Бекітемін: ________________________________________Жетібаева Б.
Өзін-өзі тану
Мектеп:№21ЖББО
Мерзiм:07.02.2017ж
Тақырып: Еңбек бәрін жеңбек
Құндылық: дұрыс іс-әрекет
Қасиеттер: еңбексүйгіш,адалдық,сыйластық
Мұғалiм :Бимурзаева Ә.Р
Сынып : 2 «а,ә,б,г,д»
Көрнекіліктер: еңбек туралы суреттер,бейнеролик,үлестірмелі қағаздар,тілек ағашы,жүрекше
Сабақ мақсаты: «Еңбек» адамгершілік құндылығы туралы түсініктерін кеңейту.
Міндеті:
1. еңбектің адам өміріндегі мәні туралы түсінік беру;
2. еңбек етуге қызығушылықтарын дамыту;
3. еңбексүйгіштікке тәрбиелеу;
Сабақ барысы:
1.Ұйымдастыру кезеңi.
Сәлемдесу, оқушылардың көңіл-күйін сұрау, сабаққа қатысуды тексеру.
5т ережесін еске түсіру
Тәртіп
Талап
Тыныштық
Тазалық
Татулық
2.Тыныштық сәтi.
(дауыс записьпен тыңдалады.)
Көзіңді жұмып, терең дем ал, денеңді босат. Бірнеше секундтан соң теңіз түбіне саяхат жасаймыз.Теңіз жағасымен келе жатқаныңды елестет. Толқындардың жеңіл шалпылына, шағалалардың шуылына құлақ түр. Жалаң аяқтарыңмен құмды сезін. Шалғайдан қара нүкте көріп тұрсың: ол жақындаған кезде дельфин екенін түсіндің. Ол сені теңіз түбіне алып кету үшін келді. Ол өте әдепті екен, сені шыдамдылықпен күтіп тұр. Жайлап оның арқасына отыр, мықтап ұстап, жолға шықтыңдар. Дельфиннің арқасында жайланып отырып, өзіңді қауіпсіз сезін, су астында жүзу қандай керемет. Жан-жағыңа қара: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қарашы, қандай орасан зор әдемі балықтар. Су асты неткен қызықты әрі ғажап әлем. Сен бір нәрсені байқадың ба? Мұнда неткен тұңғиық, толық тыныштық. Осы тыныштық күйде бол (бірнеше секунд үнсіз қалады).
Ал қазір жоғарыға, өз әлемімізге кері қайтуға дайындал. Айналаға жақсылып қара. Ғажап түстерге тағы бір рет қара және тыныштыққа құлақ түр. Осындай тыныштық саған самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.
Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.
Сабақ барысын талқылау:
3мин
3.Үй тапсырмасын тексеру.
Үйге берілген «Обал мен сауап» туралы сұрақ қою арқылы тексеру, айту.
Сұрақтар: Обал деген не?
Сауап деген не?
Көрнекілік суреттер арқылы түсіндіріп қайталау.
3мин
Жаңа сабақ: « Еңбек-бәрін жеңбек»
Еңбек сөзіне топтастыру
4.Әңгімелесу
Мұғалім сабақтың тақырыбын таныстыру мақсатында әгімелесу жүргізеді.
- Неліктен еңбекшіл баланы бәрі жақсы көреді?
- Еңбек адамға не үшін кажет деп ойлайсыңдар?
- Адамға өмір сүруі үшін ең алдымен не қажет деп ойлайсыңдар?
Балалардың жауаптар:- Дұрыс айтасыңдар! Ауа, су, тағам. Ауа, су - табиғаттың адамға берген сыйы. Ал тағам дегенде бірден еске түсетіні -нан. Нан еңбекпен келеді. Осы тағамнан басқа да адамның өмір сүруіне қажетті киім, білім, үй, оның ішін қажетті заттармен толтыру, денсаулығын сақтау бәрі, бәрі, бәрі де еңбекпен келеді.
7мин
5.Дәйексөз
Оқушылардың жауаптары оқулықта берілген дәйексөздің мағынасын түсіндірумен түйінделеді.
