеріне жақсы тілектер айтып, қолдарындағы смайликтерді бір –біріне беріп (смайликтер екі түрлі, сол арқылы оқушыларды екі топқа бөлемін) сайысымызды бастаймыз.

1 топ – сары түсті

2 топ – жасыл түсті

Сайыстың әр бөлімінде топтардың әрбір дұрыс жауабына бір смайлик беріліп отырады.

ІІ. Негізгі бөлім:

1. «Қазақстан» сөзінен сөздер құрап оларды қазақша, ағылшынша, орысша айту керек. Қазақстан сөзінен жаңа сөздер құрастыр.

2. Сұрақ – жауап кезеңі. Бұл кезеңде әр топқа 10 сұрақтан оқылады. Оқушылар «ия», «жоқ» деп жауап береді. Әрбір дұрыс жауапқа 10 ұпай беріледі.

І топтың сұрақтары:

1. Междометие является частью речи? (да)

2. В предложении глагол бывает сказуемым? (да)

3. Омонимы одинаково пишутся и одинаково звучат? (да)

4. Қазақстанның астанасы Алматы қаласы ма? (жоқ)

5. Ағылшын тілінде 44 дыбыс бар (ия)

6. «Past Simple» дегеніміз осы шақ (жоқ)

7. «Pen – friends» сөзінің аудармасы «қаламдас достар» (ия)

8. Қазақ тілінде жалғаудың бес түрі бар (жоқ)

9. Қазақ тілінде 7 септік бар (ия)

10. Қазақ тілінде бастауыш сөйлем соңында тұра ма? (жоқ)

ІІ топтың сұрақтары

1. Фонетика изучает состав слова? (нет)

2. К главным членам предложения относятся подлежащее и сказуемое? (да)

3. Антонимы слова противоположного значения? (да)

4. Қазақ тілінде сегіз сөз табы бар? (жоқ)

5. –лар, -лер, -дар, -дер көптік жалғауы ма? (ия)

6. Фразеология тұрақты сөз тіркестері туралы ілім? (ия)

7. Англияның астанасы Лондон? (ия)

8. Ағылшын тілінде 30 әріп бар (жоқ)

9. «Parents» дегеніміз достар (жоқ)

10. «Past continuous» дегеніміз созылмалы осы шақ? (ия)

1. «Тапқыр болсаң, тауып көр» кезеңі. Бұл кезеңде әр топқа жұмбақтар жасырылған ұяшықтар беріледі. Оқушылар ұяшықты таңдап, жұмбақтың шешуін тауып оны орыс және ағылшын тілдеріне аудару керек. Толық әрі дұрыс жауапқа 50-ұпай беріледі.

2. Суретті жұмбақ: слайд арқылы суреттер беріледі сол суреттердің атауын орысша, қазақша , ағылшынша айту керек.

3. «Шешендік» (оратор) – бөлімінде оқушылар берілген тақырыпқа 5-6 сөйлемнен тұратын мәтін құрастырып, оны үш тілде оқып береді.

4. «Үш тілді білу – заман талабы» тақырыбында жарнама жасау.

Шығармашылық тапсырма. Әр топ өз қиялдарымен, тапқырлықтарымен жарнама жасап, «үш тілділік» туралы өз ойларын суретпен салып, сол суреттерін қорғайды.

ІІІ. Қорытындылау:

«Жеті жұртың тілін біл,

жеті түрлі білім біл» деп халық даналығында айтылғандай, бүгінгі сабағымызда үш тілдің ерекшелігіне тоқталып, «Тілден биік асқар жоқ, тілден асқан байлық жоқ, тілден терең теңіз жоқ» екеніне көзімізді жеткіздік. Үш тілді білу – заман талабы, әйтсе де қанша тіл білсек те өз тілімізді ұмытпайық. Бүгінгі сайыста көп смайликтер жинаған топ «Үш тілдің білгірлері» атанады әрі марапатталады. Осы смайликтер арқылы оқушылар бүгінгі сабақтан алған әсерлері мен көңіл – күйлерін тауып көрсетіп, сайысымызды аяқтаймыз.

Қатысқандарыңызға рахмет!