Өзін-өзі тану пәні. Тақырыбы: "Бақыт құшағында"

Сабақ мақсаты: «Бақыт» ұғымы туралы түсіндіре отырып,ішкі тыныштық құндылығының мәнін ашу.

Міндеттері:

-Қарапайымдылық туралы ұғындыру.

-Оқушылар бойындағы адамгершілік қасиетін дамыту.
-Оқушыларды қарапайымдылыққа,адамгершілікке,сыйластыққа тәрбиелеу.  

Ресурстар:

слайд,видео, карточкалар

Сабақ барысы:

1. Үйымдастыру кезеңі. (2мин)

- Сәлемдесу -Оқушыларды түгелдеу -Сабақтағы жағымды күйге келу

Тыныштық сәті. (3мин) Нұрға бөлену.

2. Үй тапсырмасын тексеру. (8мин)

9- сабақтағы Б.Момышұлының «Бақыт дегеніміз....» әңгімесін оқып келу.
Сұрақтар 
- Шәкірттер ұстаздан не туралы айтып беруді ұсынды? 
- Бақыт туралы ұстаз қандай ой айтты? 
- Бақытқа жету үшін не істеу керек деп ойлайсындар? 

Сабақ

барысын талқылау:

3. Дәйек сөз. (5мин)

Өзін-өзі білген ер бақытты,

Өзін-өзі билеген ел бақытты.

Халық даналығы

4. Әңгімелеу (сұхбат) (10 мин) Аңыз айту.

«Бақытты адамның көйлегі». (Шығыс ертегісі) Ерте-ерте-ертеде бір хан өмір сүріпті. Ханның, сұлулығын жан татпаған қызы болған екен. Бір күні ханның қызы қатты ауырып қалады. Қыздың ауруына ешқандай емші дәру таппайды. Сөйтіп бір күні елде ең жақсы деген емшіні шақырады. Емші қызды қарап, «Сіздің қызыңызға бақытты адамның көйлегін кигізу керек» – деп айтады.Сонда хан өз сарбаздарын бақытты адамның көйлегін тауып әкелуді бұйырады. Іздеп-іздеп, сарбаздар бір байдың үйіне келеді. Байдан «Бақыттысың ба?» деп сұраса, бай «Бақыттымын» деп жауап береді. Сонда олар байдың көйлегін сұрап, ханның қызына апара жатқанын баяндайды. Сонда бай: «Менде байлық та бар, бәрі бар, бірақ балам жоқ. Сондықтан менің көйлегім қызға көмек бола алмас» деп жолаушыларды шығарып салады. Сөйтіп, сарбаздар баласы көп бір отбасына келеді. Отағасынан «Бақыттысың ба?» деген сұраққа, «Балаларым көп болғанмен, кейде оларды асырауға шамам жетпей жатады. Егер біраз қаржым болса, бәлкім толыққанды бақытты болар ма едім» дейді. Сарбаздар тағы да іздеуге көшеді. Ізденістері ұзаққа созылады. Енді қолды бір сілтеп, сарайға қайтамыз ба деп жүргенде, кішкентай бір шалаштан жарық көреді. Жақындай келе іштен: «Мен неткен бақытты едім, бүгін нан тауып жедім!» деген ризалы дауысты естиді. Ішке кіріп, көйлегін сұрайын десе кедейдің көйлегі жоқ екен

Сұрақтар 
- Патшаның мазасын алған қандай ой еді? 
- Неліктен уәзірлер бақытты адамды таба алмады деп ойлайсыңдар? 
- Бақытты болу дегенді өздерің қалай түсінесіңдер?

5.Шығармашылық жұмыс, топтық жұмыс. (10 мин)

«Бақытты болғым келеді» тақырыбында ой - толғау жазу. (Мағынаны тауып жазыңдар) Бақыт қонды-.. Бақыт құшағында-... Бақыт таңы атты-... Бақытқа бөленді-... Бақыты жанды-...