Мұғалім тақтаға «Бақыт кілті – еңбек», «Еңбек –қуаныш, жалқаулық – айырылмас азап » халық даналығы, деп жазып қояды.
- Адам, ең бастысы, еңбектенуге, яғни жоғарыда айтылғандай бір іске күш-қуатын, ақыл-ойын жұмсауға ерінбеуі керек. Өйткені еріншектік адамның өзін және өмірін тоздырады.
Ал ерінбей еңбек етсең мақсатыңа, арманыңа жетесің. Арманын орындалса, өзінді бақытты санайсың. «Бақыт кілті – еңбек» деген осы.
Балалар енді, дәптердің соңында берілген «Менін дәйексөздерім» айдарындағы бүгінгі сабақ көрсетілген бетке осы дәйексөзді жазындар.
3мин
6.Мәтінмен жұмыс. Еңбексіз өмір сүреңсіз
4мин
7.Бейнебаян. Нан,талқан,Еңбек туралы
4мин
8.Дәптермен жұмыс
Жұмыс дәптеріндегі тапсырма
4мин
- Шығармашылық жұмыс, топтық жұмыс
1.3топқа тапсырма, тақырып туралы газет қорғау
2.Айырмашылығын тап жаттығуы (сурет беру)
5мин
7.Сергіту сәті.
Орнымыздан тұрамыз
Қолды бетке қоямыз
1 2 3 қарлығаш боп ұшамыз
Жел еседі бетімізге
Шалқаяды ағаштар
Желге айтамын
Тыныш-тыныш
Тынышталсын ағаштар
Қоян шықты далаға
Жан –жағына қарады
Жүгірді,секірді,
Орнына келіп отырды
Ойын-жаттығу
Мамандықтар ойыны.
4мин
7.Топпен ән айту. «Көңілді күн» өлеңін бірге айтады.
3мин
8.Үй тапсырмасы.
Сахналау
Еңбектің адам өміріндегі мәні рөлдік орын даулар арқылы түсіндіріледі.
Үш оқушы (автор, қуыршақ, бауырсақ) рөлдерде өлеңді мәнерлеп оқиды.
Қайдан келдің, бауырсак?
Ө. Түрманжанов
Дастарқанда шашылып,
Жатты аппақ бауырсақ.
Бауырсаққа қызығып,
Қарап түрып көзін сап:
- Қайдан келдің бауырсақ? –
- Деп сұрады қуыршақ.
- Дүкеннен келдім
- Нан сатқан, -
- Деді оған бауырсақ.
- Дүкенге келдің қай жақтан?
- Наубайдан келдім нан жапқан.
- Наубайға келдің қай жақтан?
- Диірменнен келдім үн тартқан.
- Диірменге келдің қай жақтан?
- Даладан келдім кең жатқан.
- Жер-анам менің көсілген,
- Диқандар мені өсірген.
Оқулықтағы суреттер бойынша (жаюлы дастарқан үстінде шашылып жатқан бауырсақтың, нан дүкені сөрелеріндегі неше түрлі нандардың, нан жауып тұрған наубайшының, диірменнің, егіс даласының) оқушылар еңбектің адам өміріндегі маңызы туралы шығып сөйлейді.
2мин
9.Соңғы тыныштық сәтi.
- Балалар, енді бір сәт тынышталып, көзімізді
жұмайықшы. (әуенмен) Бүгінгі сабақтан алған әсерлерің мен жақсы ойларыңды естеріңе түсіріп көріңдерші. (сәл кідіріс жасаймын) Оны өздеріңмен бірге қалу үшін жүректеріңе салып, сақтап қойғанды елестетіп көріңдерші. (сәл кідіріс жасаймын) Елестетіп болсаңдар жайлап көздеріңді ашыңдар. Бүгін сендер өте көп жақсы істер жасадыңдар, сабақты жақсы оқыдыңдар, жақсы ойлар айттыңдар сол үшін сендерге рахмет айтамын!
3мин
