Ашық сабақ "Адам және отбасы"

Өзiн-өзi тану сабағының жоспары

Мектеп Қараторғай орта мектебі

Мерзiмі

№ 24

Тақырып Адам және отбасы

Құндылық ішкі тыныштық

Қасиеттер өзін-өзі құрметтеу, қарапайымдылық,жағымды ойлау

Мұғалiм Әбжан Б.Т.

Класс 9

Оқушылар саны 8

Сабақтың мақсаты:

«Отбасы» татулығы туралы түсініктерін кеңейту арқылы ішкі

тыныштық құндылығының мәнін ашу.

Міндеттері:

• «Отбасы» туралы түсініктерді ұғымдарды кеңейту, өзін-өзі құрметтеуге, отбасы игілігі үшін талмай еңбек етуге үйрету  

• - Отбасының негізі өмірдің ұйытқысы, қарапайымдылық қасиетке ие болу сыры, отбасы тәлімінің мәні туралы түсініктерді кеңейту; 
  - Отбасы тәрбиесінің мән-маңызын ашып көрсете отырып, ұлттық салтты, дәстүрді түсініп,жағымды ойлауға баулу, алдағы өмірге даярлау. 

Ресурстар:(құралдар, мәлiметтер)

Интерактивті тақта, бейнежазба

Сабақ барысы:

1. Ұйымдастыру кезеңi.

Баяу әуен тыңдай отырып жасау. «Нұрға бөлену»
Ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді жәнеойыңызды, әр сезіміңізді, эмоцияңыз бен тілек - қалауыңызды шайып, жүрегіңіздің қауызын баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте - бірте қарқын және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз.
Осы нұр бүкіл әлемге: барлық адамдарға, жан - жануарларға, өсімдіктерге, барлық тірі жанға таралсын... Ғаламның барлық түпкір - түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

- Осындай Нұр, Махаббат және Тыныштық күйінде отыра тұрыңыз...
- Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады.

2.Үй тапсырмасын тексеру.

«Әдептілік – адамгершілік бастауы» тақырыбында фото коллаж жасап келу

1. Дәйексөз.

Отбасы – шағын мемлекет

Халық мақалы

1-рет ұлдарға, 1- рет қыздарға айтқызу, барлығы қосылып айту

1. Әңгiмелеу

Мұғалім сыйы

Олар өте бақытты отбасы болатын. Бірақ, бір күні анасы ауру себебінен сүйікті күйеуі және енді ғана үш жасқа толған сүйкімді қызын тастап, бұл дүниемен қоштасты. Сәби күн сайын әкесінен «Мамам қашан қайтып келеді?” деп сұрайтын. Ал әкесі қызын жұбатып, „Қызым, мамаң өте алыс бір жерге жұмысқа кетті” деп құшақтап ұйықтататын.
Сөйте жүріп, қызы алты жасқа шыққан жылы, әкесі мейірбан, ақкөңіл бір әйелмен танысады. Бір күні әкесі қызына: “Қызым, мамаң қайтып келетін болды. Сен мамаңның түрін ұмытып қалған жоқсың ба?” деп сұрады. Кішкене сәби ары ойланып, бері ойланып, басын шайқайды. Әке қызын аяп кетті әрі бір жағынан сәл де болса жеңілдеп қалғандай сезінді. Ол әлі де бала ғой.

Дәл сол сәтте есік ашылып, әлгі әйел кірді де құшағын кең жайып, қыздың есімін шақырады. Сәл таңырқап, жатырқап тұрған қызына әкесі: „Қызым, мамаңды танымадың ба? Тез “мама” деп шақыра ғой” депті. Сәби ақырын адымдай басып барып, „мама” деп құшақтай алады.
Кешкі астан соң, әйел қызға ілесіп, оның бөлмесіне кіреді. Екеуі көңілді әңгімелесіп отырғанда қыз: “Сіз менің мамам емессіз” дейді кенеттен. Әйел әрі тосырқап, әрі таңырқап қалды. Сәби қыз шошып қалған әйелдің қолынан ұстап, бәсең үнмен: „Менің мамам қайтыс болған. Мен оны атам мен әжемнің әңгімелерінен біліп алғанмын. Мұны тек атам, мен және әжем үшеуміз ғана білеміз. Әкем мен басқалар білмейді. Олар әлі күнге дейін мамамды тірі, алыс бір жерде жұмыс істеп жүр деп біледі”. Жылап жіберуге шақ қалып тұрған әйелдің құлағына сыбырлап: “Бұл екеуміздің ортамыздағы сыр болсын. Әкеме айтып қоймаңыз. Ол білсе, сөзсіз азаптанып, жылайды” дейді жаңа тапқан „анасын” құшақтап.
Бұл сәтте есік сыртында үнсіз тыңдап тұрған әкенің көз жасы көл болған еді…

• Сәби қыздың анасына деген сағынышы қай сұрақтан белгілі болды?

• Сәбидің жан тыныштығы қай іс әрекеттен айқындалды?

• Өздерін білетін,танитын адамдарының

арасында осындай жағдайлар болды ма?

1. Шығармашылық жұмыс, топтық жұмыс.

• «Мен үшін отбасы...» туралы эссе жазу.

• Әке, Ана, Бала, Әже туралы бір өлең шумақтарын құрастыру

4.Топпен ән айту.

«Әкешім анашым» сөзі

5.Үй тапсырмасы.

«Менің отбасым» фотоколлаж жасау

6.Соңғы тыныштық сәтi.

Көздеріңді жұмып бүгінгі сабақтан алған жақсы сөздерді жасаған жақсылықтарынды көз алдарына елестетіндер. Сабақ сіздерге қандай жақсы ойлар үйретті естеріне алып болашақта тек жақсылық жасауды ойландар.

Тыныштық, тыныштық, тыныштық, тыныштық бар жерде,

Тыныштық ,тыныштық, тыныштық, тыныштық бүкіл әлемде