Жер - ана тақырыбы өзін-өзі тану сабақ жоспары 4 сынып

Сабақ мақсаты:

Оқушыларға Жер- ананы қадірлеу туралы түсінік беріп, сүйіспеншілік құндылығының мәнін ашу. Міндеттері: -адамдардың жерге деген сүйіспеншілігінің маңыздылығын түсіндіру; - жерге қамқорлық жасау қарым-қатынастарын дамыту; -жерді қадірлеуге , жақсылық жасауға тәрбиелеу;

Ресурстар:үнтаспа, интерактивті тақта,слайд, 4 постер таза, қарындаштар, глобус, қоржын, көбелектер, гүлдер, шуақтар қималары, табиғат көрініс плакаты, тақырып жазылған плакат, 5Т жазылған плакат, кабинет шарлармен әсемделеді

Сабақ барысы:

Ұйымдастыру кезеңi. Оқушылармен амандасып, «Өзін- өзі тану» сабағының ережесін «5-Т» қайталау. Бүгінгі күн ерекше Терезеден күн тұр қарап Сондай жақсы көңіл-күймен Басталады бұл сабақ Балалар, бүгінгі сабақ ерекше, себебі бізге қонақтар келіп отыр, олар да сіздер сияқты өзін-өзі тану пәнін сүйер қауым, сондықтан да бұл «ашық сабақ» деп аталады. Ойымызды, жүрегімізді барынша ашып, мейірімізді бір-бірімізге төгіп отыруға ұсынамын.

Тыныштық сәті Орманға ойша саяхат.

Үй тапсырмасын тексеру Э.Шимның «Көктем иісі» әңгімесі

Сұрақтар:

• Бала көктем иісін қалай сезінді?

• «Көктемнің иісі» деген ұғымды сендер қалай түсінесіңдер?

Сабақ барысын талдау

Дәйексөз.

«Баптағанға – жер жомарт. »

Халық мақалы

-Жерді қалай баптаймыз деп ойлайсыздар?

- Жердің жомарттығын қай кезде білеміз?

Әңгiмелеу (мұғалімнің сыйы Қаңбақ

(Аңыз әңгіме)

Бір бай баласының он үшке толған күніне арнап, қонақтар шақырыпты. Қариялар дастархан басында отырып, әңгіме-дүкен құрса, жастар жағы көкорайда күш сынасып ойнапты. Біреудің буырқанған күші үшін, біреудің әдемі айла әрекеті үшін қол соғып, мәз болысыпты. Бірақ бай баласынан жұрт мақтарлық қасиет таба алмапты. Ешқандай өнер көрсете алмаған можан-топай баласы үшін бай іштей налып қалыпты. Жоқтық көрмей, шалқып өскен жалқау баланың қолынан не келуші еді?! Бар білгені – түкіру. Оқыстан келген ойға бай қуанып кетіп, кім алысқа түкірсе, соған беріледі деп, бәйгеге тайлақ тігіпті. Өзінен өзі белгілі: бұл жарыста бай баласы алдына жан салмайды. Жүлдені сол алады. Қуанғаннан әке көңілі өсіп, тағы бір семіз ісек сояды. Ішіп-жеп, тойғанына мәз болған халық бай баласын мақтап бағады. Кешқұрым жел тұрып, құм боран соғады. Үш тәулікке созылған дүлей дауылдан, оның ыстық демінен көкорай шалғын қурап, құдықтарды құм басып қалады. - Бұл неғылған зауал?!-дейді әрлі-берлі өткендер. - Жер- біздің анамыз,- дейді бір ақылды азамат. – Жерге түкіру деген не сұмдық?! Жерді ренжітуге болмайды. Жердің бетіне тиген түкірікті көздің жасы мен ғана жуа алады. Елдің айтуына қарағана бүгінде сол жерде шөлге айналған тәрізді. Күн қақтаған тулақ далаға тек қана түйетікен өсетін көрінеді. Ал ауыл адамдары қайтті дейсіз ғой?! Қайтсін, үдере көшеді. Қаңбақ сияқты әлі күнге босып жүрген көрінеді.

Талқыланатын сұрақтар:

• Бұл әңгімеден қандай ырымды байқадыңдар?

• Жердің өкпесін неден көрдіңдер?

• Жерге жасаған жамандықтың салдары бола ма?

Әңгімені тыңдап, сұрақтарға жауап береді

Шығармашылық жұмыс Сіздер де осы жер анаға деген сүйіспеншіліктеріңізді шығармашылық жұмыс арқылы білдірулеріңізге болады.

Ол үшін сіздер Данышпан атаның жіберген қоржынынан бір-бір қимадан алуларыңызды сұраймын.

(Қоржынның ішінде көбелектер, гүлдер, шуақтар, бұлттар қиындылары жатады)8-ден бөлу

Сонымен, бізде төрт топ пайда болды. Гүлдер тобы, көбелектер тобы, шуақтар тобы және бұлттар тобы.. Енді әр топтан бір өкіл келіп тапсырмаларыңызды алуларыңызды сұраймын.

1.Жер ананы не үшін жақсы көресіздер?

2.Жер ананы құтқару үшін не істеу керек деп ойлайсыздар?

3.Жер-ананы көркейту үшін қандай мамандық иесін таңдайсыздар?

4.Жер анаға қандай қамқорлық көрсетер едіңдер?

Осы сұрақтарды ашу үшін әр топтың алдында постер мен түрлі түсті маркерлерді қолданып жоба жасауларыңызды сұраймын.

Топпен ән айту. Балалар көңіл-күйлеріңіз қалай?

Көңілімізді көтеру үшін тұрып, әнді топпен, билеп айтуға ұсынамын

«Әрқашан күн сөнбесін»

1. Күн әдемі, көк әлемі, 
Бұл суреті жас баланың. 
Ақ қағазға салған өзі, 
Жазылған бар сөзі. 

Қайырмасы: Әрқашан күн сөнбесін, 
Аспаннан бұлт төнбесін, 
Қасымда болсын мамам, 
Болайын мен де аман. 

2. Айрылмас дос, айнымас дос, 
Бейбіт өмір керек елге. 
Отыз беске біз келсек те, 
Тұрар жүрек сөз есте. 

3. Анда солдат, мында солдат, 
Халық оқтан шошынады. 
Сұм соғысты, кан төгісті, 
Болдырмаймыз сәби үшін.

Ерекше көңіл- күймен айтады.

Үй тапсырмасы. 132 беттегі Ы.Алтынсариннің «Таза бұлақ» әңгімесін оқу

Күнделіктеріне жазады

Соңғы тыныштық сәтi. Баяу әуен қойылады. Оқушылар денесін, басын тік ұстап, көзін жұмып отырады.

Мұғалім жәй дауыспен:

- Әрқайсымыз оң қолымызбен жүрегімізді ұстап көрейік. Өз жүрегіміздің жылылығын сезініп, жүрек жылуымызды адамдарға, айналамызға жеткізу үшін іштей оларға жақсы тілектер тілейік. Жақсы ой ойлайық, жақсы сөз сөйлейік, жақсы іс жасайық! Бүгінгі сабақтан алған әсерлеріңізді жүректеріңізге түйіп алыңыздар. Рахмет! Көздеріңді ашуға болады.