Ашық сабақ "Дұрыс тамақтанамыз", 5 сынып

Күні: 09.11.2016ж.

Сынып: 5 «А»

Пән: қазақ тілі

Мұғалім: Нуркина Т.Е.

Сабақтың тақырыбы: Дұрыс тамақтанамыз

Сабақтың мақсаты: Қарапайым сөйлемдер арқылы оқушылардың тақырып бойынша

алған білімдерін бекіту, сабақта тапсырмаларды орындау арқылы өз

ойларын жеткізе білуге, іскерлікке, шеберлікке машықтандыру.

Сабақтың міндеттері:

Білімділік: Тақырыптың аясында қарапайым сөйлемдер құрау арқылы жаңа сөздерді

меңгерту.

Дамушылық: Тілдесім әрекеті негізінде оқушылардың тілін, ойлау қабілеттерін дамыту.

Тәрбиелік: Тілдесім әрекетіне құрылған қарапайым сөйлемдер негізінде оқушыларды

салауатты өмір салтын ұстануға үйрету.

Сабақтың түрі: Аралас сабақ.

Әдіс-тәсілдері: Сұрақ-жауап,түсіндіру, әңгімелеу, ойлану.

Пәнаралық байланыс: Орыс тілі.

Көрнекілік: Тақырыпқа қатысты суреттер, слайдтар.

Сілтеме: Оқу бағдарламасы

Жетістік критерийлері: Оқушының төменгі жетістігі (ОТЖ):дұрыс тамақтану жөнінде

қарапайым сөйлеу үлгілерін пайдалану арқылы ақпарат бере алады.

Оқушының орташа жетістігі (ООЖ): қарапайым сөйлемдер арқылы

дұрыс тамақтану нормаларын сипаттайды.

Оқушының жоғары жетістігі (ООЖ):тақырып аясында өз бетімен мәтін

құрайды, қарапайым үлгілер арқылы тілдесімге келеді.

Негізгі түсініктер: Тамақтану, тез бұзылады, пікірталас, ескерту, жиі, сапа, қазы-қарта, артық

салмақ, асқазан.

Сабақтың барысы

І. Ұйымдастыру кезеңі: Оқушылармен амандасып, бүгінгі сабағымызда әр-түрлі

тапсырмаларды орындайтынымызды айтып өтеміз.

Оқушыларға психологиялық ахуал туғызу: Оқушылар шаттық шеңберінде тұрып, бір-біріне

сәттілік, жақсы тілектер айтады.

ІІ. Үй жұмысын тексеру: Жартылай дайын өнімдер.

1)Өткен сабақтың тапсырмасын тексеріп, кемшіліктерді анықтаймыз,түзетеміз, бағалаймыз.

1.Тамақ ішу қажеттілік пе?

Тамақ ішу – қажеттілік.

2.Дәрумендер қандай тағамдарда көп?

Жеміс-жидек пен көгөністе дәрумендер көп.

3.Қандай тамақты ас мәзіріне қосуға болады?

Пайдалы әрі жеңіл тамақты ас мәзіріне қосамыз.

4.Теледидарда қандай тағамдар туралы айтады?

Теледидарда жартылай дайын өнімдер туралы көп айтады.

5.Жартылай дайын өнімдерді аласыңдар ма?

Жартылай дайын өнімдерді көп алмаймыз.

6.Жартылай дайын өнімдерді алағанда нені қарау керек?

Жартылай дайын өнімдерді алағанда сақталу мерзіміне қарау керек.

7.Олардың пайдасы бар ма?

Жартылай дайын өнімдер денсаулыққа зиян.

2)Жағдаят: сен дүкеннен жартылай дайын өнім сатып алдың. Бірақ сақталу мерзімі өткенін кеш көрдің. Не істейсің? Төмендегі сөздерді пайдаланып, сатушымен сөйлес: кешіріңіз, көрмедім, жартылай дайын өнім, сатып алдым, сақталу мерзімі, өтіп кеткен.

3) «Оймоншақ» ойыны. Топқа бөлініп, әрқайсысың бір сөйлемнен айтыңдар. Сөйлемдер бір-бірімен логикалық байланыста болсын. Талап:өздерің алған жартылай дайын өнімдердің артықшылығы мен сақталу мерзімі туралыайтыңдар. Ол үшін төрт-төрттен топқа бөлініңдер. Топқа бөліну жолы: Үстелдің үстінде жемістің, көгөністің, сүт тағамдарының, ет тағамдарының суреттері теріс аударылып жатады. Алған суреттерің бойынша топтасыңдар.Дайындыққа үш минут беріледі. Қай топ дұрыс нәтиже көрсетсе, сол топ жеңімпаз атанады.

