"Етістіктен өткенді қайталау"

Сыныбы: 6 «А»

Күні:

Тақырыбы: «Етістіктен өткенді қайталау»

Сабақтың мақсаты: Оқушылардың етістік бойынша алған білімдерін нығайту, тиянақтау, бір жүйеге келтіріп қорыту, білім дағдыларын қалыптастыру;

Сабақтың міндеттері:

Білімділік: Етістік бойынша алған білімдерін жинақтау, етістік түрлерін ажырата білуге дағдыландыру

Дамытушылық: Сөйлеу тілдерін жетілдіру, сөйлеу машықтарын, шығармашылық қабілеттерін дамытуға жол ашу, ойлау қабілеттерін, сөздік қорларын, байқағыштық қасиеттерін дамыту;

Тәрбиелік: Ойын түрлері арқылы оқушылардың тапқырлық, іздемпаздық қасиеттерін қалыптастыру, талдауға алынған мысалдар арқылы адамгершілік қасиеттерге, ұлттық құндылықтарды сүйе білуге тәрбиелеу.

Сабақтың типі: Қайталау сабағы

Сабақтың түрі: Ашық сабақ

Сабақтың әдісі: Түсіндіру, сұрақ-жауап, ойын әдісі, талдау,

Сабақтың көрнекілігі: Таратпа материалдар,слайд, тірек-сызбалар,шарлар

Пәнаралық байланыс: Қазақ әдебиеті,орыс тілі

Жоспар:

I. Ұйымдастыру кезеңі: ( 2мин)

II. Үй тапсырмасының орындалу барысын тексеру кезеңі: ( 13 мин)

ІІІ. Жаңа тақырыпты түсіндіру кезеңі: ( 15 мин)

IV. Сабақты бекіту кезеңі: (5 мин)

V. Сабақты қорытындылау: ( 4 мин)

VI. Үйге тапсырма беру кезеңі: (2 мин)

VII. Бағалау кезеңі: (4мин)
Сабақтың барысы:
I. Ұйымдастыру кезеңі:

а) сәлемдесіп, сыныпты түгендеу

ә) сыныпты сабаққа бағыттау ( сыныптың тазалығына, оқушылардың киім киісіне назар аудару)

II. Үй тапсырмасының орындалу барысын тексеру кезеңі:

1)Етістік дегеніміз не?

2)Етістіктің түрлерін атаңыздар?

3)Қазақ тілінде етістің қанша түрі бар? Оларды атаңыздар.

4)Өздік,өзгелік,ырықсыз, ортақ етістердің жұрнақтарын атаңыздар.

ІІІ. Жаңа тақырыпты түсіндіру кезеңі:

Оқушыларды сабаққа психологиялық дайындау, ойларын бір ортаға топтастыру. Сыныпты екі топқа бөлу I топ "Есімше", 2-топ "Көсемше". Екі топтың топ басшыларына жеребе тарту. Жеребе бойынша өздерін бірінші таныстыратын топты анықтау.

Балалар, бүгін біз сендермен етістік тарауын қорытындылаймыз. Ол үшін бүгінгі сабағымызда «Етістіктер әлеміне саяхат» ойынын ойнайық.

«Етістіктер әлеміне саяхат» ойыны!!!

Ойын 5 кезеңнен тұрады.

1. кезең: Таныстыру. "Біз кімбіз?"

Екі топ өздерінің топтарының атына байланысты есімше мен көсемше, жасалуы мен түрлері, түрленуіне байланысты қасиеттерін айтып, өздерін таныстырады.

"Есімше" тобының таныстыруы :

«Көсемше» тобының таныстыруы:

2.кезең: «Етістік ағашын өсіру»

Артында сұрақтар жасырылған жапырақтарды ілу. Әр топта он сұрақтан берілген. Оқушылар жеке – жеке жауап береді.

1) қазақ тілінің сөз табы?

2) етістік дегеніміз не?

3)етістіктің мағыналық түрлері?

4)етіс дегеніміз не?

5)салт және сабақты етістіктер?

6)болымды және болымсыз етістіктер?

7)тұйық етістік?

8)Есімше

9)Көсемше

3.кезең: " Білгенге маржан "

Екі топқа " Қыстың бейнесі " тақырыбына шағын мәтін құрастыру тапсырылады. Мәтін ішінде етістіктер болуы тиіс.

4.кезең: "Кім жылдам?" ойыны.

"Есімше" тобына "бол", "Көсемше" тобына "жет" етістігі беріледі. Ойынның шарты -жазылған етістіктің әрбір әрпінен басталатын етістікті табу және оларға етіс жұрнақтарын жалғау.

Оқулықпен жұмыс:

5. кезең: «Сызбаларды сөйлетейік»

Тақтаға « Қазақтың ұлттық тағамдарының» суреттері көрсетіледі. Сол бойынша екі топ ауызша қазақтың ұлттық тағамдарындағы ерекшеліктерді кезек-кезек ретімен баяндайды.

IV.Сабақты бекіту кезеңі:

Тест тапсырмалары бойынша жұмыс:

1 .Етістіктің неше түрі бар?

а) 1 э) 3 б) 5

2.Болымсыз етістік жұрнақтары қайсысы?

а) -у ә) -ма, -ме, -ба, -бе, -па, -пе б) -ып, -іп, -п

3."Сөйлеп тұр", "жүріп келе жатыр" құрамына қарай қандай етістікке жатады?

а) дара етістікке ә)тұйық етістікке б) күрделі етістікке

4. Екі етістік түріне ортақ жұрнақтарды ата.

а) —ыл -іл, -л э) -қыз, -кіз, -ғыз, -гіз б) -ын, -ін, -н

5.Көсемшенің жіктелмейтін түрін көрсет.

а)-қалы, -келі, -галы, -гелі ә)-а,-е,-й б) -ып, -іп, -п

6. Сабақты етістікті салт етістікке айналдыратын қай етістік түрі?

а)ырықсыз етіс ә) өздік етіс б) өзгелік етіс

7. Табыс жалғауын қажет етпейтін етістік түрі.

а)сабақты етістік ә) салт етістік б) есімше

8.Тұйық етістік қай сөйлемде тұр?

а) Сабаққа үнемі дайындалу керек.

ә)Шашу жақсылық, жиын-тойларда орындалатын ырым.

б) Көсеуді пештің қасына қойды.

9.Өздік етістін жұрнақтарын белгіле?

а)-ын,-ін,-н ә)-ыл,-іл,-л б) -ғыр,-гір,қыр,кір

10.Етістікті табыңыз?

а) кітап ә)әдемі б)жүгірді

V.Сабақты қорытындылау кезеңі: (сұрақ-жауап)

6.кезең: «Зерделі сұрақ, дәлелді жауап» ойыны

1) Етістік дегеніміз не?

2) Етістіктің түрлерін атаңыз?

3) Етістің қандай түрлері бар?

4) Өздік,өзгелік, ырықсыз,ортақ етістердің жалағауларын атаңыз?

Жүсіп Баласағұнның :

«Біле бер қанша білсең, тағы тіле.

Жетерсің мақсатыңа біле – біле» деген нақыл сөзімен бүгінгі ашық сабағымызды қорытындылаймыз. Жеңген топты марапаттау.

VI. Үйге тапсырма беру кезеңі:

VII. Бағалау кезеңі: Сабаққа белсене қатысқан, үй жұмысын тиянақты орындаған балаларды бағалау.