Өзiн-өзi тану сабағының жоспары
Мұалім: Бакишева Г.Н Сынып 6 «А» №21
Мерзімі: 10.02.17
Оқушылар саны:
Тақырып: Мөлдір бұлақ – жасыл құрақ
Құндылық: қиянат жасамау
Қасиеттер: мейірімділік,қамқорлық, жанашырлық
Сабақ мақсаты: оқушыларға қоршаған ортаға,табиғатқа деген,қамқорлықты,мейірімділікті, қиянат жасамау арқылы түсіндіру Міндеттері: - оқушылардың қоршаған ортаға,табиғатқа қамқорлық жасауда түсінік беру - оқушылардың табиғатқа, қоршаған ортаға, жақындарына деген мейірімділік, жанашырлық, қамқорлық қасиеттерін дамыту - табиғатқа мейірімділікпен қарауға, қамқорлық жасауға,жанашырлыққа тәрбиелеу
Ресурстар:(құралдар, мәлiметтер)
Сабақ барысы Ұйымдастыру кезеңi. Оқушылармен амандасып, «Өзін- өзі тану» сабағының ережесін «5-Т» қайталату Тынышты сәті Нұрға бөлену
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге,достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын. Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын. Нұр менің ішімде. Мен Нұрмын». Осындай Нұр, Махаббат және Тыныштық күйінде отыра тұрыңыз. Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.
Үй тапсырмасын тексеру
Табиғат туралы мақал мәтелдер жазу.
Сабақ барысын талдау
Дәйексөз.
Таза болса, табиғат, Аман болар адамзат.
Ф.Оңғарсынова
-Дәйексөздің мағынасын қалай түсінесіңдер?
Әңгiмелеу (мұғалімнің сыйы) Бейнеролик Табиғатты аяла
Шығармашылық жұмыс
1 топ: Жойылып, құрып кету қаупі төніп тұрған табиғат атынан өтініш хат дайындау;
2 топ: «Табиғатты қорғау және сақтау» атты сурет сал
3 топ: Табиғатқа байланысты айтылған тыйым сөздер жазу
Топпен ән айту.
Атамекен
Жасыл жайлау – түкті кілем, көк кілем
Көк кілемде көп аунаймын, көп күлем
Маңдайынан сипап өткен самалды
Қазағымның алақаны-ау деп білем
Қайда жүрсең атамекен
Көкейінде жатады екен
Күннің өзі ұясына
Қимай оны батады екен
Жасыл жайлау – түкті кілем,көк кілем
Көк кілемде көп аунаймын, көп күлем
Күннің нұры,айдын апақ саулесі
Қазағымның махаббаты – ау деп білем
Қайда жүрсең атамекен
Көкейінде жатады екен
Күннің өзі ұясына
Қимай оны батады екен
Жасыл жайлау – түкті кілем, көк кілем
Көк кілемде көп аунаймын, көп күлем
Асқар тауың,аспаныммен таласқан
Қазағымның мәртебесі – ау деп білем
Қайда жүрсең атамекен
Көкейінде жатады екен
Күннің өзі ұясына
Қимай оны батады екен
Қайда жүрсең атамекен
Көкейінде жатады екен
Күннің өзі ұясына
Қимай оны батады екен
Үй тапсырмасы.
Денсаулықтың он құпиясы мәтінің оқу
Соңғы тыныштық сәтi.
Баяу әуен қойылады. Оқушылар денесін, басын тік ұстап, көзін жұмып отырады.
Мұғалім жәй дауыспен:
- Әрқайсымыз оң қолымызбен жүрегімізді ұстап көрейік. Өз жүрегіміздің жылылығын сезініп, жүрек жылуымызды адамдарға, айналамызға жеткізу үшін іштей оларға жақсы тілектер тілейік. Жақсы ой ойлайық, жақсы сөз сөйлейік, жақсы іс жасайық! Бүгінгі сабақтан алған әсерлеріңізді жүректеріңізге түйіп алыңыздар. Рахмет! Көздеріңді ашуға болады.