ІІІ.Жаңа сабақ: Дұрыс тамақтанамыз.

1.Жаңа сөздер (жазбаша)

Тез бұзылады, ескерту, жиі, сапа, қазы-қарта, артық салмақ.

1-тапсырма.Суретке қара. Олардың атын айт. Бұл тағамдардың қайсысы саған ұнайды? Қай тағамды жиі жейсің?

Қайсысы пайдалы?

2-тапсырма. Бұл тағамның елі қайсы? Сұрақтың жауабын белгіле. (ауызша)

3-тапсырма. Мәтінді оқы. (мәтінмен жұмыс,тыңдалым, оқылым)

Бүгін мектепте «Фастфудтар: «ия» және «жоқ» » тақырыбында сынып сағаты өтті. Сынып сағатына оқушылар, гастроэнтеролог- дәрігерлер қатысты.

Дәрігерлер мектеп оқушыларына тез дайындалатын тағам түрлерінің зиян екенін айтты. Гамбургер, хот-дог, чипсы, газдалған сусындарды пайдаланбау туралы ескертті. Олар: фастфуд тағамдарын дайындаушылар оның сапасына қарамайды. Сондықтан олар тез бұзылады да, көп ауруға себеп болады. Көп балалар фастфуд тағамдарын жиісжейді. Ол денсаулыққа зиян. Сендер дұрыс тамақтана біліңдер», – деді.

Қазір 6 жастан 14 жасқа дейінгі балаларда қаназдық ауруы көп кездеседі. Ал асқазан ауруы бірінші орында тұр. Фастфуд тағамдары артық салмақ қосады.

4-тапсырма. Көп нүктенің орнына тиісті қосымшаларды жаз.

Ас адам ...(-ге, -ға) күш береді. Жақсы ас ішкен адам ...(-ның, -нің) көңіл күйі жақсы болады. Сол себепті жейтін ас ... (-тің, -тың) жеңіл әрі пайдалы болуына көңіл бөле ... (-мын, -мін).

Таңғы аста ботқа түрлерін жей ... (-мын, -мін). Түскі ас ... (-те, -та) салқын салат жеймін.

Сұйық тағам іше ... (-мын, -мін).

5-тапсырма. Мәтін бойынша сұрақтарға жауап бер.

1.Мектепте не өтті?

2.Сынып сағатының тақырыбы қандай?

3.Оған кімдер қатысты?

4.Дәрігерлер оқушыларға не туралы айтты?

5.Фастфуд тағамдарының қандай зияны бар?

6.Фастфуд тағамдары неге тез бұзылады?

6-тапсырма. Үш қатардағы сөздерді пайдаланып, сөйлем құра.

7-тапсырма. «Фастфуд тағамдары» сөзіне кластер құраңдар.

Фастфуд тағамдары

8-тапсырма. Сөзжұмбақты шеш. Тірек сөзді тап.

Көлденеңінен:

1.Құрамында кальций мол табиғи тағам.

2.Сүттен алынатын қою, дәмді тағам.

3.Сүт,ұн, жұмыртқа қосып қуырылатын тағам.

4.Қант пен жеміс қосып дайындалатын тағам.

5.Ұн, су, жұмыртқа, тұз қосып иленетін шикі нан.

ІҮ.Сабақты пысықтау.

9-тапсырма. Тамақтану ережесін оқыңдар. Осы ереже мен мәтіннің негізінде бірің – дәрігер, бірің – оқушы рөлінде диалог құрыңдар.

Тамақтанудың ережесі:

1. Уақытында тамақтану керек.

2. Тамақтанар алдында қолды жуу керек.

3. Тамақтану кезінде теледидар қарауға,кітап оқуға болмайды.

4. Тамақты асықпай жеу керек.

5. Тамақты көп жемеу керек.

10-тапсырма.

Тез дайындалатын тағам түрлері денсаулыққа зиян.

Фастфуд тағамдары тез бұзылады.

Олар көп ауруға себеп болады.

Сондықтан дұрыс тамақтану керек.

11-тапсырма. Кел, жаттайық.

Сүт ішеміз әмәнда,

Ағзамызға пайдалы.

Тіл үйірер қашанда,

Қою тәтті қаймағы.

ІҮ.Үй тапсырмасы: «Дұрыс тамақтанамыз» тақырыбында мәтін құрап жазыңдар.

Ү.Оқушыларды бағалау