«3 нәрсе»

Өмірде ешқашан оралмайтын 3 нәрсе.
Өмірде адамды құртатын 3 нәрсе.

Өмірдегі ең қымбат 3 нәрсе.

Өмірдегі тұрақты емес 3 нәрсе

Өмірдегі адамды анықтайтын 3 нәрсе.

1) Өмірде ешқашан оралмайтын 3 нәрсе: 1. уақыт 2. мүмкіндік 3. сөз 2) Өмірде адамды құртатын 3 нәрсе: 1. шарап 2. көкірек кеуде 3. ашу 3) Өмірдегі ең қымбат 3 нәрсе. 1. сенім 2. махаббат 3. достық

4) Өмірдегі тұрақты емес үш нәрсе? 1. арман 2. сәттілік 3. байлық

5) Өмірдегі адамды анықтайтын үш нәрсе? 1. еңбек 2. адалдылық 3. жетістік

Өмірді аяла

Өзіңе сен, өзіңнің күшіңе сен,

Қос қолыңмен істелген ісіңе сен.

Алысыңда сыйлайды, жақыныңда,

Өзіңді өзің төменге түсірмесең.

Өз қайығың, бар болса өз ескегің,

Өмірде мен сені осал десем.

Қимылдай бер, тарта бер ескегіңді,

Шығады алдан жап-жарық келешегің.

Қозғалмасаң, тоңазыр көлеңкең де,

Ескегіңді ес, бір мезет тоқтай көрме.

Өз қайығың болғаны қандай жақсы,

Қашан, қайда барсаң да өз еркінде.

Өкінсең де өткенің оралмайды,

Өшкен отың қайтадан жана алмайды.

Сен жасаған күнәні бір досың да

Бөліп-жарып өзіне ала алмайды

6.Топпен ән айту (3 мин)

Бақыт құшағында 
Сөзі Т. Молдағалиевтікі 
Әні Ш. Қалдаяқовтікі 
1. Көзіңнен бір ұшқын, 
Ұштым ба білмедім. 
Әйтеуір нұр құштым, 
Әйтеуір гүлдедім. 
Көктемнің бұлбұлы 
Кеудеме қонады. 
Құшаққа қыр гүлі 
Толғандай болады. 
Қайырмасы: 
Кел, билейік, кетпе менің қасымнан, 
Қызғалдағым таң нұрымен ашылған. 
Сезім шіркін ақ жаңбырға ұқсайды, 
Алматыда жаңа жауып, жаңа жауып басылған. 
2. Әнбісің төгілген 
Жырмысың армандай 
Бір бақыт көрінген 
Жақындап қалғандай 
Жанардың ұшқыны 
Жүректе жанады. 
Қолыңның ыстығы 
Қолымда қалады. 
Қайырмасы. 
3. Мен бүгін бұлақпын 
Ілгері жүгірген. 
Бір нәзік шуақпын, 
Жаныңа үңілген 
Сүйемін мен күнді, 
Көңілді жалынды. 
Сен биле еркімді 
Әлдиле жанымды. 
Қайырмасы. 

7. Үй тапсырмасы:

10- сабақ Д.Дефоның «Робинзон Крузо» үзіндіні оқып келу.

8. Соңғы тыныштық сәті. (3мин) ( Тыныштық... бар жерде, тыныштық... бүкіл әлемде)  Балалар денелеріңді тұзу бастарыңды жоғары көтеріп ыңғайланып отырыңдар. Көздеріңді жұмуыңа да болады. Ауаны терең жұтып, еркін дем алыңдар. Денелеріңді бос ұстап, айналадағы барлық тіршілік иесі сіздерді аялап, қоршап қамқор болып тұр. Сіздердің бойларыңыз жақсылыққа, махаббатқа толы екенін ұмытпаңыздар. Өздеріңді бақытқа шипалы ауаның тұла бойларыңа толғанын сезініңдер.