Сабақ мақсаты: Балалардың «сөз», «сөз құдіреті», «тіл табысу» ұғымдары туралы түсініктерін кеңейту.
Міндеттері:
сөзді түсіне білу, сөйлеу дағдыларын қалыптастыру;
адамдармен жағымды қарым – қатынас жасау іскерліктерін дамыту;
өзара сыйластыққа тәрбиелеу. Ресурстар:(құралдар, мәлiметтер)
Оқулық, дәптер, үнтаспа, қанатты сөз, күнделік, түсті бояулар
Сабақ барысы:
Ұйымдастыру кезеңi.
Оқушылармен амандасып, «Өзін- өзі тану» сабағының ережесін «5-Т» ұстанымын қайталау. Оқушылардың оқу құралдарын тексеру.
Тыныштық сәтi. «Нұрға бөлену»
(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).
Оқушылар өз әсерлерімен бөліседі.
Үй тапсырмасын тексеру
№13 сабақ, М.Жұмабаевтың «Сөз және мағына» атты мәтінді түсініп оқу.
«Қай көршісі адамның айтқанын дұрыс түсінді ?
Сөзді әр кезде тура мағынасында қабылдау қажет пе?
«Сөз астары» дегенді қалай түсінесіңдер?
Адамдармен қалай тіл табысуға болады?
Дәйексөз
«Сөзді бағалау, сөзге тоқтау, сөзден мағына іздеу адамды мәдениеттендіре түседі» (І.Омаров)
(Бірінші қыздар ; екінші ұлдар; үшінші сынып болып қайталау)
Дәйексөздің мәнін ашу.
Мақалды дәптерге жазып, жаттап алу. Оқулық
Ілияс Омаров (1912-70) мемлекет және қоғам қайраткері, әдебиет сыншысы, жазушы, публицист.
Әңгімелеу. (Мұғалім сыйы)
«Басқа пәле – тілден»
Бір ауқатты әйел ақылгөй қариядан кеңес сұрауға келеді. Ол жан дүниесін таза ұстағысы келетінін, бірақ жеңе алмай жүрген бір кемшілігі бар екенін айтады. Ақылгөй егер шын ниеті болса, жеңілмейтін кемшілік жоқ екенін айтты.
Әйел өзінің кемшілігі - басқалар туралы әңгімелейтінін, қанша талпынса да осы әдеттен құтыла алмай жүргенін айтады.
Маған көмектесе аласыз ба? – деп сұрайды.
Жақсы, - дейді ақылгөй.
Базарға барып, тауық сатып ал. Үйге қайтып келе жатқанда, мамықтарын бір – бірлеп жұлып, көшеге лақтыра бер, сосын маған кел, - дейді.
Әйел таң қалады. Келесі күні барлық айтқандарын бұлжытпай орындап, қайтып келеді.
Өте жақсы, - дейді ақылгөй, - бірінші тапсырманы орындадың. Енді екінші тапсырманы орында.
Базарға бар, қайтып келе жатқанда, кеше лақтырған қауырсындарды теріп ал, - дейді.
Бұл мүмкін емес қой, - дейді әйел.
Жел оны жан – жаққа ұшырып алып кетті. Қалай жинап аламын?
Бұл сөздер әйелге қатты әсер етіп, ол үйге келгесін, жаман ойлар мен басқалар туралы нашар сөздер айтпауға бекінді.
Сұрақтар:
-Данышпан әйелге қандай тәлім берді?
-Сендер әйелдеің сұрағына қалай жауап берер едіңіздер?
-Неліктен біреу туралы ғайбат сөз айтуға болмайды?
Шығармашылық жұмыс:
Оқушыларды екі топқа бөлу.
Жағдаятты талдау
Ғ.Мүсіреповтың қазақ халқының сәлемдесу салты туралы пікірін оқып, жалғастыру.
Оқулық
Топпен ән айту.
Топпен ән айту
«Құндылықтар әлемінде» («Ертегілер әлемі» сазымен)
Сөзі:Мұғалімдер шығармашылығы
Әні: К.Елгезеков
1.Ақиқаттың әнін,
Айтамын күнде мен.
Бөбек әлемінің
Сырларын түсініп,
Нұрына шомылдым күннің.
Тыныштық жан - көркем,
Керемет ол неткен,
Ар- ұждан сөйлейді,
Жүректі тербейді
Бақытқа жетелейді
Қайырмасы:
Құндылықтар – мәңгі әнім,
Құндылықтар – өмір мәні
Ізгіліктің ғажап күйіне
Ертесіңдер сендер.
Үйге тапсырма.
№14 сабақ, М.Көшімов «Сөйлеу әдептері» мәтінді оқып, сөйлеу ережесін құрастыру.
Сонғы тыныштық сәті:
(Баяу әуен қойылады.)
-Көзімізді жұмып, тыныштықта бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. Біз де әрқашан жақсылық жасауға ұмтылайық. Енді көздеріңді ашсаңдар да болады. Келесі кездескенше сау болыңдар!
