Сабақ жоспары ""Махаббат өмір мәні"

Сабақ мақсаты: Оқушыларға өмірдің сүйіспеншілік құндылығындағы мәнін ашу.

Міндеттері:

• Оқушыларға риясыз сүйіспеншілік құндылығының адам өміріндегі мәнін түсіндіру;

• Балалардың бойындағы кешірімшіл болу, адалдық, сенімділік, ізгілік қасиеттерін дамыту;

• Оқушыларды өз анасын, жақындарын, достарын, айналасындағы адамдарды риясыз сүйіспеншілікпен жақсы көруге тәрбиелеу.

Ресурстар:(құралдар, мәлiметтер)

Оқулық. дәптері, түрлі түсті бояулар, қанатты сөз, үнтаспа, күнделік.

Сабақ барысы:

• Ұйымдастыру кезеңi. Оқушылармен амандасып, Оқушылардың оқу құралдарын «5 затты» тексеріп, «Өзін - өзі тану» сабағының ережесін «5-Т» (тәртіп, талап, тыныштық, тазалық, татулық) қайталау.

Тыныштық сәті. «Ойша теңіз түбіне саяхат жасау»

Оқушылар өз әсерлерімен бөліседі.

• Үй тапсырмасын тексеру.

Үй тапсырмасына №9 тақырыптағы (36-37 бет) З. Воскресенскаяның «Ана» атты әңгімесін оқып, өз түсінігі бойынша толықтырып келу берілген.

Мәтін бойынша пікір алмасу сұрақтары:

1. Ана деген ұлы ұғымды қалай суреттер едіңдер?

2. Ананың өз перзентіне деген шексіз сүйіспеншілігі жайлы не айтасыңдар?

3. Неліктен адам есейіп кетсе де анасының махаббатын аңсайды?

Сабақ барысын талқылау:

Үнтаспа

Оқулық

3. Дәйексөз

«Адамзаттың бәрін сүй , бауырым деп»

(Абай Құнанбаев)

Бір рет ұлдар, бір рет қыздар, бәрі қосылып айтады.

• Осы дәйексөзден не түйдіңіздер?

Дәйексөз оқушылармен бірге талданып, мәні түсіндіріледі.

Адамгершілік сабақтар оқулығынан

А. Құнанбаев ақын, дастаншы, аудармашы, сазгер, ғұлама – ойшыл, гуманист, ағартушы болды. Абай поэзиясы – имандылық, терең адамгершілік, ойшылдыққа баулиды

4. Әңгiмелеу (Мұғалім сыйы).

Аңыз әңгіме: «Өмір сүрудің ең жақсы жолы»

Ф. Тайтелиев

Шағын ғана бір ауылда орта жастағы бір кісі дүкен ашып сауда жасамақ болады. Сөйтіп, алға қойған жоспарын бастап та жібереді. Ол ақ көңіл , жайдарлы болғандықтан, ауылдың адамдарының бәрі оны жақсы көретін. Оның дүкеніне барып сауда жасайтын.Ауылдың тұрғындары тамыр-таныстарын да сол адамнан сауда жасауға кеңес беретін.Шаруасын кішігірім дүкеннен бастаған адам, бір жылдың ішінде Американың түкпір-түкпірінен сондай шағын дүкендер ашып тастайды.

Бір күніауыр науқастанып, бұл дүниеден өтерін сезген адам, артында қалған үш ұлын қасына шақырып:

-Үшеуіңнің біреуі барлық дүкендерімнің иесі болады. Мирасымды соған қалдырамын. Менің арттағы дүние – мүлкіме қайсысың лайықты екенін білу үшін үшеуіңе де бір-бір доллардан беремін. Осы долларға бір нәрселер алыңдар. Кешкісін келгенде осы бөлмемді толығымен толтыру керек. Шартым осы.

Ұлдары үлкен компанияны басқару мүмкіндігінен айырылып қалуды ойлап, не істерлерін білмей қатты абыржиды. Қалаға барып үшеуі де долларларын жаратты.

Кешкісін әкелерінің қасына келген кезде, үлкен баласы:

-Досымның шаруашылығына барып екі қап сабан сатып алдым,- деді де қаптарды ашып сабанды әр тарапқа шаша бастады.Алайда көп ұзамай сабандар еденге түсіп, бөлмені толтыра алмады.

Екінші баласы:

-Дүкенге барып екі жастық сатып алдым , - деді де жастықтарды сөгіп,ішіндегі жүнін бөлменің ішіне шашып тастады.Бірақ жүн де көп ұзамай жерге түсіп, бөлмені толтыра алмады.

Үшінші ұлы:

-Долларды ұсақтап, 50 центін мешітке бердім, 20 центін қайырымдылық қорға бердім, 20центін десадақа ретінде тараттым. Қалған 10 центке екі нәрсе алдым,- деді де қалтасынан сіріңке мен шырақты шығарды.Бөлменің жарығын сөндіріп, шырақты жақты.Сабан мен жүнге толмаған бөлме аз уақыттың ішінде шырақтың нұрына бөленді.

Әке баласына риза болып:

-Мирасымды саған қалдырамын. Өйткені өмір сүрудің ең жақсы жолы- айналаңа жарық тарату!

Мәтін бойынша сұрақтар:

1.Балаларына шарт қойғанда, әкесі қандай тәрбие бергісі келді?

2. «Айналаңа жарық тарату» дегенді қалай түсінесің?

3.Кенже баласының іс – әрекетін риясыз сүйіспеншілікке жатқызуға бола ма?

Түйіндеме.

Өмір дегеніміз- Алла тағаланың бізге берген сыйы, бір мүмкіндігі. Өмір кейде жұмсақ, кейде қатал болады. Бірақ адам өмірге қайталап келмейді. Әрбір қиындықтармен күресе білу керек. Өмір дегеніміз- адамға бір-ақ рет берілетін баға жетпес тәңірдің сыйы.

Балалар әлемі сайтынан

5. Шығармашылық жұмыс, топтық жұмыс./түспен бөлу /

Оқушыларға екі топқа бөліну ұсынылады.

1 тапсырма

1 топқа: «Ана» сөзіне топтастыру жасау, яғни анаңның жақсы көргенде айтатын сөздерін жазу.

2 топқа: «Әке» сөзіне топтастыру жасау, яғни әкеңнің жақсы көргенде айтатын сөздерін жазу.

Әр топ мүшелері жұмыстарын қорғайды.

2 тапсырма

1 топ - анаға арнап өлең шығарады.

2 топ – әкеге арнап өлең шығарады.

Плакат

Түрлі түсті бояулар

6. Топпен ән айту.

«Әке туралы жыр»

Интернет желісі

7. Үй тапсырмасы.

№11 сабақ, «Отбасы туралы» аңыз әңгімені оқу.

Оқулық

8. Соңғы тыныштық сәтi.

Баяу әуен қойылады.

Көзімізді жұмып, еркін жайғасайық. Енді, бүгінгі өткен сабағымыздан нені түсіндік, қандай жақсы нәрселерді үйрендік, өзімізге нені алдық? Сол жөнінде ойланайық. Осының барлығын жүрегімізге салып, көкейімізге түйіп алайық. Жайлап, көздеріңізді ашуға болады. Бүгінгі керемет сабақ үшін сіздерге рахмет!

Әдістемелік

нұсқау

(баяу әуен)